1 Samuel 1:3 - Kaxinawá Bíblia (BR)

Ano tibi Senhor Deus kushipahaira kẽwãkĩ txashuwã tesẽshũ hawẽ sheni menu keyushũtã hawẽ nami huashũ Siló anushũ Senhor Deus bushũshũ hawenabubetã pinũ ikaini Senhor Deuski nukuti tari hiwe pũtenibu anu Elcana kapaunikiaki, Senhor Deuski nukuti tari hiwe pũtenibu anu hawenabu Senhor Deusbe hãtxashunika shanẽ ibu Elĩ huni bake dabe Hofni inũ Finéias hawenabu Senhor Deusbe hatu hãtxashunika ikaibutianã.

1 Samuel 1:3 Referencias Cruzadas

Êxodo 34:23

Mã haska tibi akĩ betsa betsapa wai ano tibi dabe inũ bestiki hanu eki nukuti tari hiwe anu berunãbu inũ huni ewabu dasibi ea Senhor Israelĩ enabu mekenika Deus bebũ itxakubaĩshãkãwẽ.

Lucas 2:41

Haska inũ, Páscoatiã Egito anushũ hatũ huni bakebu tenãma hatũ shenipabu Deusũ nai tsumã hatu dũkebaini xinaĩ besinũ ika bari tibi Jerusalém anu Jesusũ ibubu bupakemisbũ

1 Samuel 1:21

Hanua ano betsatiã Siló anushũ Senhor Deus kẽwãkĩ txashuwã nami Elcanã hawenabu pashkashũtã hawẽ kẽwãti nami ana pinũ, iwanã, hawẽ aĩ dabe inũ hawẽ bake dasibibu iyukatsis ikaya

1 Samuel 1:9

Besiaibũ hawẽ benebe Siló anu kashiã Senhor Deus kẽwãti nami pikĩ nushutã Ana benikainaya habianuri Senhor Deuski nukuti tari hiwe pũtenibu anu Eli hawenabu Deusbe hatu hãtxashunika hiwe dapi hawẽ tsautiki tsaushũ uiãyã

1 Samuel 14:3

Senhor Deus yukanũ ika Deusbe hawenabu hãtxashunikatũ tari hawẽ kena éfode Aíasĩ beshuã inikiaki. Aíasĩ eparã, Aitube inikiaki, Icabô betsarã. Hanua Icabô eparã, Finéias inikiaki. Finéiasĩ epa Eli inikiaki. Siló anushũ hawenabu Senhor Deusbe hatu hãtxashunikari ikũkainikiaki, Elirã. Jônatas tashnikaĩkĩ tsua yuiama ka tsuã hawa unãmakẽ

1 Samuel 2:19

ano tibi turu tari bena washũtã hawẽ ibubũ Senhor Deus kẽwãkĩ hawẽ kẽwãti nami pinũ ika Siló anu Senhor Deuski nukuti tari hiwe pũtenibu anu hawenabu Elcanã iyui kai hawẽ benebe Ana kakĩ Samuelĩ tari bena ano tibi bushũtãtãmis

1 Samuel 2:34

Haska ẽ mia yuishu minabu ikubaĩshanaibu hawẽ mĩ unanũ ẽ mia yuiaii. Mĩ huni bake dabe Hofni inũ Finéias habias diatiã mawashãkanikiki.

1 Samuel 3:13

Ẽ hãtxa danãkĩ hawẽ huni bake dabetũ txakabuwakĩ ekiri hãtxa txakabukĩ yuiaibũ Elĩ hawẽ bakebũ txakabuwakubainaibu unãbiakĩ hatu nemakĩ pewaismawẽ taeshũ haska ẽ bebũkiri yuishina keska wakĩ hawa heneama ẽ hatu kupikubaĩshanaii.

1 Samuel 4:11

Deus hatube yubakani hãtxa aruni bau dikabi Filisteu nawabũ atxitã habianuri Elĩ bake dabe Hofni inũ Finéias tenãriabũ

1 Samuel 4:4

haska shinãtã huni itxapa Siló anu hatu yunua bushũ hanua Senhor Deus dasibi kushipabu binu keyua hatube yubakani hãtxa aruni bau ha querubin hamamaki Senhor Deus mekeabu tsaumis beaibũ Elĩ huni bake dabe Hofni inũ Finéias hatube buriaibũ