1 Samuel 3:13 - Kaxinawá Bíblia (BR)

¹³ Ẽ hãtxa danãkĩ hawẽ huni bake dabetũ txakabuwakĩ ekiri hãtxa txakabukĩ yuiaibũ Elĩ hawẽ bakebũ txakabuwakubainaibu unãbiakĩ hatu nemakĩ pewaismawẽ taeshũ haska ẽ bebũkiri yuishina keska wakĩ hawa heneama ẽ hatu kupikubaĩshanaii.

1 Samuel 3:13 Referencias Cruzadas

1 Reis 1:6

haska Adoniasĩ akai Davi yuibiabu hawẽ bake Adonias nemakubaĩsma inũ ha haskaitiã: “Mĩ haskanũ ika ikai?” iwanã, bebũkiri unãkĩ yukaisma inikiaki. Hanua Absalão ha dukũ kaini hawẽrua inikẽ ha katxu Adonias kaĩriani habiaskari hawẽrua irianikiaki.

Provérbios 19:18

Ewariama hawarakiri mĩ bakẽ mia nĩkatiru yusĩkĩ pewakubaĩwẽ. Ha dukũ yusĩkĩ pewawe. Hakia ana mĩ pewatirumabia kupikĩ ha txakabuwaiwẽ tenãtikiri shinãtimaki.

Ezequiel 18:30

Mã Israelburã, matu tibi haska mã hiwemiswẽ taea eã ẽ matu unãti watirumamẽ? Ea Senhor Deusũ ẽ hãtxa txanima ẽ mestẽwaiĩ. Ibubis mã ea sinatamabiamis hawẽ taeshũ ẽ matu kupiyamashanũ matũ txakabu dasibi hawaira hene keyurikãwẽ, hamẽ matũ hiwea mã benuyamashanunã.

Joel 3:12

Hanushũ nawa shukuabu tibi Israelĩ enabu dapi hiwebaunabu Senhor Deusũ hatu unãti washanaiwẽ taeshũ yura shukuabu dasibi detenamenũ ika pewakĩ keyutã Josafá Pashku Napaku anu hau itxai benũbũwẽ.

Mateus 10:37

Hawẽ ibubu inũ hawẽ bakebu abuhairakĩ ea abu beshmas wamisrã, enabumaki. Ha inũ, tsuabũra ea txibãkatsi iki bika tenei eki hawa dakeama: “Ẽ habe mawakatsi ikaii”, ikĩ yuiabumarã, habu enabumariki.

1 João 3:20

Nũ txakabu wakubaĩmis nuku unã keyubiaya Deus nũ yuka nukũ txakabu nuku buashũtã ana xinãma unaĩ ana punu nukayamakubainãkãwẽ.

1 Samuel 2:12

Elĩ huni bake dabe hawenabu Deusbe hatu hãtxashunikabia Senhor Deuskiri hawa shinã pewama txakabukubainaibũ hatunabũ Senhor Deus benimawanũ, iwanã, Siló anu hatũ inabu beshũ tesẽtã dashpeshũ hawẽ sheni dukũ bitã hau Deusbe hawenabu hãtxashunikatũ Deus kuashũkĩ menushunũ hanu Senhor Deuski nukuti tari hiwe pũtenibu anu bua ma hawẽ sheni menukĩ keyushũkẽ hanushũ hawẽ nami meshte meshte atã kẽti ewapaki nami huabu kukatsa ikaya Deusbe hãtxashunikã dayaru betsa hawẽ txatxitã neshetiya hushũ

1 Samuel 2:17

Senhor Deus inãkuĩ nami hawenabiakẽ ha berunãbũ ibubis txakabukĩ ha inãkuĩ Senhor Deus beshuãbu hawẽ berubi atimapahairawakĩ Senhor Deus kẽwãti beya danãkĩ Senhor Deus sinatamahairaibũ