Masalimo 87 - Buku Lopatulika

Yehova akonda Ziyoni

Salimo la ana a Kora. Nyimbo.

¹ Maziko ake ali m'mapiri oyera.

² Yehova akonda zipata za Ziyoni koposa zokhalamo zonse za Yakobo.

³ Mzinda wa Mulungu, inu, akunenerani zakukulemekezani.

⁴ Ndidzatchula Rahabu ndi Babiloni kwa iwo ondidziwa Ine; taonani, Filistiya ndi Tiro pamodzi ndi Kusi; uyu anabadwa komweko.

⁵ Ndipo adzanena za Ziyoni, uyu ndi uyo anabadwa m'mwemo; ndipo Wam'mwambamwamba ndiye adzaukhazikitsa.

⁶ Yehova adzawerenga, polembera mitundu ya anthu, uyu anabadwa komweko.

⁷ Ndipo oimba ndi oomba omwe adzati, akasupe anga onse ali mwa inu.