Masalimo 120 - Buku Lopatulika

Apempha Mulungu amlanditse pa omnamiza

Nyimbo yokwerera.

¹ Ndinafuulira kwa Yehova mu msauko wanga, ndipo anandivomereza.

² Yehova, landitsani moyo wanga kumilomo ya mabodza, ndi kulilime lonyenga.

³ Adzakuninkhanji, adzakuonjezeranji, lilime lonyenga iwe?

⁴ Mivi yakuthwa ya chiphona, ndi makala tsanya.

⁵ Tsoka ine, kuti ndili mlendo mu Meseki, kuti ndigonera m'mahema a Kedara!

⁶ Moyo wanga unakhalitsa nthawi pamodzi ndi iye wakudana nao mtendere.

⁷ Ine ndikuti, Mtendere; koma polankhula ine, iwowa akuti, Nkhondo.