Masalimo 113 - Buku Lopatulika

Anthu onse alemekeze dzina la Mulungu wothandiza aumphawi

¹ Aleluya; Lemekezani, inu atumiki a Yehova; lemekezani dzina la Yehova.

² Lodala dzina la Yehova Kuyambira tsopano kufikira kosatha.

³ Chitulukire dzuwa kufikira kulowa kwake lilemekezedwe dzina la Yehova.

⁴ Yehova akwezeka pamwamba pa amitundu onse, ulemerero wake pamwambamwamba.

⁵ Akunga Yehova Mulungu wathu ndani? Amene akhala pamwamba patali,

⁶ nadzichepetsa apenye zam'mwamba ndi za padziko lapansi.

⁷ Amene autsa wosauka kumchotsa kufumbi, nakweza waumphawi kumchotsa kudzala.

⁸ Kuti amkhalitse pamodzi ndi akulu, pamodzi ndi akulu a anthu ake.

⁹ Asungitsa nyumba mkazi wosaona mwana, akhale mai wokondwera ndi ana. Aleluya.