အွန်လိုင်း သမ္မာကျမ်းစာ

ကြော်ငြာတွေ


သမ္မာကျမ်းစာတစ်အုပ်လုံး ဓမ္မဟောင်း ဓမ္မသစ်




၂ ရာ​ချုပ် 28:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

သူ​တို့​သည် ဘိုးဘေး​တို့​၏​ဘုရားသခင်​ထာဝရဘုရား​ကို စွန့်ပယ်​သောကြောင့် ယုဒ​ပြည်​တွင် ရေမလိ​၏​သား​ပေကာ​မင်းကြီး​၏​လက်ချက်​ဖြင့် စစ်သူရဲ​အားလုံး တစ်သိန်းနှစ်သောင်း တစ်နေ့ချင်း​တွင် သေ​ကြ​ရ​၏​။

အခန်းကိုကြည့်ပါ။

Garrad Bible

ရေ မ လိ သား ပေ ကာ မင်း သည်၊ ဘိုး ဘေး တို့ ဘု ရား သ ခင် ထာ ဝ ရ ဘု ရား ကို၊ စွန့် ခွာ သော ယု ဒ သူ ရဲ ကောင်း၊ တစ် သိန်း နှစ် သောင်း တို့ ကို၊ နေ့ ချင်း လုပ် ကြံ ရာ၊

အခန်းကိုကြည့်ပါ။

Judson Bible

တစ်​ဖန် ဣ​သ​ရေ​လ​ရှင်​ဘု​ရင်​လက်​သို့ အပ်​တော်​မူ​သ​ဖြင့်၊ ထို​ရှင်​ဘု​ရင်​ရေ​မ​လိ​သား ပေ​ကာ​သည် ကြမ်း​တမ်း​စွာ​လုပ်​ကြံ၍၊ ရဲ​ရင့်​သော​ယု​ဒ​အ​မျိုး​သား တစ်​သိန်း​နှစ်​သောင်း​ကို တစ်​နေ့​ချင်း​တွင် သတ်​လေ၏။ အ​ကြောင်း​မူ​ကား၊ သူ​တို့​သည် ဘိုး​ဘေး​တို့၏ ဘု​ရား​သ​ခင် ထာ​ဝ​ရ​ဘု​ရား​ကို စွန့်​ကြ​သ​တည်း။

အခန်းကိုကြည့်ပါ။



၂ ရာ​ချုပ် 28:6
27 ပူးပေါင်းရင်းမြစ်များ  

ယုဒ​ဘုရင်​အာဇရိ​မင်းကြီး နန်းစံ​ငါးဆယ့်​နှစ်​နှစ်​တွင် ရေမလိ​၏​သား​ပေကာ​သည် အစ္စရေး​ဘုရင်​ဖြစ်လာ​ပြီး ရှမာရိ​မြို့​တွင် အနှစ်​နှစ်ဆယ်​စိုးစံ​၏​။


ထို​အချိန်​တွင် ထာဝရဘုရား​သည် ဆီးရီးယား​ဘုရင်​ရေဇိန်​မင်းကြီး​နှင့် ရေမလိ​၏​သား​ပေကာ​မင်းကြီး​တို့​ကို​လွှတ်​၍ ယုဒ​ပြည်​ကို စတင်​တိုက်ခိုက်​စေ​၏​။


ဆီးရီးယား​ဘုရင်​ရေဇိန်​မင်းကြီး​နှင့် ရေမလိ​၏​သား အစ္စရေး​ဘုရင်​ပေကာ​မင်းကြီး​တို့​သည် ဂျေရုဆလင်​မြို့​သို့​စစ်ချီ​လာ​၍ အာခတ်​မင်းကြီး​ကို ဝိုင်းရံ​ထား​သော်လည်း သူ့​ကို မ​အောင်​နိုင်​ခဲ့​ပေ​။


အဘိယ​မင်းကြီး​နှင့် သူ​၏​လူ​တို့​သည် အစ္စရေး​စစ်သူရဲ​တို့​ကို အပြင်းအထန်​တိုက်ခိုက်​သဖြင့် လက်ရွေးစင်​စစ်သူရဲ​ပေါင်း ငါးသိန်း​မျှ ကျဆုံး​၏​။


သူ​သည် အာသ​မင်းကြီး​ထံ​သွား​ကာ “​အို အာသ​မင်းကြီး​နှင့် ယုဒ​အမျိုး​၊ ဗင်္ယာမိန်​အမျိုး​အပေါင်း​တို့​၊ ငါ့​စကား​ကို နားထောင်​ကြ​ပါ​လော့​။ သင်​တို့​သည် ထာဝရဘုရား​နှင့်အတူ​ရှိ​လျှင် ထာဝရဘုရား​သည်​လည်း သင်​တို့​နှင့်အတူ ရှိ​လိမ့်မည်​။ ကိုယ်တော်​ကို​ရှာ​လျှင် အတွေ့ခံ​တော်မူ​မည်​။ ကိုယ်တော်​ကို စွန့်ပစ်​လျှင် ကိုယ်တော်​သည်​လည်း သင်​တို့​ကို စွန့်ပစ်​တော်မူ​မည်​။


ယဟောရံ​မင်းကြီး​သည် ဘိုးဘေး​တို့​၏​ဘုရားသခင်​ထာဝရဘုရား​ကို စွန့်ပယ်​သောကြောင့် ယုဒ​ပြည်​၏​လက်အောက်ခံ​ဖြစ်​သော ဧဒုံ​ပြည်​သည် သူ့​ကို ယနေ့​တိုင်အောင် ပုန်ကန်​၏​။ တစ်ချိန်တည်းမှာပင် သူ​၏​လက်အောက်ခံ​ဖြစ်​သော လိဗန​ပြည်​သည်​လည်း သူ့​ကို​ပုန်ကန်​လေ​၏​။


ဧဖရိမ်​စစ်သူရဲ​ဇိခရိ​သည်​လည်း ဘုရင့်​သား​တော်​မာသေယ​၊ နန်းတော်အုပ်​အာဇရိကံ​၊ ရှင်ဘုရင်​ပြီးလျှင် ရာထူး​အကြီးဆုံး​ဧလကာန​တို့​ကို ကွပ်မျက်​လေ​၏​။


အကြောင်းမှာ သူ​တို့​သည် ကိုယ်တော့်​နောက်​လိုက်​ရာ​မှ ပြန်လှည့်​သွား​ကြ​၏​။ နည်းလမ်း​တော်​များ​ကို အလေး​မ​ထား​ကြ​။


သို့သော် အပြစ်ကျူးလွန်​သော​သူ​တို့​သည် အတူတကွ​ဖျက်ဆီး​ခြင်း​ခံ​ကြ​ရ​လိမ့်မည်​။ ဆိုးယုတ်​သော​သူ​တို့​၏​အနာဂတ်​သည် ဖယ်ရှား​ခြင်း​ခံ​ကြ​ရ​လိမ့်မည်​။


ဆန့်ကျင်ပုန်ကန်​သူ​နှင့် အပြစ်​ကျူးလွန်​သူ​တို့​သည် အတူတကွ​ဖျက်ဆီး​ခြင်း​ခံရ​မည်​။ ထာဝရဘုရား​ကို စွန့်ခွာ​သော​သူ​တို့​သည် အပြီးသတ်​သုတ်သင်​ခြင်း​ခံရ​မည်​။


သင်​၏​လူ​တို့​သည် ဓား​ဖြင့်​လည်းကောင်း​၊ သင်​၏​စစ်သူရဲ​သည် စစ်ပွဲ​၌​လည်းကောင်း ကျဆုံး​ကြ​လိမ့်မည်​။


ဩဇိ​မင်းကြီး​၏​သား​တော်​ယောသံ​၊ ယောသံ​မင်းကြီး​၏​သား​တော် ယုဒ​ဘုရင်​အာခတ်​မင်းကြီး​၏​လက်ထက်​တွင် ဆီးရီးယား​ဘုရင်​ရေဇိန်​မင်းကြီး​၊ ရေမလိ​၏​သား အစ္စရေး​ဘုရင်​ပေကာ​မင်းကြီး​တို့​သည် ဂျေရုဆလင်​မြို့​ကို ချီတက်​တိုက်ခိုက်​၏​။ သို့သော် မ​အောင်​နိုင်​ခဲ့​ပေ​။


ဧဖရိမ်​ပြည်​၏​ဦးခေါင်း​သည် ရှမာရိ​မြို့​၊ ရှမာရိ​မြို့​၏​ဦးခေါင်း​သည် ရေမလိ​၏​သား​ဖြစ်​၏​။ သင်​တို့​၌ ယုံကြည်​ခြင်း​မ​ရှိ​လျှင် သင်​တို့​တည်မြဲ​လိမ့်မည်​မ​ဟုတ်​’​ဟူ၍ ဆင့်ဆို​လော့​”​ဟု မိန့်​တော်မူ​၏​။


မနာရှေ​အမျိုး​က ဧဖရိမ်​အမျိုး​ကို​၊ ဧဖရိမ်​အမျိုး​က မနာရှေ​အမျိုး​ကို ဝါးမျို​၏​။ သူ​တို့​အတူတကွ ယုဒ​အမျိုး​ကို ဆန့်ကျင်​ကြ​၏​။ ဤ​အရာ​အလုံးစုံ​ဖြစ်စေကာမူ အမျက်​တော်​မ​ပြေ​၊ လက်​တော်​သည် ဆန့်​လျက်​ရှိ​သေး​၏​။


တစ်ဖန် ထာဝရဘုရား​က “​သင်​သည် ငါ့​ကို ပစ်ပယ်​လေ​ပြီ​။ ငါ့​ကို ကျောခိုင်း​သွား​လေ​ပြီ​။ ထို့ကြောင့် ငါ​သည် လက်​ကို​ဆန့်​၍ သင့်​ကို ဖျက်ဆီး​မည်​။ သင့်​ကို သက်ညှာ​ရ​သည်​မှာ ငါ​ပင်ပန်း​လှ​ပြီ​။


သင်​၏​မကောင်းမှု​သည် သင့်​ကို​အပြစ်ဒဏ်​ပေး​လိမ့်မည်​။ သင်​၏​လမ်းလွဲဖောက်ပြန်မှု​သည် သင့်​ကို​ဆုံးမ​လိမ့်မည်​။ သင်​၏​ဘုရားသခင်​ထာဝရဘုရား​ကို​စွန့်ပယ်​ခြင်း​၊ ငါ့​ကို မ​ကြောက်ရွံ့​ခြင်း​သည် ဆိုး​သော​အမှု​၊ ခါးသီး​သော​အမှု​ဖြစ်​သည်​ကို သိ​မှတ်​လော့​”​ဟု ကောင်းကင်​ဗိုလ်ခြေ​အရှင်သခင်​ထာဝရဘုရား မိန့်​တော်မူ​၏​။


ယခုမှာ ဆီးရီးယား​သမီးပျို​နှင့် သူ့​ဝန်းကျင်​ရှိ​လူ​များ သင့်​ကို​ကဲ့ရဲ့​သော​အချိန်​ရောက်​လေ​ပြီ​။ သင့်​ဝန်းကျင်​ရှိ ဖိလိတ္တိ​သမီးပျို​များ သင့်​ကို​မထီမဲ့မြင်ပြု​သော​အချိန်​ရောက်​လေ​ပြီ​။


သင်​တို့​သည် သင်​တို့​၏​ဘုရားသခင်​ထာဝရဘုရား​၏​စကား​တော်​ကို​နား​မ​ထောင်​၊ ယနေ့ သင်​တို့​အား ငါ​မှာကြား​သော ကိုယ်တော်​၏​ပညတ်ချက်​၊ ပြဋ္ဌာန်းချက်​ရှိသမျှ​တို့​ကို မ​လိုက်နာ​၊ မ​စောင့်ထိန်း​လျှင် သင်​တို့​အပေါ်​သက်ရောက်​မည့်​ကျိန်ခြင်းအမင်္ဂလာ​၊ သင်​တို့​ခံစား​ရ​မည့် ကျိန်ခြင်းအမင်္ဂလာ​အပေါင်း​ကား ဤသို့​ဖြစ်​၏​။


ထာဝရဘုရား​သည် သင့်​ရန်သူ​တို့​ရှေ့​၌ သင့်​ကို​ရှုံးနိမ့်​စေ​တော်မူ​မည်​။ သင်​သည် လမ်း​တစ်လမ်းတည်း​ဖြင့် သူ​တို့​ထံသို့​လာ​သော်လည်း သူ​တို့​ထံ​မှ လမ်း​ခုနစ်​လမ်း​ဖြင့် ထွက်ပြေး​ရ​မည်​။ မြေကြီး​ပေါ်​ရှိ​တိုင်းနိုင်ငံ​အားလုံး​အတွက် သင်​သည် ထိတ်လန့်စရာ​ဖြစ်​မည်​။


‘​သူ​တို့​ကို ငါ​မျက်နှာ​လွှဲ​မည်​။ သူ​တို့​၏​နိဂုံး​သည် မည်သို့​ဖြစ်​မည်​ကို ငါ​စောင့်ကြည့်​မည်​။ သူ​တို့​သည် ဖောက်ပြန်​တတ်​သော​မျိုးဆက်​၊ သစ္စာ​မ​ရှိ​သော​သားသမီး​များ ဖြစ်​ကြ​၏​။


သင်​တို့​အား သင်​တို့​၏​ဘုရားသခင်​ထာဝရဘုရား​မိန့်မှာ​တော်မူ​သည့်​ပဋိညာဉ်​ကို သင်​တို့​ချိုးဖောက်​၍ အခြား​ဘုရား​များ​အား သွားရောက်​ဝတ်ပြု​ကိုးကွယ်​လျှင် ထာဝရဘုရား​သည် သင်​တို့​အပေါ် အမျက်ထွက်​တော်မူ​သဖြင့် သင်​တို့​သည် ကိုယ်တော်​ပေး​တော်မူ​သည့်​သာယာဝပြော​သော​ပြည်​တွင် အလျင်အမြန်​ပျက်စီး​သွား​ရ​လိမ့်မည်​”​ဟု ဆို​လေ​၏​။


သင်​တို့​သည် ထာဝရဘုရား​ကို စွန့်​၍ တိုင်းတစ်ပါးသား​တို့​၏​ဘုရား​ကို​ဝတ်ပြု​မည်​ဆိုလျှင် သင်​တို့​ကို ကောင်းစား​စေ​ခဲ့​ရာ​မှ သင်​တို့​ကို ဒုက္ခရောက်​စေ​မည်​၊ သုတ်သင်ပယ်ရှင်း​တော်မူ​မည်​ကို သင်​တို့​သိ​သလော​”​ဟု ဆို​၏​။