ဟေ​ရှာ​ယ 3:25 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁵ သင်​၏​လူ​တို့​သည် ဓား​ဖြင့်​လည်းကောင်း​၊ သင်​၏​စစ်သူရဲ​သည် စစ်ပွဲ​၌​လည်းကောင်း ကျဆုံး​ကြ​လိမ့်မည်​။

Common Language Bible

²⁵ သူ​တို့​၏​လင်​ယောကျာ်း​များ​သည်​လည်း အ​ဘယ် မျှ​ပင်​ခွန်​အား​ကြီး​မား​ကြ​စေ​ကာ​မူ​စစ် ပွဲ​တွင်​ကျ​ဆုံး​ကြ​လိမ့်​မည်။-

Garrad Bible

²⁵ ယောက်ျား တို့ သည် ဓား လက် နက် ဖြင့်လည်း‌ ကောင်း၊ သူ ရဲ တို့ လည်း စစ် ပွဲ၌လည်း‌ ကောင်း၊ ကျ ဆုံး ကြ သ ဖြင့်၊

Judson Bible

²⁵ သင်၏​လူ​တို့​သည် ဓား​လက်​နက်​ဖြင့်​လည်း​ကောင်း၊ သင်၏​သူ​ရဲ​တို့​သည် စစ်​တိုက်​သ​ဖြင့်​လည်း​ကောင်း လဲ၍ ဆုံး​ရှုံး​ကြ​လိမ့်​မည်။

ဟေ​ရှာ​ယ 3:25 ပူးပေါင်းရင်းမြစ်များ

၂ ရာ​ချုပ် 28:6

သူ​တို့​သည် ဘိုးဘေး​တို့​၏​ဘုရားသခင်​ထာဝရဘုရား​ကို စွန့်ပယ်​သောကြောင့် ယုဒ​ပြည်​တွင် ရေမလိ​၏​သား​ပေကာ​မင်းကြီး​၏​လက်ချက်​ဖြင့် စစ်သူရဲ​အားလုံး တစ်သိန်းနှစ်သောင်း တစ်နေ့ချင်း​တွင် သေ​ကြ​ရ​၏​။

၂ ရာ​ချုပ် 29:9

ဤသို့သော​အမှု​ကြောင့်​လည်း ငါ​တို့​၏​ဘိုးဘေး​တို့​သည် ဓား​ဖြင့်​ကျရှုံး​ရ​ပြီး ငါ​တို့​၏​သား​သမီး​များ​၊ မယား​များ​သည်​လည်း သုံ့ပန်းဘဝ​ရောက်သွား​ကြ​ရ​ပြီ​။

ဟေ​ရှာ​ယ 1:20

သို့သော် သင်​တို့ ငြင်းဆန်​ပုန်ကန်​ကြ​လျှင် ဓား​ဖြင့်​အသတ်​ခံရ​မည်​”​ဟု မိန့်​တော်မူ​၏​။ ဤသည်ကား ထာဝရဘုရား​၏​နှုတ်​တော်​ထွက်​စကား​ဖြစ်​၏​။

ဟေ​ရှာ​ယ 65:12

ဓားဘေး​ကို ငါ​စီမံ​ထား​ပြီ​။ သင်​တို့​အားလုံး​သည် သတ်ဖြတ်သူ​ရှေ့​၌ လည်စင်း​ပေး​ရ​လိမ့်မည်​။ အကြောင်းမူကား ငါ​ခေါ်​သောအခါ သင်​တို့​မ​ထူး​။ ငါ​မိန့်​သောအခါ သင်​တို့​နား​မ​ထောင်​။ ငါ့​မျက်မှောက်​၌ မကောင်းမှု​ကို​ပြု​၍ ငါ​မ​နှစ်သက်​သော​အရာ​ကို သင်​တို့​ရွေးချယ်​သောကြောင့်​ဖြစ်​၏​”​ဟု မိန့်​တော်မူ​၏​။

ယေ​ရ​မိ 11:22

ကောင်းကင်​ဗိုလ်ခြေ​အရှင် ထာဝရဘုရား​က “​ကြည့်ရှု​လော့​။ ငါ​သည် သူ​တို့​ကို ဒဏ်ခတ်​မည်​။ လူပျို​တို့​သည် ဓား​ဖြင့်​သေ​ကြ​လိမ့်မည်​။ သူ​တို့​၏​သား​သမီး​တို့​သည် ငတ်မွတ်ခေါင်းပါး​ခြင်း​ဘေး​ဖြင့် သေ​ကြ​လိမ့်မည်​။

ယေ​ရ​မိ 14:18

ကွင်းပြင်​သို့​ထွက်သွား​သော် ဓား​ဖြင့်​အသတ်​ခံရ​သော​သူ​တို့​ကို တွေ့​ရ​၏​။ မြို့​ထဲသို့​ဝင်​သော် ငတ်မွတ်ခေါင်းပါး​ခြင်း​ဝေဒနာ​ခံစား​နေ​ရ​သော​သူ​တို့​ကို တွေ့​ရ​၏​။ ပရောဖက်​နှင့် ယဇ်ပုရောဟိတ်​တို့​သည် သူ​တို့​မ​သိ​သော​ပြည်​သို့ သွား​ကြ​ပြီ​’​ဟူသော​စကား​ကို ပြောကြား​ရ​မည်​”​ဟု မိန့်​တော်မူ​၏​။

ယေ​ရ​မိ 15:8

မုဆိုးမ​တို့​သည် သမုဒ္ဒရာ​သဲလုံး​ထက်မက များပြား​လိမ့်မည်​။ မွန်းတည့်ချိန်​၌ပင် သား​လူပျို​ရှိ​သော​အမိ​တို့​ထံ အဖျက်သမား​ကို ငါ​စေလွှတ်​မည်​။ သူ​တို့​အပေါ် ထိတ်လန့်​ခြင်း​၊ နာကျင်​ခြင်း​ကို ရုတ်တရက် ကျရောက်​စေ​မည်​”​ဟု မိန့်​တော်မူ​၏​။

ယေ​ရ​မိ 18:21

ထို့ကြောင့် သူ​တို့​၏​သားသမီး​များ​ကို ငတ်မွတ်ခေါင်းပါး​ခြင်း​ဘေး​နှင့် ကြုံတွေ့​စေ​ပါ​၊ ဓား​ဖြင့်​ကျဆုံး​စေ​ပါ​။ သူ​တို့​၏​မိန်းမ​များ​ကို သားသမီး​များ​ဆုံးပါး​စေ​ပါ​၊ မုဆိုးမ​ဖြစ်​စေ​ပါ​။ ယောက်ျား​တို့​ကို သေမင်း​လက်​သို့​ရောက်​စေ​ပါ​။ လူပျို​တို့​ကို တိုက်ပွဲ​၌ ဓား​ဖြင့်​သေ​စေ​ပါ​။

ယေ​ရ​မိ 19:7

ဤ​အရပ်​၌ ယုဒ​ပြည်သူ​၊ ဂျေရုဆလင်​မြို့သား​တို့​၏​အကြံအစည်​များ​ကို ပျက်ပြား​စေ​မည်​။ သူ​တို့​ကို ရန်သူ​တို့​ရှေ့​တွင် ဓား​ဖြင့်​ကျဆုံး​စေ​မည်​။ သူ​တို့​၏​အသက်​ကို ရန်ရှာ​သော​သူ​တို့​လက်​ဖြင့် ကျဆုံး​စေ​မည်​။ အလောင်းကောင်​တို့​ကို မိုးကောင်းကင်​ငှက်​နှင့် မြေ​တိရစ္ဆာန်​တို့​အတွက် အစာ​ဖြစ်​စေ​မည်​။

ယေ​ရ​မိ 21:9

မြို့​တွင်း​၌ နေရစ်​သော​သူ​သည် ဓားဘေး​၊ ငတ်မွတ်ခေါင်းပါး​ခြင်း​ဘေး​၊ ကပ်ရောဂါ​ဘေး​တို့​ဖြင့် သေ​ရ​လိမ့်မည်​။ သင်​တို့​ကို​ဝိုင်း​ထား​သော​ခါလဒဲ​တပ်​ထံ ဝင်ရောက်​ခိုလှုံ​သော​သူ​မူကား သူ​၏​အသက်​သည် တိုက်ယူ​သော​ပစ္စည်း​ကဲ့သို့​ဖြစ်​၍ အသက်ချမ်းသာ​ရာ​ရ​မည်​။

မြည်​တမ်း​စ​ကား 2:21

လူကြီး​လူငယ်​တို့​သည် လမ်းမ​ပေါ် ဖုန်တော​ထဲ၌ လဲ​နေ​လေ​ပြီ​။ အပျို​လူပျို​တို့​သည်​လည်း ဓား​ဖြင့် လဲကျ​သေဆုံး​ကြ​လေ​ပြီ​။ အမျက်ထွက်​တော်မူ​သော​နေ့​၌ ကိုယ်တော်​သည် သူ​တို့​ကို​ကွပ်မျက်​တော်မူ​ပြီ​၊ မ​ညှာ​မ​တာ​သတ်ဖြတ်​တော်မူ​ပြီ​။

အာ​မုတ် 9:10

‘ငါ​တို့​ထံ ဘေးအန္တရာယ် ရောက်လာ​မည်​မ​ဟုတ်​။ ငါ​တို့​သည် ဘေးအန္တရာယ်​နှင့် ကြုံ​ရ​မည်​မ​ဟုတ်​’​ဟု ဆို​သော ငါ့​လူမျိုး​တော်​အပြစ်သား​အားလုံး​တို့​သည် ဓား​ဖြင့် သေ​ကြ​ရ​လိမ့်မည်​။