အွန်လိုင်း သမ္မာကျမ်းစာ

ကြော်ငြာတွေ


သမ္မာကျမ်းစာတစ်အုပ်လုံး ဓမ္မဟောင်း ဓမ္မသစ်




၁ ကော 10:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

ဤ​အမှုအရာ​တို့​သည် နမူနာ​များ​အဖြစ် ထို​သူ​တို့​၌​ဖြစ်ပျက်​ခဲ့​ကြ​ပြီး ၎င်း​ကို​ရေး​ထား​ခြင်း​မှာ ကပ်​ကာလ​အဆုံး​ပိုင်း​၌ အသက်ရှင်​နေ​ကြ​သော​ငါ​တို့​ကို သတိပေး​ရန်​အတွက်​ဖြစ်​၏။

အခန်းကိုကြည့်ပါ။

Common Language Bible

ထို​သူ​တို့​၌​ဤ​သို့​ဖြစ်​ပျက်​ရ​ခြင်း​မှာ အ​ခြား သူ​တို့​သင်​ခန်း​စာ​ရ​ရှိ​ကြ​စေ​ရန်​ဖြစ်​ပေ​သည်။ ငါ​တို့​သည်​ကပ်​ကမ္ဘာ​ကုန်​ဆုံး​ရန်​နီး​ချိန်​၌ အ​သက်​ရှင်​ရ​ကြ​သူ​များ​ဖြစ်​သော​ကြောင့် ငါ တို့​အား​သ​တိ​ပေး​သည့်​အ​နေ​ဖြင့်​ထို​အ​ကြောင်း အ​ရာ​များ​ကို​ကျမ်း​စာ​တော်​တွင်​ရေး​သား​ထား သ​တည်း။

အခန်းကိုကြည့်ပါ။

Garrad Bible

ထို အ ဖြစ် အ ပျက် များ ကား ပုံ စံ အ ဖြစ် သူ တို့၌ သင့် ရောက် လျက် ခေတ် ကာ လ အ ဆုံး နှင့် တွေ့ ကြုံ ရ သော ငါ တို့ ကို ပဲ့ ပြင် ရန် မှတ် သား လျက် ရှိ သော ကြောင့်၊

အခန်းကိုကြည့်ပါ။

Judson Bible

ထို​အ​ကြောင်း​အ​ရာ​ရှိ​သ​မျှ​တို့​သည် ပုံ​သက်​သေ ဖြစ်​အံ့​သော​ငှာ ထို​သူ​တို့၌ ရောက်​ကြ၏။ ကပ်​ကာ​လ အ​ဆုံး​တွင် ဖြစ်​သော​ငါ​တို့​ကို ဆုံး​မ​စ​ရာ​ဖို့ ကျမ်း​စာ၌ ရေး​ထား​လျက်​ရှိ​သ​တည်း။-

အခန်းကိုကြည့်ပါ။

ခေတ်သစ်​မြန်မာ သမ္မာကျမ်း

သူတို့​၌ ဖြစ်ပျက်ခဲ့သည့် ဤ​အခြင်းအရာများ​သည် ကျွန်ုပ်တို့​အတွက် သင်ခန်းစာများ​ဖြစ်၏။ ထို​အကြောင်းအရာများ​ကို ရေးသားရခြင်း​မှာ ကမ္ဘာ​ကုန်ဆုံး​ရန် နီးချိန်​တွင် အသက်ရှင်​ကြသော ကျွန်ုပ်တို့​ကို သတိပေး​ရန်အတွက်​ဖြစ်၏။

အခန်းကိုကြည့်ပါ။



၁ ကော 10:11
17 ပူးပေါင်းရင်းမြစ်များ  

ထို​ည​၌​လည်း သူ​တို့​သည် မိမိ​တို့​ဖခင်​ကို​စပျစ်ဝိုင်​တိုက်​ပြီးလျှင် သမီးအငယ်​သည်​ဝင်​၍ မိမိ​ဖခင်​နှင့်​အိပ်​လေ​၏​။ လောတ​သည် သမီး​အိပ်​ကြောင်း​ကို​လည်းကောင်း​၊ ထ​ကြောင်း​ကို​လည်းကောင်း မ​သိ​။


ဖန်ဆင်း​ခြင်း​ခံရ​မည့်​လူ​တို့​သည် ထာဝရဘုရား​ကို ချီးမွမ်း​ကြ​မည့်​အကြောင်း ဤ​အရာ​ကို နောင်လာမည့်​မျိုးဆက်​အတွက် ရေးမှတ်​ထား​ကြ​ပါစေ​။


ငါ​သည် အမျက်​ဒေါသ​ပြင်းစွာ​ဖြင့် သင့်​ကို​ဆုံးမ​၍ အပြစ်ဒဏ်​ပေး​သောအခါ သင့်​ဝန်းကျင်​ရှိ လူမျိုးတကာ​တို့​တွင် သင်​သည် ကဲ့ရဲ့စရာ​၊ ပုတ်ခတ်စရာ​၊ ခိုင်းနှိုင်းစရာ​၊ လူသူကင်းမဲ့​ရာ ဖြစ်​လိမ့်မည်​ဟု ငါ​ထာဝရဘုရား မိန့်​တော်မူ​ပြီ​။


မြက်သီး​မျိုးစေ့​များ​ကို​ကြဲ​သော​ရန်သူ​သည် မာရ်နတ်​ဖြစ်​၏။ ရိတ်သိမ်း​ချိန်​မူကား ကပ်ကမ္ဘာ​ကုန်ဆုံး​ချိန်​ဖြစ်​၍ ရိတ်သိမ်း​သော​သူ​တို့​သည် ကောင်းကင်တမန်​များ​ဖြစ်​ကြ​၏။


သို့ဖြစ်၍ မြက်သီး​ပင်​များ​ကို​နုတ်ယူ​၍ မီး​ရှို့​သကဲ့သို့ ကပ်ကမ္ဘာ​ကုန်ဆုံး​ချိန်​၌​လည်း ထိုနည်းတူ​ဖြစ်​လိမ့်မည်။


သင်​တို့​သည် အချိန်အခါ​ကို​သိ​ကြ​၏။ သင်​တို့​အိပ်ပျော်​ရာ​မှ နိုးထ​ရ​မည့်​အချိန်​နာရီ​ရောက်​လေ​ပြီ။ အဘယ်ကြောင့်​ဆိုသော် ယခု​အခါ ငါ​တို့​၏​ကယ်တင်​ခြင်း​သည် ငါ​တို့​စတင်​ယုံကြည်​ချိန်​က​ထက် ပို၍​နီးကပ်​လာ​ပြီ​ဖြစ်​၏။


ည​အချိန်​ကုန်​လု​၍ နေ့​အချိန်​ရောက်​တော့မည်။ ထို့ကြောင့် ငါ​တို့​သည် မှောင်မိုက်​ခြင်း​၏​အကျင့်​များ​ကို ဖယ်ရှား​လျက် အလင်း​၏​လက်နက်​များ​ကို ဆောင်ယူ​ဝတ်ဆင်​ကြ​ကုန်စို့။


အကြောင်းမူကား ရှေး​အခါ​က​ရေး​ထား​သမျှ​သော​အရာ​သည် ငါ​တို့​ကို​သွန်သင်​ရန်​ရေး​ထား​ခြင်း​ဖြစ်​ပြီး ကျမ်းစာ​၌​ပါ​သော သည်းခံ​ခြင်း​နှင့် နှစ်သိမ့်​ခြင်း​အားဖြင့် ငါ​တို့​၌ မျှော်လင့်​ခြင်း​ရှိ​စေရန်​ဖြစ်​၏။


သို့သော် “သူ့​ကို​သတ်မှတ်​တော်မူ​၏”​ဟု ကျမ်းစာ​၌​ရေး​ထား​သည်​မှာ အာဗြဟံ​တစ်ဦးတည်း​အတွက်​သာ​မ​ဟုတ်​ဘဲ


ဤ​အရာ​များ​ကား ထို​သူ​တို့​တပ်မက်​ခဲ့​ကြ​သကဲ့သို့ မကောင်း​သော​အရာ​များ​ကို ငါ​တို့​တပ်မက်​ခြင်း​မ​ရှိ​ကြ​စေရန် ငါ​တို့​အတွက်​နမူနာ​များ​အဖြစ် ဖြစ်ပျက်​ခဲ့​ကြ​၏။


ညီအစ်ကို​တို့၊ ဤသို့​ငါ​ဆို​၏။ အချိန်အခါ​ကုန်လု​နီး​ပြီ​ဖြစ်​သောကြောင့် ယခု​မှစ၍ မယား​ရှိ​သော​သူ​တို့​သည် မယား​မ​ရှိ​သော​သူ​ကဲ့သို့​လည်းကောင်း၊


သို့မဟုတ် ငါ​တို့​အတွက်​သာ​မိန့်​တော်မူ​သလော။ အမှန်ပင် ငါ​တို့​အတွက်​ရေး​ထား​ခြင်း​ဖြစ်​၏။ အဘယ်ကြောင့်ဆိုသော် လယ်ထွန်​သော​သူ​သည် မျှော်လင့်​လျက်​ထွန်ယက်​သင့်​သည်​ဖြစ်၍ စပါး​နယ်​သော​သူ​သည်​လည်း မျှဝေ​ခံစား​ခွင့်​ကို​မျှော်လင့်​လျက် စပါး​နယ်​သင့်​၏။


ဤ​အကြောင်းအရာ​တို့​သည် ပုံဆောင်​ချက်​များ​ဖြစ်​ကြ​၏။ အကြောင်းမူကား ထို​မိန်းမ​နှစ်​ဦး​သည် ပဋိညာဉ်​နှစ်​ပါး​ကို​ဆိုလို​၏။ တစ်​ပါး​သည် သိနာ​တောင်​မှ​ဖြစ်၍ ကျွန်​ကို​မွေးဖွား​၏။ ထို​သူ​သည် ဟာဂရ​ဖြစ်​၏။


သင်​တို့​၏​ညင်သာ​သော​သဘော​ကို လူ​အပေါင်း​တို့​အား သိ​စေ​ကြ​လော့။ သခင်​ဘုရား​သည် အနီး​၌​ရှိ​တော်မူ​ပြီ။


အချို့​သော​သူ​တို့​ပြုလေ့​ရှိ​သကဲ့သို့ အတူတကွ​စည်းဝေး​ခြင်း​အမှု​ကို မ​ပစ်ပယ်​ဘဲ အချင်းချင်း​တိုက်တွန်း​နှိုးဆော်​၍ နေ့ရက်​တော်​နီးကပ်​လာ​သည်​ကို​တွေ့မြင်​ရ​သည်​နှင့်အမျှ ပို၍​ထိုသို့​ပြု​ကြ​ကုန်စို့။


အကြောင်းမူကား “ကြွလာ​တော်မူ​မည့်​အရှင်​သည် ကြန့်ကြာ​ခြင်း​မ​ရှိ​ဘဲ မကြာမီ​ကြွလာ​တော်မူ​လိမ့်မည်။


သားသမီး​တို့၊ ယခု​ကာလ​သည် နောက်ဆုံး​သော​ကာလ​ဖြစ်​၏။ ခရစ်တော်​ကို​ဆန့်ကျင်​အန်တု​သူ​ရောက်လာ​တော့မည်​ဟု သင်​တို့​ကြား​ရ​သည့်​အတိုင်း ယခု​ပင် ခရစ်တော်​ကို​ဆန့်ကျင်​အန်တု​သူ​အမြောက်အမြား​ပေါ်​လာ​ကြ​ပြီ။ ထို့ကြောင့် ယခု​ကာလ​သည် နောက်ဆုံး​သော​ကာလ​ဖြစ်​သည်​ကို ငါ​တို့​သိ​ကြ​၏။