အွန်လိုင်း သမ္မာကျမ်းစာ

ကြော်ငြာတွေ


သမ္မာကျမ်းစာတစ်အုပ်လုံး ဓမ္မဟောင်း ဓမ္မသစ်




ဟေ​ဗြဲ 2:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

အကြောင်းမူကား ကောင်းကင်​တမန်​များ​အားဖြင့် မိန့်​တော်မူ​သော​တရား​တော်​သည် တည်မြဲ​၍ ဖောက်ဖျက်​ကျူးလွန်​မှု​နှင့်​မ​နာခံ​မှု​ရှိသမျှ​တို့​အတွက် ထိုက်သင့်​သော​အပြစ်ဒဏ်​ကို လူ​တို့​ခံရ​သည်​ဆို​လျှင်

အခန်းကိုကြည့်ပါ။

Common Language Bible

ကောင်း​ကင်​တ​မန်​များ​မှ​တစ်​ဆင့်​ပေး​အပ် တော်​မူ​သော​တ​ရား​တော်​သည်​မှန်​ကန်​သော တ​ရား​တော်​ဖြစ်​သ​ဖြင့် ထို​တ​ရား​တော်​ကို မ​လိုက်​လျှောက်၊ မ​နာ​ခံ​သူ​မှန်​သ​မျှ​သည် ထိုက်​သင့်​သော​အ​ပြစ်​ဒဏ်​စီ​ရင်​ခြင်း​ကို ခံ​ကြ​ရ​သည်​မှန်​ပါ​က၊-

အခန်းကိုကြည့်ပါ။

Garrad Bible

စေ တ မန် တော် များ ဖြင့် ပေး တော် မူ သော ဗျာ ဒိတ် တော် တည် မြဲ လျက် လွန် ကျူး မှု နှင့် မ လိုက် နာ မှု ရှိ သ မျှ သည် ထိုက် သင့် ရာ ပြစ် ဒဏ် ခံ ရ သည် မှန် က၊

အခန်းကိုကြည့်ပါ။

Judson Bible

ကောင်း​ကင်​တ​မန်​များ​အား​ဖြင့် ထား​တော်​မူ​သော ဗျာ​ဒိတ်​တော်​သည်​တည်၍ ပြစ်​မှား​လွန်​ကျူး​ခြင်း​အ​မှု အ​မျိုး​မျိုး​တို့​သည် ခံ​ထိုက်​သော အ​ပြစ်​ဒဏ်​ကို ခံ​ရ​သည်​မှန်​လျှင်၊-

အခန်းကိုကြည့်ပါ။

ခေတ်သစ်​မြန်မာ သမ္မာကျမ်း

ကောင်းကင်တမန်များ​မှတစ်ဆင့် မိန့်တော်မူသော ဘုရားသခင်​၏ တရားတော်​သည် စစ်မှန်​သောကြောင့် ထို​တရားတော်​ကို ချိုးဖောက်​၍ မနာခံသူများ​သည် မိမိတို့​နှင့် ထိုက်သင့်သော အပြစ်ဒဏ်​ကို ခံကြရသည်​မှန်လျှင်

အခန်းကိုကြည့်ပါ။



ဟေ​ဗြဲ 2:2
29 ပူးပေါင်းရင်းမြစ်များ  

ဘုရားသခင်​၏​စစ်ရထား​တို့​သည် အထောင်​အသောင်း​မက​များပြား​ကြ​၏​။ ဘုရားရှင်​သည် သိနာ​တောင်​မှာ​ကဲ့သို့ သူ​တို့​နှင့်အတူ သန့်ရှင်းရာဌာန​တော်​၌ ရှိ​တော်မူ​၏​။


ငုံးသား​ကို​မ​ဝါး​မီ ကိုက်​လျက်​ရှိ​စဉ် ထာဝရဘုရား​သည် လူ​တို့​ကို အမျက်ထွက်​လေ​၏​။ ထာဝရဘုရား​သည် လူ​တို့​ကို အလွန်​ပြင်းထန်​သော​ဘေးဒဏ်​ဖြင့် ဒဏ်ခတ်​တော်မူ​၏​။


ကောရ​ကြောင့် သေဆုံး​သူ​တို့​အပြင် ဘေးဒဏ်​ကြောင့် သေဆုံး​သူ တစ်သောင်းလေးထောင့်​ခုနစ်​ရာ ရှိ​၏​။


ထိုအခါ ထာဝရဘုရား​သည် အစ္စရေး​လူမျိုး​တို့​ရှိ​ရာ​သို့ မီးမြွေ​များ​ကို စေလွှတ်​၏​။ ထို​မြွေ​တို့​သည် လူ​တို့​ကို​ကိုက်​သဖြင့် လူ​များစွာ​သေ​ကြ​၏​။


ထို​ဘေးဒဏ်​ကြောင့် သေဆုံး​သူ နှစ်​သောင်း​လေး​ထောင်​ရှိ​၏​။


သင်​တို့​သည် ကောင်းကင်တမန်​များ​အားဖြင့် ပြဋ္ဌာန်း​ထား​သော​ပညတ်​တရား​ကို ရရှိ​သော်လည်း ၎င်း​ကို​စောင့်ထိန်း​ခြင်း​မ​ရှိ​ကြ”​ဟု ဆို​လေ​၏။


သို့ဖြစ်လျှင် ပညတ်​တရား​သည် အဘယ်ကြောင့်​ရှိ​ရ​သနည်း။ ၎င်း​သည် ကတိ​တော်​ကို​ခံရ​သော​အမျိုးအနွယ်​ပေါ်ထွန်း​သည်​အထိ ဖောက်ဖျက်​ကျူးလွန်​မှု​များ​ကြောင့် ဖြည့်စွက်​ထား​ခြင်း​ခံရ​ပြီး ကောင်းကင်​တမန်​များ​မှ​တစ်ဆင့် ကြားဝင်​စေ့စပ်​သူ​အားဖြင့် ပြဋ္ဌာန်း​ခြင်း​ခံရ​၏။


တစ်စုံတစ်ယောက်​သည် သင်​၏​ဘုရားသခင်​ထာဝရဘုရား​၏​အမှု​တော်​ကို​ထမ်းဆောင်​သော​ယဇ်ပုရောဟိတ်​ကို​သော်လည်းကောင်း​၊ တရားသူကြီး​ကို​သော်လည်းကောင်း နား​မ​ထောင်​ဘဲ အတင့်ရဲ​စွာ​ပြုမူ​နေ​လျှင် ထို​သူ​သည် အသတ်​ခံရ​မည်​။ ဤသို့ဖြင့် မကောင်းမှု​ကို အစ္စရေး​လူမျိုး​ထဲမှ ဖယ်ရှား​ပစ်​ရ​မည်​။


သင်​၏​ဘုရားသခင်​ထာဝရဘုရား​ပေး​တော်မူ​သော​မြို့​တစ်​မြို့မြို့​တွင် ယောက်ျား​ဖြစ်စေ​၊ မိန်းမ​ဖြစ်စေ ထာဝရဘုရား​၏​ပဋိညာဉ်​ကို​ချိုးဖောက်​၍ သင်​၏​ဘုရားသခင်​ထာဝရဘုရား​၏​ရှေ့မှောက်​၌ မကောင်း​သော​အမှု​ကို​ပြု​ကြောင်း​၊


သင်​သည် ထို​မကောင်း​သော​အမှု​ကို​ပြု​ခဲ့​သော ယောက်ျား​ကို​ဖြစ်စေ​၊ မိန်းမ​ကို​ဖြစ်စေ မြို့​တံခါး​သို့​ထုတ်ဆောင်​လာ​ပြီး ခဲ​နှင့်​အသေ​ပေါက်သတ်​ရ​မည်​။


‘​ဤ​တရား​စကား​များ​ကို မ​လိုက်နာ​၊ မ​စောင့်ထိန်း​သော​သူ​သည် ကျိန်ဆဲ​ခြင်း​ခံရ​မည်​’​ဟု ဆို​လျှင် လူ​အပေါင်း​တို့​က ‘​အာမင်​’​ဟု ဆို​ရ​မည်​။


ငါ့​သွန်သင်ချက်​သည် မိုးစက်​လေး​လို​တစက်စက်ကျ​ပါစေ​။ ငါ့​စကား​သည် နှင်းစက်​လေး​လို တဖွဲဖွဲ​ကျ​ပါစေ​။ မြက်နု​ပေါ်​ကျ​သော​မိုးဖွဲ​လေး​များ​လို​၊ မြက်ပင်​ပေါ်​ကျ​သော​မိုးပေါက်​လေး​များ​လို ဖြစ်​ပါစေ​။


ရှေးကာလ​တွင် ဘုရားသခင်​သည် ပရောဖက်​များ​အားဖြင့် ဘိုးဘေး​တို့​အား ကာလ​အပိုင်းအခြား​အမျိုးမျိုး​တို့​၌ နည်း​မျိုးစုံ​ဖြင့် စကား​ပြော​တော်မူ​၏။


မောရှေ​၏​ပညတ်​တရား​ကို​ငြင်းပယ်​သော​သူ​သည် သက်သေ​နှစ်​ဦး​၊ သို့မဟုတ် သုံး​ဦး​၏​သက်သေခံ​ချက်​အားဖြင့် သက်ညှာ​ခြင်း​မ​ရှိ​ဘဲ သေဒဏ်​ခံရ​၏။


ထို့ကြောင့် ကြီးမြတ်​သော​အကျိုးကျေးဇူး​ရှိ​သည့် သင်​တို့​၏​ယုံကြည်​စိတ်ချ​မှု​ကို မ​စွန့်လွှတ်​ကြ​နှင့်။


သူ​သည် အကျိုးကျေးဇူး​ကို ရှေးရှု​မျှော်မှန်း​လျက်​နေ​သောကြောင့် ခရစ်တော်​အတွက်​ကဲ့ရဲ့​ပြစ်တင်​ခြင်း​ခံရ​သည်​ကို အီဂျစ်​ပြည်​၏​ဥစ္စာ​ဘဏ္ဍာ​များ​ထက် ပို၍​မြတ်​သော​စည်းစိမ်​ဖြစ်​သည်​ဟု မှတ်ယူ​လေ​၏။


ယုံကြည်​ခြင်း​မ​ရှိ​လျှင် ဘုရားသခင်​၏​စိတ်​တော်​နှင့်​မ​တွေ့​နိုင်။ အကြောင်းမူကား ဘုရားသခင်​ထံ​ချဉ်းကပ်​သော​သူ​သည် ဘုရားသခင်​ရှိ​တော်မူ​ကြောင်း​ကို​လည်းကောင်း၊ ဘုရားသခင်​သည် မိမိ​ကို​ရှာ​သော​သူ​တို့​အား အကျိုး​ပေး​တော်မူ​သော​အရှင်​ဖြစ်​ကြောင်း​ကို​လည်းကောင်း ယုံကြည်​ရ​မည်။


သင်​တို့​သည် မိန့်​တော်မူ​သော​အရှင်​ကို မ​ငြင်းပယ်​မိ​စေရန် သတိပြု​ကြ​လော့။ အကြောင်းမူကား မြေကြီး​ပေါ်တွင် ဗျာဒိတ်​တော်​ပေး​သော​သူ​ကို ငြင်းပယ်​သော​သူ​တို့​သည် အပြစ်ဒဏ်​မှ​မ​လွတ်​ပါက ကောင်းကင်​ဘုံ​မှ​ဗျာဒိတ်​တော်​ပေး​သော​သူ​ကို ငါ​တို့​ငြင်းပယ်​လျှင် ပို၍​ပင် လွတ်​စရာ​အကြောင်း​မ​ရှိ။


ထို့ပြင် ငါ​တို့​၌ ပို၍​ခိုင်လုံ​သော ပရောဖက်​တို့​၏​စကား​လည်း​ရှိ​၏။ သင်​တို့​၏​စိတ်နှလုံး​ထဲ၌ အရုဏ်တက်​၍ မိုးသောက်ကြယ်​ပေါ်ထွက်​လာ​သည့်​တိုင်အောင် သင်​တို့​သည် ထို​စကား​ကို မှောင်​သော​အရပ်​၌​ထွန်းလင်း​နေ​သည့်​ဆီမီး​သဖွယ် ကောင်းစွာ​အာရုံစိုက်​သင့်​၏။


သင်​တို့​သည် ဤ​အရာ​အားလုံး​ကို​သိ​ကြ​ပြီ​ဖြစ်​သော်လည်း သင်​တို့​ကို ငါ​သတိပေး​နှိုးဆော်​လို​သည်​မှာ ထာဝရ​ဘုရား​သည် လူမျိုး​တော်​ကို အီဂျစ်​ပြည်​မှ အပြီးအပိုင်​ကယ်လွှတ်​တော်မူ​ပြီးနောက် မ​ယုံကြည်​သော​သူ​တို့​ကို တစ်ဖန်​ဖျက်ဆီး​တော်မူ​၏။