အွန်လိုင်း သမ္မာကျမ်းစာ

ကြော်ငြာတွေ


သမ္မာကျမ်းစာတစ်အုပ်လုံး ဓမ္မဟောင်း ဓမ္မသစ်




ထွက်​မြောက် 30:33 - မြန်​​​မာ့​​​စံ​​​မီ​​​သမ္မာ​​​ကျမ်း​​

ထို​ဆီ​မျိုး​ဖော်စပ်​သော​သူ​၊ မဆိုင်​သော​သူ​အား ထို​ဆီ​ကို​လိမ်းပေး​သော​သူ​မည်သူမဆို မိမိ​၏​လူမျိုး​မှ ပယ်ဖျက်​ခြင်း​ခံရ​မည်​’​ဟူ၍ ဆင့်ဆို​လော့​”​ဟု မိန့်​တော်မူ​၏​။

အခန်းကိုကြည့်ပါ။

Common Language Bible

မည်​သူ​မ​ဆို​ထို​ဆီ​နှင့်​တူ​သော​ဆီ​ကို​ဖော် စပ်​လျှင်​ဖြစ်​စေ၊ ယဇ်​ပု​ရော​ဟိတ်​မ​ဟုတ်​သူ အ​ပေါ်​သို့​ထို​ဆီ​ကို​လောင်း​လျှင်​ဖြစ်​စေ၊ ငါ ၏​လူ​မျိုး​တော်​မှ​အ​ပယ်​ခံ​ရ​မည်​ဟု​မိန့် တော်​မူ​၏။

အခန်းကိုကြည့်ပါ။

Garrad Bible

အ ကြင် သူ သည်၊ ထို ဆီ နှင့် တူ အောင် ဖော် စပ် ခြင်း၊ မ ဆိုင် သူ့ အား လူး ပေး ခြင်း ကို ပြု အံ့။ ထို သူ သည် အ မျိုး မှ ပယ် ရှား ခံ ရ မည် ဟူ၍ ဆင့် ဆို လော့ ဟု မိန့် တော် မူ၏။

အခန်းကိုကြည့်ပါ။

Judson Bible

ထို​ဆီ​နှင့်​တူ​အောင်​ဖော်​သော​သူ၊ မ​ဆိုင်​သော​လူ၌ လိမ်း​သော​သူ​မည်​သည်​ကား၊ မိ​မိ​အ​မျိုး​မှ​ပယ်​ရှင်း​ခြင်း​ကို​ခံ​ရ​မည်​ဟု မိန့်​တော်​မူ၏။

အခန်းကိုကြည့်ပါ။



ထွက်​မြောက် 30:33
27 ပူးပေါင်းရင်းမြစ်များ  

အရေဖျားမလှီး​ထား​သော​ယောက်ျား​တည်းဟူသော မိမိ​၏​ထိပ်ဖုံးအရေပြား​အသား​၌ အရေဖျားလှီး​ခြင်း​ကို​မ​ခံ​ထား​သော​သူ​သည် မိမိ​၏​လူမျိုး​မှ ပယ်ဖျက်​ခြင်း​ခံရ​မည်​။ ထို​သူ​သည် ငါ​၏​ပဋိညာဉ်​ကို ချိုးဖောက်​လေ​ပြီ​”​ဟု မိန့်​တော်မူ​၏​။


ခုနစ်​ရက်​ပတ်လုံး​တဆေးမဲ့မုန့်​ကို​စား​ရ​မည်​။ ပထမ​နေ့​၌​ပင် တဆေး​ကို သင်​တို့​၏​အိမ်​များ​မှ ဖယ်ရှား​ရ​မည်​။ အကြောင်းမူကား ပထမ​နေ့​မှစ၍ သတ္တမ​နေ့​တိုင်အောင် တဆေးပါသောမုန့်​ကို​စား​သော​သူ​တိုင်း အစ္စရေး​လူမျိုး​မှ ပယ်ဖျက်​ခြင်း​ခံရ​မည်​။


ခုနစ်​ရက်​ပတ်လုံး သင်​တို့​၏​အိမ်​များ​၌ တဆေး​မ​ရှိ​စေ​ရ​။ တိုင်းတစ်ပါးသား​ဖြစ်စေ​၊ အမျိုးသားချင်း​ဖြစ်စေ တဆေးပါသောမုန့်​ကို​စား​သော​မည်သူမဆို အစ္စရေး​လူထု​ထဲမှ ပယ်ဖျက်​ခြင်း​ခံရ​မည်​။


သူ​တို့​ကို ခန့်အပ်​ရန်​နှင့်​သန့်ရှင်း​စေရန် သူ​တို့​သည် အပြစ်ဖြေလွှတ်​ခြင်း​အတွက်​ပူဇော်​သော​အရာ​တို့​ကို စား​ကြ​ရ​မည်​။ ထို​အရာ​တို့​သည် သန့်ရှင်းသောအရာ​ဖြစ်၍ မဆိုင်​သော​သူ​မ​စား​ရ​။


တစ်ဖန် ထာဝရဘုရား​က မောရှေ​အား “​သစ်စေး​၊ ရှက်ဟေလစ်​နှင့် ဂါလဗန်စေး​စသော အမွှေးအကြိုင်​များ​နှင့်အတူ သန့်စင်​သော​လော်ဗန်​ကို ယူ​လော့​။ ထို​အမွှေးအကြိုင်​များ​နှင့် သန့်စင်​သော​လော်ဗန်​သည် ဆတူ​ဖြစ်​ရ​မည်​။


ထို​နံ့သာပေါင်း​မျိုး​ကို မိမိ​ရှူ​ရန်​အတွက် ဖော်စပ်​သော​သူ​မည်သူမဆို မိမိ​၏​လူမျိုး​မှ ပယ်ဖျက်​ခြင်း​ခံရ​မည်​”​ဟု မိန့်​တော်မူ​၏​။


ဥပုသ်နေ့​သည် သင်​တို့​အတွက် သန့်ရှင်း​သောကြောင့် သင်​တို့​သည် ထို​နေ့​ကို​စောင့်ထိန်း​ရ​မည်​။ ဥပုသ်နေ့​ကို​ညစ်ညူး​စေ​သော​သူ​သည် မုချ​အသတ်​ခံရ​မည်​။ တစ်စုံတစ်ယောက်​သည် ဥပုသ်နေ့​၌​အလုပ်​လုပ်​လျှင် ထို​သူ​သည် မိမိ​လူမျိုး​မှ ပယ်ဖျက်​ခြင်း​ခံရ​မည်​။


အစ္စရေး​အမျိုးအနွယ်​ထဲမှ​ဖြစ်စေ​၊ သူ​တို့​တွင် တည်းခိုနေထိုင်​သော​တိုင်းတစ်ပါးသား​ထဲမှ​ဖြစ်စေ တစ်စုံတစ်ယောက်​သည် သွေး​တစ်မျိုးမျိုး​ကို​စား​လျှင် ထို​သွေး​စား​သော​သူ​ကို ငါ​မျက်နှာ​လွှဲ​၍ သူ​၏​လူမျိုး​မှ ငါ​ပယ်ဖျက်​မည်​။


အကြောင်းမူကား သတ္တဝါ​တိုင်း​၏​အသက်​သည် သွေး​၌​တည်​၏​။ ထိုသို့ အသက်​သည် သွေး​၌​တည်​သောကြောင့် အစ္စရေး​အမျိုးသား​တို့​အား ‘မည်သည့်​သတ္တဝါ​၏​သွေး​ကို​မျှ မ​စား​ရ​။ သတ္တဝါ​တိုင်း​၏​အသက်​သည် သွေး​၌​တည်​သောကြောင့် သွေး​ကို​စား​သော​သူ​မည်သူမဆို သုတ်သင်ပယ်ရှင်း​ခြင်း​ခံရ​မည်’​ဟု ငါ​မိန့်ဆို​ပြီ​။


ထာဝရဘုရား​၏​ကိန်းဝပ်​တော်မူ​ရာ​တဲ​တော်​အရှေ့​တွင် ထာဝရဘုရား​ထံ ပူဇော်​ရန် ပူဇော်သက္ကာ​အဖြစ် တွေ့ဆုံစည်းဝေးရာ​တဲ​တော်​အဝင်ဝ​သို့ မ​ယူဆောင်​ခဲ့​လျှင် ထို​သူ​၌ အသက်သတ်​သော​အပြစ်​ရှိ​သည်​ဟု မှတ်ယူ​ရ​မည်​။ ထို​သူ​သည် အသက်သတ်​သည်​ဖြစ်၍ သူ​သည် မိမိ​လူမျိုး​ထဲ​မှ ပယ်ဖျက်​ခြင်း​ခံရ​မည်​။


ထာဝရဘုရား​ထံ​ပူဇော်​ရန် တွေ့ဆုံစည်းဝေးရာ​တဲ​တော်​အဝင်ဝ​သို့ မ​ယူဆောင်​ခဲ့​လျှင် ထို​သူ​သည် မိမိ​၏​လူမျိုး​မှ ပယ်ဖျက်​ခြင်း​ခံရ​မည်​။


အကယ်စင်စစ် ထို​စက်ဆုပ်ရွံရှာဖွယ်​များ​ထဲမှ​တစ်စုံတစ်ရာ​ကို ပြုကျင့်​သော​သူ​မည်သူမဆို မိမိ​လူမျိုး​မှ ပယ်ဖျက်​ခြင်း​ခံရ​မည်​။


စား​မိ​သော​သူ​သည် ထာဝရဘုရား​၏​သန့်ရှင်းသောယဇ်​ကို ညစ်ညူး​စေ​သည်​ဖြစ်၍ ကိုယ့်​အပြစ် ကိုယ်​ခံရ​မည်​။ ထို​သူ​သည် မိမိ​လူမျိုး​မှ ပယ်ဖျက်​ခြင်း​ခံရ​မည်​။


တစ်စုံတစ်ယောက်​သည် မိမိ​ဖခင်​၏​သမီး​၊ သို့မဟုတ် မိမိ​မိခင်​၏​သမီး​ဖြစ်​သည့် မိမိ​အစ်မ​၊ သို့မဟုတ် နှမ​ကို​ယူ​၍ ဆက်ဆံ​ခြင်း​ကို​ပြု​လျှင် ထို​အမှု​သည် ရှက်ဖွယ်​သော​အမှု​ဖြစ်​၏​။ သူ​တို့​သည် မိမိ​တို့​၏​လူမျိုး​မှ ပယ်ဖျက်​ခြင်း​ခံရ​မည်​။ သူ​သည် မိမိ​အစ်မ​၊ သို့မဟုတ် နှမ​နှင့်​ဆက်ဆံ​ခြင်း​ကို​ပြု​သောကြောင့် ကိုယ့်​အပြစ် ကိုယ်​ခံရ​မည်​။


ယောက်ျား​သည် ဓမ္မတာလာ​နေ​သော​မိန်းမ​နှင့်​အိပ်​၍ ဆက်ဆံ​ခြင်း​ကို​ပြု​လျှင် ထို​သူ​သည် မိန်းမ​၏​သွေးသွန်​ခြင်း​ကို​ဖော်​၍ မိန်းမ​သည်​လည်း မိမိ​၏​သွေးသွန်​ခြင်း​ကို​ပေါ်​စေ​သောကြောင့် သူ​တို့​နှစ်ဦးစလုံး​သည် မိမိ​တို့​၏​လူမျိုး​မှ ပယ်ဖျက်​ခြင်း​ခံရ​မည်​။


ထို​သူ​သည် မိမိ​သားမြေး​ကို မောလုတ်​ဘုရား​အား​ပေးလှူ​ခြင်း​ဖြင့် ငါ​၏​သန့်ရှင်းရာဌာန​ကို ညစ်ညူး​စေ​၍ ငါ​၏​သန့်ရှင်း​သော​နာမ​တော်​ကို​ရှုတ်ချ​သောကြောင့် ငါ​သည် သူ့​ကို မျက်နှာလွှဲ​၍ သူ​၏​လူမျိုး​မှ ငါ​ပယ်ဖျက်​မည်​။


သင့်​သားစဉ်မြေးဆက်​၏​မျိုးဆက်​တစ်လျှောက်​တွင် မစင်ကြယ်​သော​သူ မည်သူမဆို ထာဝရဘုရား​အား အစ္စရေး​အမျိုးသား​တို့ ဆက်ကပ်​သည့် သန့်ရှင်း​သော​ပူဇော်သက္ကာ​အနီး​သို့ ချဉ်းကပ်​လျှင် ထို​သူ​သည် ငါ့​ရှေ့မှောက်​မှ ပယ်ရှင်း​ခြင်း​ခံရ​မည်​။ ငါ​သည် ထာဝရဘုရား​ဖြစ်​၏​။


ထို​နေ့​၌ မိမိ​၏​စိတ်ဆန္ဒ​ကို​မ​ငြင်းပယ်​သော​သူ​မည်သူမဆို မိမိ​လူမျိုး​မှ ပယ်ဖျက်​ခြင်း​ခံရ​မည်​။


အမျိုးသားချင်း​ဖြစ်စေ​၊ တိုင်းတစ်ပါးသား​ဖြစ်စေ အပြစ်​ကို​တမင်တကာ​ပြု​သော​သူ​သည် ထာဝရဘုရား​ကို​စော်ကား​သော​သူ​ဖြစ်၍ ထို​သူ​သည် မိမိ​လူမျိုး​မှ ပယ်ဖျက်​ခြင်း​ခံရ​မည်​။


သူ​သည် ထာဝရဘုရား​၏​စကား​တော်​ကို​မထီမဲ့မြင်ပြု​၍ ပညတ်တော်​ကို ချိုးဖောက်​သောကြောင့် သူ​သည် စင်စစ်​ပယ်ဖျက်​ခြင်း​ခံရ​မည်​။ သူ​၏​ဒုစရိုက်​သည် သူ့​အပေါ်​၌​တည်​၏​”​ဟု မိန့်​တော်မူ​၏​။


လူသေ​အလောင်း​ကို ထိမိ​ပြီး မိမိကိုယ်မိမိ မ​သန့်စင်​စေ​သော​သူ​မည်သူမဆို ထာဝရဘုရား​၏​ကိန်းဝပ်​တော်မူ​ရာ​တဲ​တော်​ကို ညစ်ညူး​စေ​ရာ​ရောက်​၏​။ သူ​သည် အစ္စရေး​လူမျိုး​ထဲမှ ပယ်ဖျက်​ခြင်း​ကို ခံရ​မည်​။ သူ​သည် စင်ကြယ်​စေ​ခြင်း​ရေ​ဖျန်း​ခြင်း​ကို မ​ခံ​သောကြောင့် မစင်မကြယ်​ဖြစ်​၏​။ အညစ်အကြေး​သည် သူ​၌​ရှိ​နေ​ဆဲ​ဖြစ်​၏​။


မစင်ကြယ်​သော​သူ​သည် မိမိကိုယ်မိမိ မ​သန့်စင်​စေ​လျှင်​မူကား ထာဝရဘုရား​၏​သန့်ရှင်းရာဌာန​ကို ညစ်ညူး​စေ​ရာ​ရောက်​သောကြောင့် သူ​သည် လူအစုအဝေး​ထဲ​မှ ပယ်ဖျက်​ခြင်း​ခံရ​မည်​။ စင်ကြယ်​စေ​ခြင်း​ရေ​ဖြင့်​ဖျန်း​ခြင်း​ကို မ​ခံ​သောကြောင့် သူ​သည် မစင်ကြယ်​သော​သူ​ဖြစ်​၏​။


“​ကောဟတ်​မျိုးနွယ်​၏​မျိုးနွယ်စု​တို့​ကို လေဝိ​အမျိုး​တို့​ထဲ​မှ မ​ပယ်ဖျက်​ရ​။


သို့သော် တစ်စုံတစ်ယောက်​သည် စင်ကြယ်​ခြင်း​ရှိ​လျက်​၊ ခရီး​လည်း​မ​လွန်​ဘဲ​လျက် ပသခါပွဲတော်​ကို မ​ကျင်းပ​လျှင် သူ​သည် မိမိ​လူမျိုး​မှ ပယ်ဖျက်​ခြင်း​ခံရ​မည်​။ သတ်မှတ်​ထား​သော​အချိန်​၌ ထာဝရဘုရား​အား ပူဇော်သက္ကာ​ကို မ​ပူဇော်​သောကြောင့် သူ​သည် ကိုယ့်​အပြစ်​ကိုယ်​ခံရ​မည်​။