1Tantara 8 - Baiboly Katolika

8. I BENJAMINA SY I JEROSALEMA Taranak’i Benjamina

¹ Ny naterak’i Benjamina dia i Bela lahy matoany, i Asbela lahy aivo, i Aharà fahatelo,

² i Nohaà fahefatra, ary i Rafà fahadimy.

³ Ny zanaka lahin’i Bela dia i Adara, i Gerà, i Abioda,

⁴ i Abisoe, i Naamàna, i Ahôe,

⁵ i Gerà, i Sefofàna ary i Horama.

Tao Gabaà

⁶ Izao no zanaka lahin’i Ahoda: lohan’ny fianakaviana nonina tao Gabaà izy ireo, ary nafindrany tany Manahata:

⁷ i Naamàna, i Akià, ary i Gerà ilay namindra azy sy niteraka an’i Ozà sy Ahioda.

Tany Moaba

⁸ Niteraka tao amin’ny tanin’i Moaba, i Saharaima, taorian’ny nisaorany an’i Hosima sy i Barà, vadiny.

⁹ I Hodesa vadiny no niterahany an’i Jôbaba, i Sebià, i Mosà, i Molkôma, i Jehosa, i Sekià ary i Marmà.

¹⁰ Ireo no zanany lahy, loham-pianakaviana.

Tany Onô sy Loda

¹¹ Ary i Hosima no niterahany an’i Abitoba sy i Elfaala.

¹² Zanakalahin’i Elfaala: i Hebera, i Misaama ary i Samada, izay nanorina an’i Onô sy i Loda mbamin’ny tanàna momba azy.

Tao Aialôna

¹³ I Barià sy i Samà, lohan’ny fianakaviana nonina tao Aialôna no nampandositra ny mponina tao Geta.

¹⁴ I Ahiaô, i Sesàka, i Jerimota,

Tao Jerosalema

¹⁵ i Zabadia, i Aroda, i Hedera,

¹⁶ i Mikaela, i Jesfà ary i Jôhà no zanaka lahin’i Barià.

¹⁷ I Zabadia, i Mosoliama, i Hezesì, i Hebera,

¹⁸ i Jesamarì, i Jezlia, ary i Jôbaba no zanak’i Elfaala.

¹⁹ I Jasima, i Zekria, i Zabdia,

²⁰ i Eliônaia, i Seletaia, i Eliela,

²¹ i Adaia, i Baraià ary i Semarata no zanak’i Semeià.

²² I Jesfàna, i Hebera, i Eliela,

²³ i Abdôna, i Zekria, i Hanàna,

²⁴ i Hananià, i Elama, i Anatôtià,

²⁵ i Jefdaià ary i Fanoela no zanak’i Sesàka.

²⁶ I Samsarì, i Sohorià, i Otolià,

²⁷ i Jersià, i Elià ary i Zekrià no zanak’i Jerôhama.

²⁸ Loham-pianakaviana ireo, samy loholona araka ny fiaviam-pianakaviany, ary nonina tao Jerosalema.

Tao Gabaôna

²⁹ Tao Gabaôna no nonina ny rain’i Gabaôna, ary Maakà no anaran’ny vadiny.

³⁰ I Abdôna no zanany lahimatoa, dia i Sora, i Kisa, i Baala, i Nadaba,

³¹ i Gedôra, i Ahiao ary i Zakera.

³² I Makelôta niteraka an’i Samaà. Nonina tao akaikin’ny rahalahiny koa ireo tao Jerosalema, niaraka tamin’ny rahalahiny.

I Saola sy ny fianakaviany

³³ I Nera niteraka an’i Kisa, i Kisa niteraka an’i Saola, i Saola niteraka an’i Jonatàna, i Melkiasoa, i Abinadaba ary i Esbaala.

³⁴ Zanaka lahin’i Jonatàna: i Meribaala. I Meribaala niteraka an’i Mikà.

³⁵ Zanaka lahin’i Mikà: i Fitôna, i Meleka, i Toraà sy i Akaza.

³⁶ I Akaza niteraka an’i Joada, i Joada niteraka an’i Alamata, i Azmota ary i Zamrì, i Zamrì niteraka an’i Mosà,

³⁷ i Mosà niteraka an’i Banaà, i Rafà zanany, i Falsà zanany, i Asela zanany.

³⁸ Nanan-janaka enin-dahy i Asela ka ireto avy no anarany: Ezrikama, Bôkro, Ismaela, Sarià, Obadià ary Hanàna: zanak’i Asela avokoa ireo.

³⁹ Zanaka lahin’i Eseka rahalahiny: i Olama lahimatoany, i Jehosa faharoa, ary i Elifaleta fahatelo.

⁴⁰ Ny zanaka lahin’i Olama dia lehilahy mahery sady mpandefa zana-tsipìka; ary nanan-janaka lahy aman-jafy maro izy ireo, dia 150. Ireo rehetra ireo dia taranak’i Benjamina avokoa.