Fa tsy mbola nitoetra an-trano Aho hatramin’ny andro nampiarako ny Israelita avy tany Ejipta ka mandraka androany, fa tao anaty lay sy tao anaty fonena-masina Aho no mifindrafindra toerana.
Josoa 18:1 - DIEM PROTESTANTA Taorian’ny nandresen’ny Israelita ilay tany, dia nivory tao Silao ny fiangonana israelita tsivakivolo ka tao no nananganany ny Tranolay fihaonana amin’Andriamanitra. Baiboly Protestanta Malagasy 2011 Nivory tao Silo ny fiangonana, dia ny Zanak’Israely manontolo, ka nanangana ny tranolay fihaonana tao. Ary ny tany dia resy teo anoloany. Dikateny Iombonana Eto Madagasikara Taorian’ny nandresen’ny Israelita ilay tany, dia nivory tao Silao ny fiangonana israelita tsivakivolo ka tao no nananganany ny Tranolay fihaonana amin’Andriamanitra. Baiboly Katolika Nivory ny fiangonan’i zanak’i Israely rehetra tao Silô, ka nanangana ny trano lay fihaonana. Efa resy teo anoloany ny tany. Baiboly Protestanta Malagasy DIA nivory tao Silo ny fiangonana, dia ny Zanak’Isiraely rehetra, ka nanangana ny trano-lay fihaonana tao. Ary ny tany dia resy teo anoloany. Malagasy Bible Dia nivory tao Silo ny fiangonana, dia ny Zanak'Isiraely rehetra, ka nanangana ny trano-lay fihaonana tao. Ary ny tany dia resy teo anoloany. La Bible en Malgache Nivory tao Silo ny fiangonana, dia ny Zanak’Israely manontolo, ka nanangana ny tranolay fihaonana* tao. Ary ny tany dia resy teo anoloany. |
Fa tsy mbola nitoetra an-trano Aho hatramin’ny andro nampiarako ny Israelita avy tany Ejipta ka mandraka androany, fa tao anaty lay sy tao anaty fonena-masina Aho no mifindrafindra toerana.
Ary hoy i Jerôbohama tamin’ny vadiny: –Ndeha re miova endrika ianao mba tsy ho fantatr’olona ho vadiko; dia mankanesa any Silao izay misy an’i Ahià mpaminany, ilay nilaza tamiko fa ho tonga mpanjakan’ity firenena Israely ity aho.
Dia nataon’ny vadin’i Jerôbohama izany; ka niainga nankany Silao izy ary niditra tao an-tranon’i Ahià. Tsy nahita intsony anefa ny mason’i Ahià noho ny fahanterany;
Ary naongan’i Salômôna tsy ho mpisoron’ny TOMPO intsony i Abiatara; ka dia tanteraka ny teny nolazain’ny TOMPO tao Silao ny amin’ny taranak’i Helỳ.
Dia niditra ny taranany haka ny tany ho fananany, ary naetrinao teo anoloany ny Kanahanîta tompon-tany ka natolotrao ho eo an-tanany. Dia nataony araka izay nitiavany azy ny mpanjaka sy ny vahoakan’izany tany izany.
Fa raha tsy mihaino ianareo, dia horavako tahaka ny nandravako ilay tao Silao ity trano ity; ary ny tanànan’i Jerosalema dia hataoko oha-panozonana any amin’ny firenena rehetra eran-tany.»›
Ahoana no ahasahianao milaza amin’ny anaran’ny TOMPO fa horavana tahaka ny tao Silao ity trano ity, ary ho simba sady tsy hisy mponina ity tanàna ity? Tamin’izay dia nitangorona hamely an’i Jeremià izay rehetra teo an-kianjan’ny tranon’ny TOMPO.
Koa nisy olona valopolo lahy avy any Sekema sy Silao ary Samaria, samy voaharatra ny volombavany sady voatriatra ny fitafiany ary voatetitetika ny tenany. Nitondra koba sy vovo-javamanitra mba hatao fanatitra ao an-tranon’ny TOMPO izy.
Rehefa resy eo anatrehan’ny TOMPO io tany io, dia hody ianareo ka ho afa-tsiny amin’ny TOMPO sy amin’ny Israelita hafa; ary hoeken’ny TOMPO ho fanananareo ity tany ity.
Dia mbola noraisin’ireo razantsika tafaraka tamin’i Josoa ilay tranolay ary nentiny niditra tao amin’ny tany fananan’ireo hafa firenena; fa noroahin’Andriamanitra teo anoloan’ny razantsika manko ireo hafa firenena. Tao hatrany ilay tranolay mandra-pahatongan’ny andro nanjakan’i Davida.
Dia nioman-kandeha ireo lehilahy voatendry hisafo ny tany, ka izao no baiko nataon’i Josoa taminy: –Mandehana, tetezo ny tany, ataovy an-tsoratra ny toetoetrany, dia miverena atỳ amiko; fa eto Silao, eto anatrehan’ny TOMPO no hanaovako antsapaka izay ho anjaranareo avy.
I Elehazara mpisorona sy i Josoa zanakalahin’i Nona ary ny filoham-pianakaviana israelita no nizara ireo tany lova ireo. Tao Silao no nizarany azy antsapaka teo anatrehan’ny TOMPO, dia teo am-baravaran’ny Tranolay fihaonana. Toy izany no nahavitana ny fizaràna ny tany.
tao Silao, tao amin’ny tany Kanahàna, no nihaonana ka hoy ireo filoham-pianakaviana levita hoe: –Ny TOMPO efa nanome baiko tamin’ny alalan’i Mosesy mba homena tanàna maromaro honenanay izahay, ary koa homena ny kijàna manodidina azy avy ho an’ny biby fiompinay.
Rehefa nandre izany ny fiangonan’ny Israelita tandrefana tsivakivolo, dia nifamory tao Silao izy rehetra mba handeha hiady amin’ireo foko tatsinanana.
Kanefa raha heverinareo ho tsy mendrika ny TOMPO ireto zarataninareo, dia mankanesa any amin’ny tanin’ny TOMPO izay misy ny tranolay fonenany, ka mangalà zaratany eo afovoan’ny anay; fa aza mikomy amin’ny TOMPO ianareo ary aza mikomy aminay amin’ny fanangananareo alitara, ankoatra ilay alitaran’ny TOMPO Andriamanitsika.
Lasa nody tany aminy tokoa ny vatan-dehilahy taranak’i Reobena sy taranak’i Gada ary anisan’ny antsasa-pokon’i Manase. Tao Silao amin’ny tany Kanahàna ry zareo no nandao ny Israelita hafa mba hankany amin’ny tany Gilehada izay zaratany azony araka ny baiko nampitain’ny Tompo tamin’ny alalan’i Mosesy.
Nokajin’ireo ilay sampin’i Mikà tamin’ny fotoana rehetra nisian’ny tranon’Andriamanitra tao Silao.
Tamin’ny mponina tao Jabesy-Gilehada dia nahitana tovovavy efajato mbola virijiny, ka nentin’ireo iraka ho any amin’ny toby tao Silao, tao amin’ny tany Kanahàna.
Tamin’izay dia tsaroan’ny loholona fa hisy ny fety fanao isan-taona ho an’ny TOMPO any Silao izay eo avaratr’i Betela sy ao atsimon’i Lebônà ary ao atsinanan’ny lalana mampitohy an’i Betela sy i Sekema.
Ary rehefa nisara-nono ny zaza, dia nentiny nankany an-tranon’ny TOMPO tao Silao, na dia mbola vao mena vava aza. Ireto no nentin’izy mivady niaraka tamin’ny zaza: vantotr’ombilahy telo taona sy lafarinina iray gony ary divay eran’ny siny hoditra.
Isan-taona i Elkanà dia nandao an’i Ramà tanànany mba hivavaka sy hanao sorona amin’ny TOMPOn’izao rehetra izao tany Silao; mpisoron’ny TOMPO tao koa i Hôfnỳ sy i Pinehasa zanakalahin’i Helỳ.