Jeremia 26:9 - DIEM PROTESTANTA

⁹ Ahoana no ahasahianao milaza amin’ny anaran’ny TOMPO fa horavana tahaka ny tao Silao ity trano ity, ary ho simba sady tsy hisy mponina ity tanàna ity? Tamin’izay dia nitangorona hamely an’i Jeremià izay rehetra teo an-kianjan’ny tranon’ny TOMPO.

Baiboly Protestanta Malagasy 2011

⁹ Nahoana ianao no naminany tamin’ny anaran’NY TOMPO hoe: Ho tahaka an’i Silo ity trano ity, ary ho lao ity tanàna ity ka tsy hisy mponina intsony? Ary ny vahoaka rehetra dia nitangorona tamin’i Jeremia tao amin’ny tranon’NY TOMPO.

Dikateny Iombonana Eto Madagasikara

⁹ Ahoana no ahasahianao milaza amin’ny anaran’ny TOMPO fa horavana tahaka ny tao Silao ity trano ity, ary ho simba sady tsy hisy mponina ity tanàna ity? Tamin’izay dia nitangorona hamely an’i Jeremià izay rehetra teo an-kianjan’ny tranon’ny TOMPO.

Baiboly Katolika

⁹ Ahoana no aminanianao amin’ny Anaran’i Iaveh hoe: ‹Ho tahaka an’i Silao ity trano ity, ary ho lao tsy misy mponina ity tanàna ity?› » - Dia nitangoronan’ny olona rehetra tao an-tranon’i Iaveh i Jeremia.

Baiboly Protestanta Malagasy

⁹ Nahoana hianao no naminany tamin’ny anaran’i Jehovah hoe: Ho tahaka an’i Silo ity tanàna ity, ary ho lao ity tanàna ity, ka tsy hisy mponina? Ary ny vahoaka rehetra dia nitangorona tamin’i Jeremia tao an-tranon’i Jehovah.

Malagasy Bible

⁹ Nahoana ianao no naminany tamin'ny anaran'i Jehovah hoe: Ho tahaka an'i Silo ity tanàna ity, ary ho lao ity tanàna ity, ka tsy hisy mponina? Ary ny vahoaka rehetra dia nitangorona tamin'i Jeremia tao an-tranon'i Jehovah.

La Bible en Malgache

⁹ Nahoana ianao no naminany tamin’ny anaran’NY TOMPO hoe: Ho tahaka an’i Silo ity trano ity, ary ho lao ity tanàna ity ka tsy hisy mponina intsony? Ary ny vahoaka rehetra dia nitangorona tamin’i Jeremia tao amin’ny tranon’NY TOMPO.

Jeremia 26:9 Rohy Ifampitohizana

2Tantara 25:16

Fa rehefa nitenenan’ity mpaminany izany izy, dia namaly hoe: –Moa ve nisy nanendry anao ho mpanolotsaina ny mpanjaka? Aoka itsỳ, fandrao asian’ny olona eo ianao! Dia niato kely ilay mpaminany, vao nanohy hoe: –Fantatro fa nanapa-kevitra hahafaty anao Andriamanitra, satria nanao izany ianao ka tsy nihaino ny anatro.

Isaia 29:21

ka miampanga lainga azy amin’ny teny sy mamandrika ny mpitsara mba hamarina ny tsy manan-tsiny any an-davaka.

Jeremia 32:3

I Tsedekià no nampanidy an’i Jeremià tao satria nanome tsiny ity mpaminany izy tamin’ny nanambarany ny hafatry ny TOMPO hoe: «Hatolotro eo an-tanan’ny mpanjakan’i Babilôna i Jerosalema ka ho lasany.

Jeremia 33:10

Izao no lazain’ny TOMPO: «Ianareo vahoakan’i Joda dia mamerimberina hoe rava ny taninay ka tsy ahitana olona na biby fiompy intsony. Marina tokoa fa ny tanànan’i Joda sy ny lalamben’i Jerosalema dia foana ka tsy ahitana olona na biby fiompy monina ao intsony. Kanefa amin’izany toerana izany no mbola handrenesana indray

Jeremia 36:29

Avy eo ny amin’i Jôiakima, mpanjakan’i Joda, dia hataonao hoe: ‹Izao no lazain’ny TOMPO: Nosoratan’i Jeremià tamin’ny horonan-taratasy fa tsy maintsy ho avy ny mpanjakan’i Babilôna, ka handrava ity tany ity ary handringana ny olona sy ny biby fiompy eo; kanefa nanakiana azy i Jôiakima sady nandoro ny horonan-taratasy.

Jeremia 9:11

Mba misy olon-kendry anankiray ve mba afaka hahatakatra izao? Raha nitenenan’ny TOMPO izy, dia aoka mba hanambara izay antony nahasimba ny tany sy nahavoadoro azy ho tahaka ny taniefitra ka tsy andalovan’olona intsony.

Fitomaniana 4:13

Fahotan’ny mpaminaniny sy heloky ny mpisorony izay nahafaty ny mpivavaka marina tao an-tanàna no nahatonga izany fahavoazana izany.

Amosa 5:10

Halanareo ny olona mananatra eo amin’ny fitsarana ary maharikoriko anareo ny vavolombelona milaza ny marina.

Mika 2:6

Hoy ny rediredin’ny sasany amiko: «Aza be rediredy aminay intsony ianao! Aoka izay ny rediredy toy ny hoe: tsy hay sakanana ny fahafaham-baràka.

Matio 21:23

Nony tafiditra tao an-kianjan’ny tempoly i Jesoa, dia nampianatra. Ary nanatona Azy ny lohandoha-mpisorona sy ny loholon’ny vahoaka jiosy ka nanontany Azy hoe: –Fahefana ahoana moa no anaovanao an’izao? Ary iza no nanome anao izany fahefana izany?

Matio 27:20

Ny lohandoha-mpisorona sy ny loholona kosa dia nitaona ny vahoaka mba hitaky ny handefasana an’i Barabasy ary ny hamonoana an’i Jesoa.

Marka 15:11

kanefa nampirisihin’ireo lohandoha-mpisorona ny vahoaka hangataka ny handefasana an’i Barabasy toy izay i Jesoa.

Jaona 8:20

Ireo teny ireo dia nolazain’i Jesoa teo akaikin’ny fandatsahan-drakitra, fony Izy nampianatra teo an-kianjan’ny tempoly; ary tsy nisy olona nisambotra Azy, satria tsy mbola tonga ny fotoanandrony.

Jaona 8:59

Tamin’izay dia naka vato hitorahana Azy ny olona; fa i Jesoa kosa niery ka lasa nivoaka ny kianjan’ny tempoly.

Asan’ny Apostoly 13:50

Nomen’ny Jiosy fo anefa ireo vehivavy mpanaja an’Andriamanitra sady ambony toerana ary koa ireo lehibe tao an-tanàna; dia nahatonga fanenjehana an’i Paoly sy i Barnabà ry zareo ka nandroaka azy roa lahy hiala tamin’ny faritany.

Asan’ny Apostoly 21:30

Nisavorovoro ny tanàna manontolo, ka indray nirohotra ny olona. Dia nobedain-dry zareo i Paoly ka notaritaritiny ho any ivelan’ny tempoly, ary nohidiny teo no ho eo ihany ireo vavahadin’ny tempoly.

Asan’ny Apostoly 22:22

Nihaino an’i Paoly hatrany hatrany ny olona; fa nony mby tamin’ireo teny ireo, dia velona antsoantso mafy hoe: –Esory amin’ny tany ny karazan’olona toy itony, fa tsy mendrika ho velona!

Asan’ny Apostoly 3:11

Tsy nisaraka tamin’i Petera sy i Jôhany ralehilahy, koa sady tolagaga ny vahoaka rehetra no nirohotra nanatona azy telo lahy teo amin’ny lala-mitafo atao hoe «lala-mitafon’i Salômôna».

Asan’ny Apostoly 5:12

Famantarana sy zava-mahagaga maro no vitan’ny apôstôly teo amin’ny vahoaka. Niray fo ny mpino rehetra nivory teo amin’ny lala-mitafon’i Salômôna,

Asan’ny Apostoly 5:28

nataony hoe: –Noraranay mafy dia mafy ianareo tsy hampianatra amin’ny anaran’iny Lehilahy iny; kanjo vao mainka nofenoinareo ny fampianaranareo i Jerosalema iray vohitra, ka satrinareo ho tompon’andraikitra amin’ny nahafatesan’iny Lehilahy iny izahay.

Asan’ny Apostoly 6:14

satria efa renay nilaza fa hoe i Jesoa avy any Nazareta dia handrodana ity tempoly ity ary hanova ny fanao natolotr’i Mosesy antsika.

Josoa 18:1

Taorian’ny nandresen’ny Israelita ilay tany, dia nivory tao Silao ny fiangonana israelita tsivakivolo ka tao no nananganany ny Tranolay fihaonana amin’Andriamanitra.