Josoa 18:1 - Baiboly Protestanta Malagasy

¹ DIA nivory tao Silo ny fiangonana, dia ny Zanak’Isiraely rehetra, ka nanangana ny trano-lay fihaonana tao. Ary ny tany dia resy teo anoloany.

Baiboly Protestanta Malagasy 2011

¹ Nivory tao Silo ny fiangonana, dia ny Zanak’Israely manontolo, ka nanangana ny tranolay fihaonana tao. Ary ny tany dia resy teo anoloany.

DIEM PROTESTANTA

¹ Taorian’ny nandresen’ny Israelita ilay tany, dia nivory tao Silao ny fiangonana israelita tsivakivolo ka tao no nananganany ny Tranolay fihaonana amin’Andriamanitra.

Dikateny Iombonana Eto Madagasikara

¹ Taorian’ny nandresen’ny Israelita ilay tany, dia nivory tao Silao ny fiangonana israelita tsivakivolo ka tao no nananganany ny Tranolay fihaonana amin’Andriamanitra.

Baiboly Katolika

¹ Nivory ny fiangonan’i zanak’i Israely rehetra tao Silô, ka nanangana ny trano lay fihaonana. Efa resy teo anoloany ny tany.

Malagasy Bible

¹ Dia nivory tao Silo ny fiangonana, dia ny Zanak'Isiraely rehetra, ka nanangana ny trano-lay fihaonana tao. Ary ny tany dia resy teo anoloany.

La Bible en Malgache

¹ Nivory tao Silo ny fiangonana, dia ny Zanak’Israely manontolo, ka nanangana ny tranolay fihaonana* tao. Ary ny tany dia resy teo anoloany.

Josoa 18:1 Rohy Ifampitohizana

2Samoela 7:6

Fa tsy mbola nitoetra an-trano Aho hatramin’ny nitondrako ny Zanak’Isiraely niakatra avy tany Egypta ka mandraka andro-any, fa nifindrafindra toby sy nifindrafindra toerana.

1Mpanjaka 14:2

Ary hoy Jeroboama tamin’ny vadiny: Masìna hianao, mitsangàna, ka miovà endrika, mba tsy ho fantatr’olona ho vadin’i Jeroboama hianao; dia mankanesa any Silo; fa, indro, ao Ahia mpaminany, ilay nilaza tamiko fa ho mpanjakan’ity firenena ity aho.

1Mpanjaka 14:4

Dia nanao araka izany ny vadin’i Jeroboama ka niainga nankany Silo izy, dia nankao an-tranon’i Ahia. Ary Ahia tsy nahita, fa efa pahina ny masony noho ny fahanterany.

1Mpanjaka 2:27

Ary Solomona dia nanongana an’i Abiatara tsy ho mpisoron’i Jehovah, ka dia nahatanteraka ny tenin’i Jehovah, ilay nolazainy tao Silo ny amin’ny taranak’i Ely, izy.

Nehemia 9:24

Dia niditra ny zanany ka nandova ny tany, ary nampietrenao teo anoloany ny Kananita tompon-tany, dia natolotrao ho eo an-tànany ireo mbamin’ny mpanjakany sy ny vahoakany hanaovany azy araka ny sitrapony.

Salamo 78:60

Sady nahafoy ny tabernakeliny tao Silo Izy, Dia ny lay izay naoriny teo amin’ny olona;

Salamo 78:66

Dia namely ny fahavalony hiamboho Izy Ka nahafa-baraka azy mandrakizay.

Jeremia 26:6

dia hataoko tahaka an’i Silo ity trano ity, ary hataoko fanozonana ho an’ny firenena rehetra ambonin’ny tany ity tanàna ity.

Jeremia 26:9

Nahoana hianao no naminany tamin’ny anaran’i Jehovah hoe: Ho tahaka an’i Silo ity tanàna ity, ary ho lao ity tanàna ity, ka tsy hisy mponina? Ary ny vahoaka rehetra dia nitangorona tamin’i Jeremia tao an-tranon’i Jehovah.

Jeremia 41:5

dia nisy valo-polo lahy avy tany Sekema sy Silo ary Samaria, izay samy mihara-bolom-bava, sady voatriatra ny fitafiany, ary voatetika ny tenany, nitondra fanatitra sy ditin-kazo mani-pofona teny an-tànany ho entina ao an-tranon’i Jehovah.

Nomery 32:22

ka ho resy eo anatrehan’i Jehovah ny tany; ary rehefa vita izany, dia hody hianareo ka tsy hanan-tsiny, na amin’i Jehovah, na amin’ny Isiraely; ary ity tany ity ho zara-taninareo eo anatrehan’i Jehovah.

Asan’ny Apostoly 7:45

Izany koa dia noraisin’ny razantsika izay nandimby ireo, ka nentiny niditra niaraka tamin’i Josoa tamin’ny nahazoany ny tanin’ny firenena izay noroahin’Andriamanitra hiala teo anoloan’ny razantsika hatramin’ny andron’i Davida;

Josoa 18:2

Ary nisy firenena fito tamin’ny Zanak’Isiraely tsy mbola nahazo ny lovany.

Josoa 18:8

Dia niainga ireo lehilahy ireo ka nandeha; ary Josoa nandidy izay nandeha hanoratra ny tany ka nanao hoe: Mandehana nitety ny tany, ka soraty izy, dia miverena atỳ amiko, ka eto Silo no hanaovako filokana ho anareo eo anatrehan’i Jehovah.

Josoa 19:51

Ireo no lova izay nozarain’i Eleazara mpisorona sy Josoa, zanak’i Nona, ary ny lohan’ny fianakaviana tamin’ny firenen’ny Zanak’Isiraely tao Silo teo anatrehan’i Jehovah, dia teo am-baravaran’ny trano-lay fihaonana, araka ny filokana. Dia vitany avokoa ny nizarany ny tany.

Josoa 21:2

ka niteny taminy tao Silo tao amin’ny tany Kanana hoe: Jehovah efa nampandidy an’i Mosesy mba homena tanàna hitoerana izahay sy tany manodidina azy ho an’ny biby fiompinay.

Josoa 22:12

Ary nony ren’ny Zanak’Isiraely izany, dia niangona tao Silo ny fiangonana, dia ny Zanak’Isiraely rehetra, mba hiakatra hiady aminy.

Josoa 22:19

Kanefa raha maloto ny taninareo, dia mità ho any amin’ny tanin’i Jehovah, izay itoeran’ny tabernakelin’i Jehovah, ka any aminay maka fonenana; fa aza miodina amin’i Jehovah, na miodina aminay, amin’ny anorenanareo alitara afa-tsy ny alitaran’i Jehovah Andriamanitsika.

Josoa 22:9

Dia nody ny taranak’i Robena sy Gada ary ny antsasaky ny firenen’i Manase ka nandao ny Zanak’Isiraely tao Silo, izay ao amin’ny tany Kanana, hankany amin’ny tany Gileada ho any amin’ny zara-taniny, izay azony araka ny tenin’i Jehovah nasainy nolazain’i Mosesy.

Mpitsara 18:31

Ary nampitoeriny ho azy ilay sarin-javatra voasokitra nataon’i Mika mandritra ny andro rehetra niorenan’ny tranon’Andriamanitra tao Silo.

Mpitsara 21:12

Ary nahita zazavavy virijina efa-jato tsy mbola nahalala lahy teo amin’ny mponina tany Jabesi-gileada izy ka nitondra ireo ho any an-toby tany Silo any amin’ny tany Kanana.

Mpitsara 21:19

Dia hoy izy: Indro, misy andro firavoravoana isan-taona ho an’i Jehovah any Silo, izay avaratr’i Betela, atsinanan’ny làlambe miakatra avy any Betela hankany Sekema, ary atsimon’i Lebona.

1Samoela 1:24

Ary nony efa maoty ny zaza, vao nentiny niakatra niaraka taminy izy mbamin’ny vantotr’ombilahy telo sy koba iray efaha ary divay iray tavoara, ka nentiny ho ao an-tranon’i Jehovah tao Silo izy; ary mbola kely ny zaza.

1Samoela 1:3

Ary ralehilahy niakatra isan-taona niala tamin’ny tanànany hivavaka sy hamono zavatra hatao fanatitra ho an’i Jehovah, Tompon’ny maro, tao Silo. Ary tao izy mirahalahy, zanak’i Ely, dia Hofinia sy Finehasa, mpisoron’i Jehovah.