Nomery 32:22 - DIEM PROTESTANTA

²² Rehefa resy eo anatrehan’ny TOMPO io tany io, dia hody ianareo ka ho afa-tsiny amin’ny TOMPO sy amin’ny Israelita hafa; ary hoeken’ny TOMPO ho fanananareo ity tany ity.

Baiboly Protestanta Malagasy 2011

²² ka ho resy eo anatrehan’NY TOMPO ny tany, dia izay vao hody ianareo ka tsy hanan-tsiny, na amin’NY TOMPO, na amin’ny Israely; ary ity tany ity no ho zarataninareo eo anatrehan’NY TOMPO.

Dikateny Iombonana Eto Madagasikara

²² Rehefa resy eo anatrehan’ny TOMPO io tany io, dia hody ianareo ka ho afa-tsiny amin’ny TOMPO sy amin’ny Israelita hafa; ary hoeken’ny TOMPO ho fanananareo ity tany ity.

Baiboly Katolika

²² ka tsy hiverina raha tsy efa resy eo anatrehan’i Iaveh ny tany, dia afa-tsiny eo anatrehan’i Iaveh sy eo anatrehan’i Israely ianareo, ary ho fanananareo eo anatrehan’i Iaveh ity faritany ity.

Baiboly Protestanta Malagasy

²² ka ho resy eo anatrehan’i Jehovah ny tany; ary rehefa vita izany, dia hody hianareo ka tsy hanan-tsiny, na amin’i Jehovah, na amin’ny Isiraely; ary ity tany ity ho zara-taninareo eo anatrehan’i Jehovah.

Malagasy Bible

²² ka ho resy eo anatrehan'i Jehovah ny tany; ary rehefa vita izany, dia hody ianareo ka tsy hanan-tsiny, na amin'i Jehovah, na amin'ny Isiraely; ary ity tany ity ho zara-taninareo eo anatrehan'i Jehovah.

La Bible en Malgache

²² ka ho resy eo anatrehan’NY TOMPO ny tany, dia izay vao hody ianareo ka tsy hanan-tsiny, na amin’NY TOMPO, na amin’ny Israely; ary ity tany ity no ho zarataninareo eo anatrehan’NY TOMPO.

Nomery 32:22 Rohy Ifampitohizana

2Samoela 3:28

Rehefa ren’i Davida izany tatỳ aoriana, dia hoy izy hoe: –Afa-tsiny mandrakizay eo anatrehan’ny TOMPO izaho sy ny fanjakako ny amin’ny nahafatesan’i Abinera zanakalahin’i Nera.

Salamo 78:55

noroahiny ny firenen-kafa teo anoloany, nozarainy antsapaka ho azy ny taniny; ka ny tranon’ireo firenen-kafa ireo ihany no nampitoerany ny fokon’i Israely.

Levitikosy 14:34

«Rehefa tafiditra any amin’ny tany Kanahàna izay omeko ho fanananareo ianareo ka misy trano hasiako pentina bobongolo eo amin’ny tany fanananareo,

Nomery 32:21

ary aoka ny lehilahy vonon-kiady rehetra hiampita eny an-dafy andrefan’i Jôrdàna araka ny fifehezan’ny TOMPO ka haharitra ao mandra-pandroakan’ny Tompo ireo fahavalony!

Deoteronomia 3:20

Ampio ny Israelita hafa mandra-panomen’ny TOMPO azy fitsaharana tahaka ny nataony taminareo, ka hananany ny tany izay omen’ny TOMPO Andriamanitrareo azy any andafin’i Jôrdàna; dia samy hiverina any amin’ny zaratany izay nomeko anareo avy ianareo.»

Josoa 1:15

ambara-panomen’ny TOMPO azy toerana tahaka izay efa natao taminareo, ka hahazoan’ireo koa ny tany izay omen’ny TOMPO Andriamanitrareo azy any andrefan’i Jôrdàna. Aorian’izany vao hiverina ianareo mba hizaka ny taninareo ety andafy atsinanan’i Jôrdàna, tany izay nomen’i Mosesy mpanompon’ny Tompo anareo.

Josoa 10:30

Natolotry ny TOMPO teo an-tanan’ny Israelita koa ny tanàna; dia novonoin’ireo tamin’ny sabatra ny mpanjakany sy ny olona rehetra tao ka tsy nisy niangana. Tahaka izay nataon’ny Israelita tamin’ny mpanjakan’i Jerikao no nataony tamin’ny mpanjakan’i Libnà.

Josoa 10:42

Koa ny mpanjaka rehetra mbamin’ny taniny manontolo dia nalain’i Josoa tamin’ny famelezana indray mandeha ihany, satria ny TOMPO Andriamanitr’i Israely mihitsy no niady ho an’ny Israelita.

Josoa 11:23

Dia azon’i Josoa avokoa ilay tany, araka izay rehetra efa nambaran’ny TOMPO tamin’i Mosesy; ary nomen’i Josoa ho fananan’ny Israelita izany ka nozarazarainy araka ny fokony avy. Dia nitsahatra ny ady ka nandry ny tany.

Josoa 13:8

Ny Reobenita sy Gadita miaraka amin’ilay antsasa-pokon’i Manase manko dia efa nahazo ny zaratany nomen’i Mosesy teny atsinanan’i Jôrdàna. Araka izay nomen’i Mosesy mpanompon’ny TOMPO azy,

Josoa 18:1

Taorian’ny nandresen’ny Israelita ilay tany, dia nivory tao Silao ny fiangonana israelita tsivakivolo ka tao no nananganany ny Tranolay fihaonana amin’Andriamanitra.

Josoa 2:19

Raha misy olona mivoaka ho any ivelan’ny trano, dia izy ihany no tompon’andraikitra amin’ny fahafatesany fa tsy izahay. Ireo rehetra miaraka aminao ao an-tranonao kosa, raha misy olona mamely azy, dia izahay no tompon’andraikitra amin’ny fahafatesany.

Josoa 22:4

Ankehitriny, araka izay efa nampanantenainy, dia nomen’ny TOMPO Andriamanitrareo fandriampahalemana ny mpiray firenena aminareo; koa mahazo miverina any an-dainareo ianareo ankehitriny, any amin’ny tany izay efa nomen’i Mosesy mpanompon’ny TOMPO ho anareo eny ampita atsinanan’i Jôrdàna.

Josoa 22:9

Lasa nody tany aminy tokoa ny vatan-dehilahy taranak’i Reobena sy taranak’i Gada ary anisan’ny antsasa-pokon’i Manase. Tao Silao amin’ny tany Kanahàna ry zareo no nandao ny Israelita hafa mba hankany amin’ny tany Gilehada izay zaratany azony araka ny baiko nampitain’ny Tompo tamin’ny alalan’i Mosesy.