Nomery 32:23 - DIEM PROTESTANTA

²³ Fa raha tsy manao izany kosa ianareo, dia manota amin’ny TOMPO, ary fantaro fa ianareo ihany no hifoteran’ny vokatry ny fahotanareo.

Baiboly Protestanta Malagasy 2011

²³ Fa raha tsy hanao izany kosa ianareo dia manota amin’NY TOMPO; ary aoka ho fantatrareo fa hanody anareo ny fahotanareo.

Dikateny Iombonana Eto Madagasikara

²³ Fa raha tsy manao izany kosa ianareo, dia manota amin’ny TOMPO, ary fantaro fa ianareo ihany no hifoteran’ny vokatry ny fahotanareo.

Baiboly Katolika

²³ Fa raha tsy manao izany kosa ianareo, dia indro manota amin’i Iaveh ianareo, ka fantaro fa hanody anareo ny fahotanareo.

Baiboly Protestanta Malagasy

²³ Fa raha tsy hanao izany kosa hianareo, dia manota amin’i Jehovah; ary aoka ho fantatrareo fa hanody anareo ny fahotanareo.

Malagasy Bible

²³ Fa raha tsy hanao izany kosa ianareo, dia manota amin'i Jehovah; ary aoka ho fantatrareo fa hanody anareo ny fahotanareo.

La Bible en Malgache

²³ Fa raha tsy hanao izany kosa ianareo dia manota amin’NY TOMPO; ary aoka ho fantatrareo fa hanody anareo ny fahotanareo.

Nomery 32:23 Rohy Ifampitohizana

Genesisy 13:13

Ny mponina tao Sôdôma dia tena ratsy toetra sady nanota mafy tamin’ny TOMPO.

Genesisy 4:7

Fa raha tsy izany, dia toy ny biby mamitsaka eo am-baravaranao ny ota. Te hanapaka anao izy, kanefa ianao no tokony hifehy azy.

Genesisy 44:16

Dia namaly i Joda hoe: –Inona moa, tompoko, no holazainay anao? Inona no ho azonay lazaina mba hampiseho ny fahamarinanay? Andriamanitra no nahita ny fahadisoan’ny mpanomponao: indreto àry izahay, tompoko, manaiky ho andevonao miaraka amin’ilay nahitana ny tsangambava.

2Samoela 3:39

Fa izaho, na dia mpanjaka efa voahosotra aza, dia mahatsiaro ny tenako ho mbola malemy ankehitriny; ary ireo zanakalahin’i Tseroià ireo dia mahery setra loatra miohatra amiko. Ny TOMPO anie hanafay azy araka ny ratsy nataony.

1Mpanjaka 2:32

Hataon’ny TOMPO manody an’i Jôaba anie izany, satria olona roa tsy manan-tsiny akory sady tsara fanahy noho izy no nasiany tamin’ny sabatra ka maty, dia i Abinera zanakalahin’i Nera sady filohan-tafik’i Israely sy i Hamasà zanakalahin’i Jetera sady filohan-tafik’i Joda, nefa i Davida raiko tsy mba nahafantatra izany.

1Mpanjaka 2:33

Eny, hanody tokoa amin’i Jôaba sy ny taranany mandrakizay izany; fa fiadanana mandrakizay avy amin’ny TOMPO kosa no ho amin’i Davida sy ny taranany mbamin’ny fianakaviany ary ny sezafiandrianany.

Salamo 139:11

Ka hoy aho hoe: «Aoka ny haizina hanarona ahy! Aoka ny hazavana manodidina ahy hanjary alina!»

Salamo 140:11

Vainafo miredareda anie no toy ny orana halatsaka aminy; lavaka lalina tsy hainy hiakarana anie no hamarinana azy ao anaty afo!

Salamo 90:8

Napetrakao eo anatrehanao ny helokay; na ny fahotanay miafina aza dia hitanao mazava.

Ohabolana 13:21

Loza no manjohy ny mpanota; fa hasambarana kosa no valisoan’ny olo-marina.

Ohabolana 24:16

satria mety lavo impito ny olo-marina, kanefa tafarina ihany, fa ny olon-dratsy kosa mianjera rehefa injay idiran-doza.

Ohabolana 5:22

Ny heloky ny olon-dratsy dia mamandri-tena, ka ny fahotany ihany no maningotra azy.

Isaia 3:11

Lozan’ny ratsy fanahy kosa fa hiharam-pahavoazana izy, satria araka izay nataony ihany no zavatra hafitsoka aminy!

Isaia 59:12

TOMPO ô, imbetsaka izahay no efa nikomy taminao tokoa; miampanga anay ny helokay ary manjohy anay ny otanay, ka fantatray tsara ny hadisoanay.

Jona 1:7

–’Ndeha isika hanao antsapaka hahitana izay tompon’andraikitra mahatonga izao loza izao amintsika. Natao ny antsapaka ka nianjera tamin’i Jônà.

Romana 2:9

Eny, fahoriana sy tebiteby no hahazo ny olona rehetra fatra-panao ny ratsy, dia ny Jiosy aloha vao ny hafa firenena.

1Korintiana 4:5

Noho izany, aza mitsara olona alohan’ny fotoana, dia mandra-piavin’ny Tompo: Izy no hampiharihary ireo zavatra afenina anatin’ny maizina sy hampiseho ireo hevitry ny fon’ny olombelona. Ka amin’izay dia samy homen’Andriamanitra ny dera tandrify azy avy ny tsirairay.

Josoa 7:18

Dia narosony tsirairay ny lehilahy tao amin’ny fianakavian’i Zabdỳ ka i Hakàna, zanakalahin’i Karmỳ sy zafin’i Zabdỳ ary zafiafin’i Zera sady anisan’ny fokon’i Joda, no voatondro.