Kanjo nony afaka telo taona, dia sendra nandositra ny mpanompon’i Semeià roa lahy, tany amin’ny Akisa, zanak’i Maakà, mpanjakan’i Geta. Dia nilazana izany i Semeià, natao hoe: «Indro any Geta ny mpanomponao.»
Josoa 11:22 - Baiboly Katolika ka tsy nisy Enakima intsony, teo amin’ny tanin’ny zanak’i Israely; fa tany Gazà sy Geta ary Azota no sisa nisy. Baiboly Protestanta Malagasy 2011 Tsy nisy tavela tany amin’ny tanin’ny Zanak’Israely ny Anakita; fa tany Gaza sy Gata ary Asdoda ihany no mbola nisy sisa. DIEM PROTESTANTA ka tsy nisy Hanakita tavela intsony teo amin’i Israely, afa-tsy tao Gazà sy Gata ary Asdôda. Dikateny Iombonana Eto Madagasikara ka tsy nisy Hanakita tavela intsony teo amin’i Israely, afa-tsy tao Gazà sy Gata ary Asdôda. Baiboly Protestanta Malagasy Tsy nisy sisa tany amin’ny tanin’ny Zanak’Isiraely ny Anakita; fa tany Gaza sy Gata ary Asdoda ihany no mbola nisy sisa. Malagasy Bible Tsy nisy sisa tany amin'ny tanin'ny Zanak'Isiraely ny Anakita; fa tany Gaza sy Gata ary Asdoda ihany no mbola nisy sisa. La Bible en Malgache Tsy nisy tavela tany amin’ny tanin’ny Zanak’Israely ny Anakita; fa tany Gaza sy Gata ary Asdoda ihany no mbola nisy sisa. |
Kanjo nony afaka telo taona, dia sendra nandositra ny mpanompon’i Semeià roa lahy, tany amin’ny Akisa, zanak’i Maakà, mpanjakan’i Geta. Dia nilazana izany i Semeià, natao hoe: «Indro any Geta ny mpanomponao.»
Tatỳ aorian’izany, nandresy ny Filistinina i Davida, ka nampietry azy, ary nalainy teo an-tanan’ny Filistinina i Geta mbamin’ny tanàna momba azy.
I Barià sy i Samà, lohan’ny fianakaviana nonina tao Aialôna no nampandositra ny mponina tao Geta.
Nandeha niady tamin’i Filistinina izy, nazerany avokoa ny mandan’i Geta sy ny mandan’i Jabnià ary ny mandan’i Azota, dia nanao tanàna tany amin’ny faritanin’i Azota sy ny tany amin’ny Filistinina izy.
Tamin’ny taona nahatongavan’i Tartana nirahin’i Sargona mpanjakan’i Asiria tany Azota, sy nanaovany fahirano azy, sy nahafahany azy,
Fa i Filipo kosa tonga tany Azota, ary nitory ny Evanjely tamin’ny tanàna rehetra nandalovany mandra-pahatongany tany Sezarea.
Ny Heveanina izay nonina tamin’ny vohitra hatrany Gazà koa, dia naringan’ny Kaftôrima, izay nivoaka avy tany Kaftora sy nonina nisolo ireny.
Vahoaka vaventy, lava, taranaky ny Enakima, izay fantatrao sy renao laza hoe: Zovy no hahatohitra ny taranak’i Enàka?
Nasian’i Jôsoe ireny, hatrany Kadesa-Barne ka hatrany Gazà ary ny tany Gôsena rehetra hatrany Gabaôna.
Noroahin’i Kaleba hiala tao izy telo lahy, zanak’i Enaka, dia i Sesaia, i Ahimàna ary i Tolmaia taranak’i Enaka.
Hatreo Akarôna no ho miankandrefana, dia ny tanàna rehetra akaikin’i Azota, mbamin’ny zana-bohiny,
i Azota sy ny tanàna momba azy ary ny zana-bohiny; i Gazà sy ny tanàna momba azy, mbamin’ny zana-bohiny, hatramin’ny ranon-driakan’i Ejipta, sy hatramin’ny Ranomasina Lehibe izay fariny.
Ny andriana dimy tamin’ny Filistinina, ny Kananeanina sy ny Sidonianina ary ny Heveanina rehetra izay nonina tamin’ny tendrombohitra Libàna, hatramin’ny tendrombohitra Baala-Hermôna, ka hatramin’ny vava lalan’i Hamata.
Tamin’izay dia nivoaka avy teo amin’ny tobin’ny Filistinina ity mpiady anankiray, Gôliata no anarany, ary avy any Geta: enina hakiho sy irain-jehy ny halavany.
Nony azon’ny Filistinina ny Fiaran’Andriamanitra dia nentiny avy tany Eben-Ezera ho any Azota.