Josoa 15:47 - Baiboly Katolika

⁴⁷ i Azota sy ny tanàna momba azy ary ny zana-bohiny; i Gazà sy ny tanàna momba azy, mbamin’ny zana-bohiny, hatramin’ny ranon-driakan’i Ejipta, sy hatramin’ny Ranomasina Lehibe izay fariny.

Baiboly Protestanta Malagasy 2011

⁴⁷ i Asdoda sy ny tanàna ao aminy mbamin’ny vohitra miankina aminy, i Gaza sy ny tanàna ao aminy mbamin’ny vohitra miankina aminy, hatrany amin’ny lohasahan-driakan’i Ejipta sy ny moron’ny Ranomasina Lehibe.

DIEM PROTESTANTA

⁴⁷ i Asdôda sy i Gazà samy miampy ireo tanàna kely sy zana-bohitra miankina aminy, hatrany amin’ny lohasahan-driakan’i Ejipta sy hatrany amoron’ny Ranomasina Mediteranea.

Dikateny Iombonana Eto Madagasikara

⁴⁷ i Asdôda sy i Gazà samy miampy ireo tanàna kely sy zana-bohitra miankina aminy, hatrany amin’ny lohasahan-driakan’i Ejipta sy hatrany amoron’ny Ranomasina Mediteranea.

Baiboly Protestanta Malagasy

⁴⁷ Asdoda sy ny tanànany ary ny zana-bohiny, Gaza sy ny tanànany ary ny zana-bohiny, hatramin’ny lohasahan-driak’i Egypta sy ny amoron’ny Ranomasina Lehibe.

Malagasy Bible

⁴⁷ Asdoda sy ny tanànany ary ny zana-bohiny, Gaza sy ny tanànany ary ny zana-bohiny, hatramin'ny lohasahan-driak'i Egypta sy ny amoron'ny Ranomasina Lehibe.

La Bible en Malgache

⁴⁷ i Asdoda sy ny tanàna ao aminy mbamin’ny vohitra miankina aminy, i Gaza sy ny tanàna ao aminy mbamin’ny vohitra miankina aminy, hatrany amin’ny lohasahan-driakan’i Ejipta sy ny moron’ny Ranomasina Lehibe.

Josoa 15:47 Rohy Ifampitohizana

1Mpanjaka 5:4

fa izy no nanapaka ny tany rehetra an-dafin’ny ony, hatrany Tafsà ka hatrany Gazà, dia tamin’ny mpanjaka rehetra an-dafin’ny ony, ary nandry fahalemana izy tamin’izay rehetra nanoa azy hatraiza hatraiza.

2Mpanjaka 18:8

Nandresy ny Filistinina hatrany Gazà izy, ka nandrava ny taniny, hatramin’ny tilikambon’ny mpiambina, ka hatramin’ny tanàna mimanda.

2Tantara 26:6

Nandeha niady tamin’i Filistinina izy, nazerany avokoa ny mandan’i Geta sy ny mandan’i Jabnià ary ny mandan’i Azota, dia nanao tanàna tany amin’ny faritanin’i Azota sy ny tany amin’ny Filistinina izy.

Eksodosy 23:31

Izao no hataoko faritaninao: hatramin’ny Ranomasina Mena ka hatramin’ny ranomasin’ny Filistinina, ary hatramin’ny efitra ka hatramin’ny ony, satria hatolotro eo an-tananao ny mponina amin’ny tany ka horoahinao hiala eo anoloanao.

Jeremia 47:1

Tenin’i Iaveh tonga tamin’i Jeremia mpaminany, ny amin’ny Filistinina, fony i Faraôna tsy mbola namely an’i Gazà.

Jeremia 47:5

Tonga mangadihady loha i Gazà; levona i Askalôna, mbamin’ny lohasaha manodidina azy. Mandra-pahoviana ianao no mbola hiteti-tena ihany?

Zefania 2:4

Fa i Gazà hafoy; i Askalôna hanjary efitra; i Azota horoahina mitataovovonana; ary i Akarôna hofongorana.

Asan’ny Apostoly 8:26

Ary nisy Anjelin’ny Tompo niteny tamin’i Filipo ka nanao hoe: «Mitsangàna, ka mandehana mianatsimo any amin’ny lalana midina avy any Jerosalema mankany Gazà, izay tanàna foana.»

Deoteronomia 2:23

Ny Heveanina izay nonina tamin’ny vohitra hatrany Gazà koa, dia naringan’ny Kaftôrima, izay nivoaka avy tany Kaftora sy nonina nisolo ireny.

Josoa 11:22

ka tsy nisy Enakima intsony, teo amin’ny tanin’ny zanak’i Israely; fa tany Gazà sy Geta ary Azota no sisa nisy.

Josoa 13:3

hatramin’i Sikôra, izay eo atsinanan’i Ejipta ka hatrany amin’ny faritanin’i Akarôna eo avaratra, izay tokony hatao ho tany Kananeanina; ny andrian’ny Filistinina dimy, ny an’i Gazà, ny an’i Azota, ny an’i Askalôna, ny an’i Geta, ny an’i Akarôna;

Josoa 15:4

avy eo dia nahazo an’i Asmôna, nitohy hatramin’ny ranon-driakan’i Ejipta, dia nihatra hatrany amin’ny ranomasina ny faritry ny taniny. Izany no ho faritry ny taninareo any atsimo.

Josoa 15:46

Hatreo Akarôna no ho miankandrefana, dia ny tanàna rehetra akaikin’i Azota, mbamin’ny zana-bohiny,

Josoa 15:48

Ny tao amin’ny tendrombohitra dia: i Samira, i Jetera, i Sokôta.