Dia nifoha maraina koa i Abrahama, ka naka mofo sy rano eran’ny siny hoditra anankiray; nomeny an’i Agara sy nataony teo an-tsorony ireo ary ny zaza koa, dia nalefany izy. Nandeha ravehivavy ka nirenireny tany an’efitr’i Bersabea tany.
Genesisy 21:31 - Baiboly Katolika Izany no nanaovana io toerana io hoe Bersabea, satria teo izy roa lahy no samy nianiana. Baiboly Protestanta Malagasy 2011 Izany no nanaovana io toerana io hoe Bery-Sheba, satria teo no nianianan’izy roa lahy. DIEM PROTESTANTA Izany no niantsoana io toerana io hoe Beera-Seba, satria teo izy roa lahy no nanao fianianana. Dikateny Iombonana Eto Madagasikara Izany no niantsoana io toerana io hoe Beera-Seba, satria teo izy roa lahy no nanao fianianana. Baiboly Protestanta Malagasy Izany no nanaovana io tany io hoe Beri-sheba; satria teo no nianianan’izy roa lahy. Malagasy Bible Izany no nanaovana io tany io hoe Beri-sheba; satria teo no nianianan'izy roa lahy. La Bible en Malgache Izany no nanaovana io toerana io hoe Bery-Sheba, satria teo no nianianan’izy roa lahy. |
Dia nifoha maraina koa i Abrahama, ka naka mofo sy rano eran’ny siny hoditra anankiray; nomeny an’i Agara sy nataony teo an-tsorony ireo ary ny zaza koa, dia nalefany izy. Nandeha ravehivavy ka nirenireny tany an’efitr’i Bersabea tany.
Nanao fanekem-pihavanana tao Bersabea izy ireo. Rehefa vita izany dia niainga i Abimeleka sy i Fikôla, filohan’ny tafiny, ka niverina ho any amin’ny tanin’ny Filistinina.
Ary nifoha vao maraina koa izy, dia samy nanao fianianana izy roa tonta, izay izy ireo vao nalefan’i Isaaka; ka dia lasa soa aman-tsara niala taminy.
Dia nataony hoe Sibea ny anaran’ny fantsakana, Izany no nanaovana ny anaran’ny tanàna hoe Bersabea mandraka androany.
Dia niainga i Israely nitondra izay rehetra nananany. Nony tonga teo Bersabea izy, dia nanolotra sorona tamin’ny Andriamanitr’i Isaaka rainy.
Ka izao kosa no hevitro: Aoka hivory eto aminao avokoa i Israely rehetra, hatrany Dana, ka hatrany Bersabea, izay maro toy ny fasika any amoron-dranomasina, dia ny tenanao mihitsy no handroso amin’ny ady.
Ary nalehany koa i Tiro, tanàna mimanda, mbamin’ny tanànan’ny Heveanina sy ny Kananeanina rehetra dia tafapaka amin’ny Negeban’i Jodà, any Bersabea.
Nony nahita izany i Elia, dia lasa niainga hamonjy ny ainy. Ka nony tonga tao Bersabea izay an’i Jodà izy, navelany tao ny mpanompony,
Aza mitady an’i Betela, aza mankany Galgalà, aza miampita ho any Bersabea! Fa i Galgalà ho lasan-ko babo; ary i Betela hanjary tsinontsinona.
Dia nivoaka ny zanak’i Israely rehetra hatrany Dana ka hatrany Bersabea sy ny tany Galaada; ka nivory teo anatrehan’i Iaveh tany Masfà, toy ny olona iray ihany, ny fiangonana.