2Samoela 17:11 - Baiboly Katolika

¹¹ Ka izao kosa no hevitro: Aoka hivory eto aminao avokoa i Israely rehetra, hatrany Dana, ka hatrany Bersabea, izay maro toy ny fasika any amoron-dranomasina, dia ny tenanao mihitsy no handroso amin’ny ady.

Baiboly Protestanta Malagasy 2011

¹¹ Koa izao kosa no mba hevitro: Aoka hovorina ho eto aminao avokoa ny Israely rehetra hatrany Dana ka hatrany Bery-Sheba fa toy ny fasika amoron-dranomasina ny hamarony, ary ny tenanao mihitsy no hiantafika.

DIEM PROTESTANTA

¹¹ Izao àry no mba torohevitro: Vorio eto aminao ny miaramila israelita rehetra, hatrany Dana ka hatrany Beera-Seba ka ho toy ny fasika amoron-dranomasina ny hamaroany; ary ny tenanao mihitsy no hiantafika miaraka aminy.

Dikateny Iombonana Eto Madagasikara

¹¹ Izao àry no mba torohevitro: Vorio eto aminao ny miaramila israelita rehetra, hatrany Dana ka hatrany Beera-Seba ka ho toy ny fasika amoron-dranomasina ny hamaroany; ary ny tenanao mihitsy no hiantafika miaraka aminy.

Baiboly Protestanta Malagasy

¹¹ Koa izao kosa no mba hevitro: Aoka hovorina ho eto aminao avokoa ny Isiraely rehetra hatrany Dana ka hatrany Beri-sheba, toy ny fasika amoron-dranomasina no hamarony; ka dia ny tenanao no hankany an-tafika.

Malagasy Bible

¹¹ Koa izao kosa no mba hevitro: Aoka hovorina ho eto aminao avokoa ny Isiraely rehetra hatrany Dana ka hatrany Beri-sheba, toy ny fasika amoron-dranomasina no hamarony; ka dia ny tenanao no hankany an-tafika.

La Bible en Malgache

¹¹ Koa izao kosa no mba hevitro: Aoka hovorina ho eto aminao avokoa ny Israely rehetra hatrany Dana ka hatrany Bery-Sheba fa toy ny fasika amoron-dranomasina ny hamarony, ary ny tenanao mihitsy no hiantafika.

2Samoela 17:11 Rohy Ifampitohizana

Genesisy 13:16

Hataoko toy ny vovo-tany, ka raha azo isaina ny vovo-tany dia ho azo isaina koa ny taranakao.

Genesisy 21:14

Dia nifoha maraina koa i Abrahama, ka naka mofo sy rano eran’ny siny hoditra anankiray; nomeny an’i Agara sy nataony teo an-tsorony ireo ary ny zaza koa, dia nalefany izy. Nandeha ravehivavy ka nirenireny tany an’efitr’i Bersabea tany.

Genesisy 22:17

dia hanisy soa anao Aho, hahamaro ny taranakao tahaka ny kintana eny an-danitra sy ny fasika eny amoron-dranomasina, ary ny taranakao hahazo ny vavahadin’ny fahavalony.

2Samoela 12:28

Koa ankehitriny vorio ny vahoaka sisa, dia avia ianao hitoby hamely ny tanàna sy haka azy, fandrao dia ny tenako no maka ny tanàna ka hantsoina amin’ny anarako izy.»

2Samoela 24:2

Dia hoy ny mpanjaka tamin’i Jôaba, filohan’ny tafika, izay teo aminy: «Mandehana tetezo ny fokon’i Israely rehetra hatrany Dana ka hatrany Bersabea, hahafantarako ny isan’ny vahoaka.»

2Samoela 3:10

fa hoesoriny amin’ny fianakavian’i Saola ny fanjakana ka hatsangany amin’i Israely sy i Jodà hatrany Dana ka hatrany Bersabea ny seza fiandrianan’i Davida.»

1Mpanjaka 20:10

Naniraka olona i Benadaba hilaza amin’i Akaba hoe: «Hataon’ireo andriamanitra amin’izay ngidiny indrindra anie aho raha ho ampy eran-tanan’ilan’ny isan’olona manaraka ahy akory ny vovok’i Samaria.»

1Mpanjaka 4:20

Maro toy ny fasika eny amoron-dranomasina i Jodà sy i Israely; ary nihinana sy nisotro sy nirobiroby.

Salamo 9:16

Latsaka tamin’ny lavaka nohadiny ny firenena; voan’ny fandrika harato nafeniny ny tongony.

Josoa 11:4

Dia nivoaka ireny, dia nomban’ny tafiny rehetra, vahoaka tsy hita isa toy ny fasika any amoron-dranomasina, sy ny soavaly aman-kalesiny be dia be indrindra.

Mpitsara 20:1

Dia nivoaka ny zanak’i Israely rehetra hatrany Dana ka hatrany Bersabea sy ny tany Galaada; ka nivory teo anatrehan’i Iaveh tany Masfà, toy ny olona iray ihany, ny fiangonana.

1Samoela 13:5

Dia nivory hiady amin’i Israely ny Filistinina: telo alina ny kalesiny, enina arivo ny olona an-tsoavaly, ary ny vahoaka tsy hita isa hoatra ny fasika eny amoron-dranomasina. Tonga nitoby teo Makmasy atsinanan’i Bety Avena izy.

1Samoela 3:20

Fantatr’i Israely rehetra hatrany Dana ka hatrany Bersabea fa tena mpaminanin’i Iaveh marina tokoa i Samoela.