Genesisy 21:31 - DIEM PROTESTANTA

³¹ Izany no niantsoana io toerana io hoe Beera-Seba, satria teo izy roa lahy no nanao fianianana.

Baiboly Protestanta Malagasy 2011

³¹ Izany no nanaovana io toerana io hoe Bery-Sheba, satria teo no nianianan’izy roa lahy.

Dikateny Iombonana Eto Madagasikara

³¹ Izany no niantsoana io toerana io hoe Beera-Seba, satria teo izy roa lahy no nanao fianianana.

Baiboly Katolika

³¹ Izany no nanaovana io toerana io hoe Bersabea, satria teo izy roa lahy no samy nianiana.

Baiboly Protestanta Malagasy

³¹ Izany no nanaovana io tany io hoe Beri-sheba; satria teo no nianianan’izy roa lahy.

Malagasy Bible

³¹ Izany no nanaovana io tany io hoe Beri-sheba; satria teo no nianianan'izy roa lahy.

Genesisy 21:31 Rohy Ifampitohizana

Genesisy 21:14

Dia nifoha vao maraina be i Abrahama ka naka mofo sy siny hoditra feno rano; dia nomeny an’i Hagara izany sady napetrany teo an-tsorony, ary natolony azy koa ny zaza. Dia nalefan’i Abrahama izy mianaka ka nandeha nirenireny tao an-taniefitr’i Beera-Seba.

Genesisy 21:32

Nanao fifanekena tao Beera-Seba i Abrahama sy i Abimelèka; avy eo dia niainga i Abimelèka sy i Pikôla, lehiben’ny tafiny, ka lasa niverina nankany amin’ny tanin’ny Filistinina.

Genesisy 26:23

Dia niala teo izy ka nankany Beera-Seba.

Genesisy 26:31

Nifoha maraina avy izy ireo ny ampitso ary samy nifanao velirano. Avy eo nalefan’i Itsehàka izy telo mianaka, ka lasa nody ombàm-piadanana.

Genesisy 26:33

Nantsoin’i Itsehàka hoe Sibehà (na hoe Fianianana) ilay fantsakana. Izany no nanaovana ny anaran’ny tanàna hoe Beera-Seba na hoe Fantsakana fianianana mandraka androany.

Genesisy 46:1

Niainga i Jakôba sy izay rehetra azy ka tonga tao Beera-Seba; dia nanao sorona teo izy ho an’ilay Andriamanitr’i Itsehàka rainy.

2Samoela 17:11

Izao àry no mba torohevitro: Vorio eto aminao ny miaramila israelita rehetra, hatrany Dana ka hatrany Beera-Seba ka ho toy ny fasika amoron-dranomasina ny hamaroany; ary ny tenanao mihitsy no hiantafika miaraka aminy.

2Samoela 24:7

Ary tonga tao Tiro tanàna mimanda ireo sy tany amin’ny tanàna rehetra fonenan’ny Hivita sy Kanahanita, ka tafapaka hatrany Bery-Seba, ao atsimon’ny faritanin’i Joda.

1Mpanjaka 19:3

Dia natahotra i Elià, ka nitsoaka nandositra namonjy ny ainy. Tonga tany Beera-Seba izay any Joda izy, ary navelany tao ny mpanompony.

Nehemia 11:27

i Hatsary-Sohaly, i Beera-Seba sy ireo tanàna kely miankina aminy,

Amosa 5:5

Fa aza mitady Ahy any Betela, aza miditra ao Gilgala, ary aza mankany Beera-Seba; satria ho lasan-ko babo tokoa i Gilgala, ary i Betela dia ho tonga tsinontsinona.»

Josoa 15:28

i Hatsara-Sohala, i Beera-Seba sy ireo tanàna kely mifanila aminy,

Mpitsara 20:1

Dia niainga ny Israelita rehetra ary tafangona toy ny olona iray izy hatrany Dana ka hatrany Beera-Seba sy hatrany amin’ny faritr’i Gilehada no nivory teo anatrehan’ny TOMPO tao Mitsepà.