БЫЦЦЁ 1:22 - Кнігі Святога Пісання - Біблія - Біблія — пераклад Чарняўскага (выданне 2017 года)

І дабраславіў іх Бог, кажучы: «Расціце і размнажайцеся, і запаўняйце воды мора, а птушкі хай размнажаюцца над зямлёю».

Біблія (пераклад А.Бокуна)

І дабраславіў іх Бог, кажучы: «Пладзіцеся і множцеся, і напаўняйце воды мораў, а птушкі няхай множацца на зямлі».

Біблія (пераклад В. Сёмухі)

І дабраславіў іх Бог, кажучы: пладзецеся і множцеся, і напаўняйце воды ў морах, і птушкі хай множацца на зямлі.

БЫЦЦЁ 1:22 Крыжаваныя спасылкі

БЫЦЦЁ 1:21

І стварыў Бог вялізных марскіх жывёл і ўсялякую істоту жывую і рухавую, якую нараджаюць воды, паводле гатункаў сваіх, і ўсялякіх птушак паводле роду свайго. І бачыў Бог, што гэта добра.

БЫЦЦЁ 1:23

І мінуў вечар, і мінула раніца — дзень пяты.

БЫЦЦЁ 1:28

І дабраславіў іх Бог, і сказаў ім Бог: «Расціце і размнажайцеся, і запаўняйце зямлю, і падпарадкоўвайце яе сабе, і валадарце над рыбамі марскімі і птушкамі паднебнымі, ды ўсім жывым, што рухаецца па зямлі».

БЫЦЦЁ 30:27

Кажа яму Лабан: «О, каб я знайшоў ласку перад абліччам тваім! Я пераканаўся, што Госпад дабраславіў мяне дзеля цябе.

БЫЦЦЁ 30:30

Не многа ты меў перад тым, як я прыбыў да цябе, а цяпер стала намнога больш, і дабраславіў цябе Госпад з прыходам маім. І вось, цяпер калі ж я паклапачуся нарэшце пра дом мой?»

БЫЦЦЁ 35:11

І сказаў яму: «Я — Бог Усемагутны. Расці і размнажайся. Народ і мноства народаў з цябе будзе, валадары са сцёгнаў тваіх выйдуць.

БЫЦЦЁ 8:17

Усіх жывуноў, якія ёсць у цябе ад кожнага цела, як з птушак, так і з жывёл, і з усіх паўзуноў, якія поўзаюць па зямлі, выводзь разам з сабою, каб пладзіліся на зямлі ды каб раслі і размнажаліся на ёй».

БЫЦЦЁ 9:1

І дабраславіў Бог Ноя і сыноў яго, і сказаў ім: «Расціце, і размнажайцеся, і залюдняйце зямлю.

ЁВА 40:15

Горы прыносяць яму ежу, усе звяры дзікія там гуляюць.

ЁВА 42:12

І дабраславіў Госпад апошнія дні Ёва больш, чым папярэднія. І было ў яго чатырнаццаць тысяч авечак і шэсць тысяч вярблюдаў, тысяча пар валоў і тысяча асліц.

ПСАЛТЫР 107:31

Хай вызнаюць Госпада за Яго міласэрнасць і за Яго цуды для сыноў чалавечых.

ПСАЛТЫР 107:38

І дабраславіў Ён іх, і памножыліся яны надзвычайна, і жывёлы іх не паменшыў.

ПСАЛТЫР 128:3

Жонка твая, як плодная галінка вінаграду ў пакоях дому твайго; сыны твае, як парасткі аліўныя вакол твайго стала.

ВЫСЛОЎІ 10:22

Дабраславенне Госпада робіць людзей багатымі; і не будзе дабаўлена ім ніякага цяжару.

ЛЯВІТ 26:9

Я прыхілюся да вас і зраблю, каб вы пладзіліся, і вы размножыцеся; і заключу Я запавет Мой з вамі.