1 ЯНА 3:20 - Біблія (пераклад А.Бокуна)

Бо калі сэрца нас дакарае, дык Бог большы за сэрца нашае і ведае ўсё.

Біблія (пераклад В. Сёмухі)

бо калі сэрца (нашае) асуджае нас, дык тым болей Бог, таму што Бог большы за сэрца нашае і ведае ўсё.

Кнігі Святога Пісання - Біблія - Біблія — пераклад Чарняўскага (выданне 2017 года)

бо калі наша сэрца асуджае нас, дык Бог большы за наша сэрца і ведае ўсё.

1 ЯНА 3:20 Крыжаваныя спасылкі

ЁВА 27:6

У праведнасьці маёй буду трымацца моцна і не адкіну яе, ня будзе дакараць сэрца маё дзён [жыцьця] майго.

ЁВА 33:12

Вось, у гэтым ты няправедны. Я адкажу табе, бо Бог большы за чалавека.

ПСАЛТЫР 90:8

Ты паклаў беззаконьні нашыя перад Сабою, нашыя схаваныя [грахі] — перад сьветласьцю аблічча Твайго.

ЕРАМІІ 17:10

Я, ГОСПАД, дасьледую сэрца і выпрабоўваю ныркі, каб аднагародзіць кожнаму паводле шляхоў ягоных і паводле пладоў учынкаў ягоных.

ЕРАМІІ 23:24

Калі чалавек схаваецца ў схове, ці ж Я ня ўбачу яго? — кажа ГОСПАД. Ці ж Я не напаўняю неба і зямлю? — кажа ГОСПАД.

ЯНА 21:17

Кажа яму трэці раз: «Сымон Ёнін, ці сябруеш ты са Мною?» Засмуціўся Пётар, што трэці раз спытаўся ў яго: «Ці сябруеш ты са Мною?», і сказаў Яму: «Госпадзе! Ты ўсё ведаеш, Ты ведаеш, што я сябрую з Табою!» Кажа яму Ісус: «Даглядай авечак Маіх.

ЯНА 8:9

Яны ж, пачуўшы гэтае і дакараныя сумленьнем, павыходзілі адзін за адным, пачаўшы ад старшыняў, аж да апошніх. І застаўся адзін Ісус і жанчына, што стаяла пасярэдзіне.

ДЗЕІ 5:33

Тыя ж, пачуўшы, раз’юшыліся і пастанавілі пазабіваць іх.

РЫМЛЯНАЎ 8:34

Хто той, хто асуджае? Хрыстос, Які памёр, але і ўваскрос! Ён і праваруч Бога, Ён і заступаецца за нас.

1 КАРЫНФЯНАЎ 4:4

Бо хоць нічога ня ведаю за сабою, але ў гэтым я не апраўданы. Госпад — Той, Які судзіць мяне.

ЦІТА 3:11

ведаючы, што гэтакі разбэсьціўся і грашыць, асудзіўшы самога сябе.

ГАБРЭЯЎ 4:13

І няма стварэньня, схаванага перад Ім, але ўсё аголена і адкрыта перад вачыма Таго, пра Якога нашае слова.

ГАБРЭЯЎ 6:13

Бо Бог, абяцаючы Абрагаму, ня маючы нікога вышэйшага, каб прысягаць, прысягаў Самім Сабою,

1 ЯНА 3:19

І з гэтага даведаемся, што мы ад праўды, і супакоім перад Ім сэрцы нашыя.

1 ЯНА 3:21

Улюбёныя! Калі сэрца нашае не дакарае нас, мы маем адвагу перад Богам,

1 ЯНА 4:4

Дзеткі! Вы — ад Бога, і вы перамаглі іх, бо Той, Які ў вас, большы за таго, які ў сьвеце.

АДКРЫЦЦЁ 2:23

і дзяцей ейных сьмерцю заб’ю, і даведаюцца ўсе цэрквы, што Я — Той, Які дасьледуе ныркі і сэрца, і Я дам вам кожнаму паводле справаў вашых.