ЕЗЭКІІЛЯ 43:2 - Кнігі Святога Пісання - Біблія - Біблія — пераклад Чарняўскага (выданне 2017 года)

і вось, слава Бога Ізраэля прыходзіла з усходу, і голас Яго — быццам гук многіх водаў, і зямля свяцілася ад Яго велічы.

Біблія (пераклад А.Бокуна)

І вось, слава Бога Ізраіля прыйшла па шляху з усходу, а голас Ягоны — быццам шум водаў вялікіх, і зямля сьвяцілася ад славы Ягонай.

Біблія (пераклад В. Сёмухі)

І вось, слава Бога Ізраілевага ішла з усходу, і голас Яго - як шум многіх водаў, і зямля асьвяцілася ад славы Яго.

ЕЗЭКІІЛЯ 43:2 Крыжаваныя спасылкі

ІСАІ 17:12

О! Гоман многіх народаў! Гамоняць, быццам гоман мора, і віраванні натоўпаў будуць шумець, быццам шум водаў.

ІСАІ 6:3

І ўсклікаў адзін да аднаго, і гаварыў: «Святы, святы, святы Госпад, Бог Усемагутны, — уся зямля поўная славы Тваёй!»

ЕЗЭКІІЛЯ 1:24

І калі яны ішлі, чуў я шум крылаў, як шум многіх водаў, як голас Усемагутнага: калі яны ішлі, быў водгук аглушальны, як шум лагера ваеннага; і калі яны спыняліся, крылы мелі апушчаныя.

ЕЗЭКІІЛЯ 1:28

Як з’яўленне вясёлкі на воблаку ў дажджлівы дзень, такі быў той бляск наўкола.

ЕЗЭКІІЛЯ 10:4

І слава Госпада паднялася з-над херубінаў да парога святыні, і святыня напоўнілася воблакам, і панадворак напоўніўся бляскам хвалы Госпада.

ЕЗЭКІІЛЯ 11:22

І херубіны ўзнялі свае крылы, і адначасова з імі пайшлі колы, а слава Бога Ізраэля супачывала на іх угары;

ЕЗЭКІІЛЯ 11:23

І адышла слава Госпада з межаў горада, і затрымалася на гары, што на ўсход ад горада.

ЕЗЭКІІЛЯ 3:23

Ды я ўстаў і пайшоў на поле, і вось, там была слава Госпада, такая, як слава, якую я ўбачыў над ракою Кэбар; і я ўпаў на твар свой.

ЕЗЭКІІЛЯ 43:4

І веліч Госпада ўвайшла ў святыню праз браму, што была накіраваная на ўсход.

ЕЗЭКІІЛЯ 44:2

і сказаў мне Госпад: «Брама гэтая хай будзе замкнутая; хай не адчыняецца, і ніводзін чалавек хай не пройдзе ёю, бо Госпад, Бог Ізраэля, увайшоў праз яе, і хай будзе яна замкнутая.

ЕЗЭКІІЛЯ 9:3

І слава Бога Ізраэля паднялася з-над херубінам, на якім знаходзілася, да парога дома; і, паклікаўшы чалавека, апранутага ў ільняныя шаты, які меў пісарскую прыладу на сцёгнах сваіх,

АБАКУМА 2:14

Бо зямля перапоўніцца пазнаннем славы Госпада, як воды перапаўняюць мора.

АБАКУМА 3:3

Бог прыйдзе з Тэмана, і Святы — з гары Паран. [Сэлах]. Слава Яго пакрывае нябёсы, і зямля поўная хвалы Яго.

АБАКУМА 3:4

Бляск Яго — як святло, прамені — з рук Яго: у іх схавана магутнасць Яго.

ЯНА 12:41

Гэта сказаў Ісая, калі ўбачыў хвалу Яго і гаварыў пра Яго.

АДКРЫЦЦЁ 1:15

і ногі Яго падобныя да бронзы, распаленай у печы, і голас Яго падобны да гуку бурлівых водаў,

АДКРЫЦЦЁ 14:2

І пачуў я голас з неба, быццам шум многіх водаў і быццам гук магутных грымот; і голас, які чуў я, гучаў як голас гусляроў, што граюць на гуслях сваіх.

АДКРЫЦЦЁ 18:1

Пасля гэтага ўбачыў я іншага анёла, які сыходзіў з неба і меў вялікую ўладу, і зямля зазіхацела ад славы яго.

АДКРЫЦЦЁ 19:1

Пасля гэтага пачуў я голас гучны на небе як быццам многіх натоўпаў, што казалі: «Алілуя! Збаўленне, і слава, і пашана, і магутнасць Богу нашаму,

АДКРЫЦЦЁ 19:6

І пачуў я быццам голас незлічонай грамады, як шум многіх водаў і як гук вялікіх грымот, якія кажуць: «Алілуя, бо ўзяў уладу Госпад, Бог наш Усемагутны.

АДКРЫЦЦЁ 21:11

і меў славу Божую. Бляск яго быў падобны да бляску каштоўных камянёў, быццам яспіса ці нават крышталю.

АДКРЫЦЦЁ 21:23

І горад не патрабуе ўжо ані сонца, ані месяца, каб асвятлялі яго, бо слава Божая асвятляе яго і Ягня ёсць свяцільняй яго.