ЛУКАША 21:36 - Біблія (пераклад В. Сёмухі)

дык вось, чувайце ва ўсякі час і малецеся, і хай спадобіцеся ўнікнуць усіх гэтых будучых нягодаў і паўстаць перад Сынам Чалавечым.

Біблія (пераклад А.Бокуна)

Дык чувайце, молячыся ў-ва ўсякі час, каб вам быць вартымі ўцячы ад усяго, што мае стацца, і стаць перад Сынам Чалавечым».

Кнігі Святога Пісання - Біблія - Біблія — пераклад Чарняўскага (выданне 2017 года)

Дык чувайце, молячыся ўвесь час, каб змаглі пазбегнуць ўсяго гэтага, што мае прыйсці, ды стаць перад Сынам Чалавечым».

ЛУКАША 21:36 Крыжаваныя спасылкі

ЁВА 27:10

Ці будзе ён суцяшацца Ўсемагутным і заклікаць Бога ў любы час?

ПСАЛТЫР 1:5

Таму ня ўстояць бязбожнікі на Божым судзе, а грэшнікі - на сходзе праведных.

ЕРАМІІ 35:19

за тое, - так кажа Гасподзь Саваоф Бог Ізраілеў, не адымецца ў Ёнадава, сына Рэхамавага, муж, які стаіць перад абліччам Маім ва ўсе дні.

МАЛАХІІ 3:2

І хто вытрымае дзень прышэсьця Яго, і хто ўстоіць, калі Ён явіцца? Бо Ён - як агонь, што расплаўляе, і як шчолак, што ачышчае,

МАЦЬВЕЯ 24:42

Дык чувайце ж, бо ня ведаеце, у якую гадзіну Гасподзь ваш прыйдзе.

МАЦЬВЕЯ 24:43

Але гэта вы знаеце, што калі б ведаў гаспадар дома, у якую варту прыйдзе злодзей, дык чуваў бы і ня даў бы падкапаць дома свайго.

МАЦЬВЕЯ 24:44

Таму і вы будзьце гатовыя, бо ў якую гадзіну ня думаеце, Сын Чалавечы прыйдзе.

МАЦЬВЕЯ 25:13

Дык вось, чувайце; бо ня ведаеце ні дня, ні гадзіны, у якую прыйдзе Сын Чалавечы.

МАЦЬВЕЯ 26:41

чувайце і малецеся, каб не паддацца спакусе: дух бадзёры, а плоць нядужая.

МАЦЬВЕЯ 8:20

І кажа яму Ісус: лісы маюць норы, і птушкі нябесныя гнёзды; а Сын Чалавечы ня мае, дзе прыхіліць галаву.

МАРКА 13:33

Глядзеце, чувайце, малецеся; бо ня ведаеце, калі настане час гэты.

МАРКА 13:37

А што вам кажу, кажу ўсім: чувайце.

ЛУКАША 1:19

Анёл сказаў яму ў адказ: я Гаўрыіл, стаю перад Богам, і пасланы гаварыць з табою і паведаміць табе гэта;

ЛУКАША 18:1

Сказаў ім таксама прытчу пра тое, што трэба заўсёды маліцца і ня падаць духам,

ЛУКАША 20:35

а тыя, што спадобіліся дасягнуць таго веку і ўваскрэсеньня зь мёртвых, ні жэняцца, ні замуж ня выходзяць,

ЛУКАША 21:35

бо ён, як сетка, накрые ўсіх, хто жыве па ўсім улоньні зямным;

ДЗЕІ 10:2

пабожны і богабаязны з усім домам сваім, ён рабіў шмат міласьціны людзям і заўсёды маліўся Богу.

1 КАРЫНФЯНАЎ 16:13

Чувайце, стойце ў веры, будзьце мужныя, цьвёрдыя;

2 КАРЫНФЯНАЎ 4:14

ведаючы, што Той, Хто ўваскрэсіў Госпада Ісуса, уваскрэсіць празь Ісуса і нас і паставіць перад Сабою з вамі.

КАЛАСЯНАЎ 4:2

Будзьце трывалыя ў малітве, чуваючы ў ёй з удзячнасьцю;

1 ФЕСАЛОНІКІЙЦАЎ 5:17

Бесьперастанку малецеся.

2 ЦІМАФЕЯ 4:5

Але ты будзь пільны ва ўсім, цярпі скрушнасьць, выконвай справу дабравесьніка, выконвай служэньне тваё.

1 ПЯТРА 4:7

Зрэшты, блізкі ўсяму канец. Дык вось будзьце ў добрым розуме і чувайце ў малітвах.

1 ПЯТРА 5:8

Цьверазейце, чувайце, бо супраціўнік ваш д'ябал ходзіць, як рыклівы леў, шукаючы каго праглынуць;

1 ЯНА 2:28

Дык вось, дзеці, заставайцеся ў Ім, каб, калі Ён зьявіцца, мець нам адвагу і не асароміцца перад Ім у прышэсьце Ягонае.

ЮДЫ 1:24

А Таму, Хто можа захаваць вас ад падзеньня і паставіць перад славаю Сваёю беспахібнымі ў радасьці,

АДКРЫЦЦЁ 11:4

Гэта - дзьве масьліны і два сьветачы, што стаяць прад Богам зямлі.

АДКРЫЦЦЁ 6:17

бо прыйшоў вялікі дзень гневу Ягонага, і хто можа выстаяць?

АДКРЫЦЦЁ 7:9

Пасьля гэтага зірнуў я, і вось, вялікае мноства людзей, якога ніхто ня мог палічыць, з усіх плямёнаў і каленаў, і народаў і родаў стаяла перад тронам і перад Ягнём у белым адзеньні і з пальмавымі галінкамі ў руках сваіх.

АДКРЫЦЦЁ 8:2

І ўгледзеў я сем анёлаў, якія стаялі перад Богам; і дадзена ім сем трубаў.