109 Biblian jiskʼa tʼaqanakapajja, sapa uru Diosar yuspärañataki

Tatitur yuspagarapjjam, munasirïtap laycu, qhuyapayasiñapajj wiñayawa,

Take cunatsa Diosar yuspagarapjjam, Diosasti jumanacatjja uqhamwa muni, Cristo Jesusan iyawsirinacapjamajja.

Tatitur yuspagarapjjam, munasiñanïtap laycu, qhuyapayasiñapajj wiñayawa.

Diosan sumancañapay chuymanacamanjja jumanacarojj apnakpan, Diosasti uca amtäwimpiraquiw jawsapjjtam mä cuerpo tucupjjañamataqui. Ucatsti yuspagarapjjaraquim.

yuspagarañ chuymamp nayrakatapar mantapjjañäni, phust'añanacamp chic jupar jallallapjjañäni.

Puncunacapar jac'achasipjjam, kollan utapar mantapjjam, yuspagar churapjjam, sutip jach'añchapjjaraquim.

Dios Awquirojj take cunatsa yuspagarapjjapunim, Tatit Jesucristosan sutiparu.

Tatitur yuspagarapjjam, jupajj munasiñaniwa, qhuyapayasiñapajj wiñayawa.

Jan jumanacajj cunats llaquisipjjamti, take cunsa Diosar sapjjam oracionana, mayipjjam yuspagarapjjaraquim.

Jan karjasisaw Tatiturojj jach'añchä, lacajjajj jupar jach'añchapuniniwa.

Takpach chuymajjampiw Tatitur jach'añchä, janiw qhuyapayasiñapat armascäti.

Uqham Diosan ch'amanïtapa uñt'apcchisa, jakenacajj janiw Diosarjam yupaychapquiti ni yuspagarapcaraquisa, jan ucasti juc'amp jan cunatac ina lup'ïwinacar chhaktatäpjjewa, jan walinac amtir chuymapasti ch'amact'ataraquiwa.

Dios Tatay, ucat ajayojjajj jan amuct'as jach'añchañ k'ochunac k'ochuni, jumarusti wiñayaw yuspagaräma.

K'ochunacampiw Diosan sutiparojj jach'añchä, yuspagarasaw jach'a cancañap yatiyä;

Tatitur yuspagarapjjam, munasirïtap laycu, qhuyapayasiñapajj wiñayawa.

uqhamata Dios Awquiru yuspagarapjjañamataqui. Juparaquiw jiwasarojj waquichistu ucjja khanan catokañasataqui, cuntï Diosajj jupanquirinacar churcän ucjja.

“Tatitur yuspagarapjjam, jupasti sumawa, munasiñapasa wiñayataquiwa.

Tatay, luratanacamajj takpachapun jumar jach'añchpan, iyawsirinacamajj jumar jach'añchapjjpan.

Alajjpachanquir Tatay, jumar jach'añchañajj sumapuniwa, sutimar k'ochuñas cusisiñaraquiwa,

Uca pakallko t'ant'ampi, chawllanacampi catusinjja, alajjpach uñtasinwa Diosarojj yuspagaräna. T'ant'a pachjasinsti discipulonacaparuw laquintäna, jupanacasti take jakenacaruraquiw churaraquïna.

Diosajjay, Tatitojjay, takpach chuymajjampiw yupaychäma, sutimarusti wiñayataquiw jach'añchä.

Alajjpachanquir Diosar yuspagarapjjam, qhuyapayasiñapajj wiñayawa.

Tatay, takpach chuymajjampiw yuspagarsma muspharcañ luratanacamat yatiyasa.

¡Yuspagaratäpan Diosajja! ¡Jiwasarojj mä jach'a churäwi churistojja, ucasti jan amuyt'cayawa!

Diosar loktañamajj yuspagarañ chuymäpan; Alajjpachanquir Diosar arsutanacam phokham,

Tatay nayar ist'atamat yuspagarsma, nayar khespiyatamat wakaycharacsma.

Tatitur cusisiñamp k'ochupjjam, takpach orakenquirinaca,

Jïsa, Tatitojj jach'a luräwinac lurarapistu, jiwasanacasti wali cusisitäpjjäyätanwa.

¡Tatituruw nayar asqui luratapat k'ochü!

juparuw lacajjajj art'asi, lajjrajjasti juparuw jach'añchi.

Nayasti jumaruquiw suyt'ascäma, juc'amp jach'aruw aptäma;

Chica arumaw jumar yuspagarañatac uñatatta, arunacamat jumar yuspagarañataqui.

Take jumanacatjja Diosarojj yuspagarapjjapuntwa, oracionanacajjanjja jumanacat amtasipjjapuntwa.

Yuspagarañamp Tatitur k'ochupjjam; Diosasataquejj arpamp chic k'ochupjjam.

Almajjay, ¿cunatarac llacthapistasti?, ¿cunatarac ajjsarthaptasti? Diosaruc suyt'am, wasitat jach'añchjjäta: ¡Jupaw cusisiñajjasa, Diosajjasa!

Ucatpï Diosarojj yupaychañasaquipunejja Jesucristo toke. Aca yupaychañawa suma sacrificiot churañasajja, lacanacasampi yupaychañäni.

Tatiturojj arpamp chic yuspagarapjjam, sutipar k'ochupjjaraquim;

¡Tatay, uywirejjay, sutimajj takpach oraken muspharcayawa! ¡Khapak cancañamajj alajjpachat juc'amp qhuricamawa!

Tatituruw nayajj jach'añchta, jupaw ch'am churirejjajja. ¡Jupaw khespiyirejjajja!

¡Tatitojj jach'ar aptatäpan! Tatiturojj machak k'och k'ochupjjam, iyawsirinacap taypin jach'añchapjjam.

Jach'a qhuyapayasiñamat amtasaw yatiyapjjani, juman asqui cancañamat jach'at jallallapjjani.

Asqui jakenaca, Tatitump cusisipjjam, khana chuymaninaca, Tatitur cusisiñat jach'añchapjjam.

Jach'a mank'äwinquir jakjamaw cusisï, lacajjasti cusisitaw jach'añchätam.

Ucatwa jichhajja nanacan Diosajja yuspagarapjjsma, uqhamarac jach'a sutimsa yupaychapjjaracsma;

Tatay, lacajjay jist'arita, lacajjampisti jach'añchasaw k'ochüma.

Jacañajjcamaw Tatitur k'ochü, jaccasaw Diosajjatac jayllï:

Tatituncasajj cusisitäpjjapunim take urunacana. Wasitat sapjjsma, cusisipjjam.

Tatitur jach'añchapjjam: angelanacapa, arsutanacap phokherinaca, arupar janc'ac jaysirinaca.

Tatitun alajjpach tamanacapa, jupar jach'añchapjjam, munañap phokher loktirinacapa, jach'ar aptapjjam.

Alajjpachanquir Diosay, jumïpan jach'a cusisiñajj utjitu; sutim aytasaw k'ochuracsma.

Diosay, jach'añchapjjsmawa, yuspagar churapjjsma, sutim aytasipjjta, muspharcañ luräwinacam k'ochupjjta.

Kollan templom uñcatataw quillt'asï, munasiñamampita, cheka cancañamampit sutimar yuspagarä: sutimarusa, arunacamarus take cunjjaruw jilancaytajja.

Asqui jakenaca: Tatitur art'asipjjam, asqui jakenacan yupaychäwipajj asquipuniwa;

¡Tatitojj jach'ar aptatäpan! Diosasar k'ochuñajj cusiscañawa. Jupar suma k'ochunacamp jach'añchañaw waquisi.

Tatay, yuspagarañ loktäwi catuyäma, sutimaruw jach'añcharaquï.

¡Tatitojj jach'añchatäpan! Tatiturojj take chuymampiw yuspagarä, asqui jakenacan tantachasïwipan jach'añchä.

Nayasti Diosaruw jac'achasï, ucaw nayarojj cusisiyitu. Tatay, jumaw arjjatirejjätajja, takpach luräwinacamat yatiyä.

Nayasti, Tatituruw chekapar uñjatapat jach'añchä, alajjpachanquir Tatitun sutiparuw k'ochunac k'ochü.

Ucampis cawquïr marctejj Diosajj churquistu ucajj janiw onjjtcaspati. Ucat jichhajj yuspagarañäni, take amuyusampi yupaychañäni uqhamarac take ajjsart'añampi, ucaw Diosarojj cusisiyi.

Marcanaca, Diosasar jach'añchapjjam, jach'añchañ k'ochunac jach'at k'ochupjjam.

Takpach luratanacapa, Tatitur jach'añchapjjam, jupan apnakat orakpachan jach'ar aptapjjam. ¡Takpach chuymajjampiw Tatitur jach'añchä!

Tatitur yuspagarapjjam, sutip aytapjjam, muspharcañ luratanacapat marcanacar yatiyapjjam;

Sión kollun jaquir Tatitur k'ochupjjam, muspharcañ luratanacap marcanacar yatiyapjjam;

¡Tatitojj jach'añchatäpan! Tatitur yuspagarapjjam, munasiñanïtap laycu, qhuyapayasiñapajj wiñayawa.

ucapachaw p'ekejj waytä, muyuntir timanacajjar aynacht'ayasa. Ucapachaw utapan loktäwinac churä, cusisiñat wararï, Tatituruw cusisiñamp k'ochuraquï.

Tatituw ch'amajjajja, arjjatirejjasa: juparuw takpach chuymamp iyawsta, jupasti yanapt'ituwa. Chuymajjajj cusisitawa, Tatituruw k'ochü, yuspagararaquï.

munasiñamajj jacañat sipan juc'ampiwa, lacajjajj jumaruw k'ochütam.

ucatsti sapjjaraquïtawa: “Tatitur yuspagarapjjam, jupar art'asipjjaraquim, marcanacarusti yatiyapjjaraquim cuntejj jupajj lurqui ucanaca, amtayapjjaraquim jupajj take cunjjancatapa.

Tatitun luratanacapajj muspharcañawa, luratanacapar munirinacajj sum uñaquipapjje.

“Tatitur take chuymamampi catuyasim; juman ch'iqhi cancañamaruquejj jan alcatasimti.

Jan karjasisaw sapür jach'añchsma, chekap camächit arunacamata.

Nayajj sapa mita jakenac taypin sutim aytatäñapataquejj ch'amachasï, marcanacasti wiñayan wiñayapaw jumarojj jach'añchapjjätam.

Takpach jakenacaw nayrakataman quillt'asipjje, sutimaruw k'ochupjjaraqui” sasa.

¿Cunampirac Tatitur phokherista, nayatac asquinac luratapatsti?

Khana chuymampiw jumar jach'añchäma, chekap arsutanacam yatekcä ucapachajja.

Ucatsti Davidajj take tantachäwi jakenacan nayrakatapanwa Tatiturojj bendicïna, aqham sasa: “¡Israel awquejjana Tatit Diosapa, wiñayataquiw bendicitäyäta!

Tatay, take chuymampiw jumar yuspagaräma; angelanacan nayrakatapan jumatac k'ochurapïma.

Tata, jumätaw nayan Diosajjajja; nayajj jumaruw yupaychsma, sutimsa bendiciractwa, muspharcaña amtatanacamwa phoktajja uca laycu, ucanacasti chekapapuniwa imantasiñajjaraquiwa nayra pachanacatpacha.

Takpach chuymajjampiw Tatitur jach'añchä, takpach chuymajjampiw kollan sutip jach'ar aptä.

Diosajjay, Reyejjay, jach'aruw aptäma, wiñayaw sutim jach'añchä.

willjtanacan qhuyapayasiñamat yatiyañajj asquiwa, arumanac arsutam phokherïtamat parlañajj asquiraquiwa,

Amtasipjjam, Tatitojj Diosawa: jupaw irnokestu, jiwasanacasti jupancapjjtanwa, jupan marcapäpjjtanwa, ovej tamapäpjjaractanwa.

Cusisitäpjjapunim.

Jan inact'as orapjjam.

Tatitun arquirinacapa, jupar k'ochupjjam, kollan sutipar yuspagarapjjam;

Tatay, arsutanacam ist'asinjja, acapachanquir reyinacajj jumaruw yuspagarapjjätam;

Tatitun kollan utap puncun phokhä, ¡Jerusalén, juma taypin phokhä! ¡Tatitojj jach'añchatäpan!

Takpach jakenaca, takpach marcanaca, acapach tucuscam jaquir jakenaca: Tatitut amtasipjjam, jupar maqhatjjapjjam; nayrakatapar konkort'asipjjam.

¡Tatitojj jach'a ch'amaniwa! Diosasajj jach'añchatäñataquejj asquiwa, kollan marcapansa, kollan kollupansa.

Diosay, marcanacajj jumar yupaychapjjpan, ¡takpach marcanac jumarojj jach'añchapjjpan!

Orakpachan jaquirinaca, Tatiturojj cusisiñamp k'ochupjjam, art'asipjjam, jallallapjjam, k'ochupjjaraquim:

Yakha chekansti saraquiwa: “Take marcanaca, Tatitur yupaychapjjam, take jakenaca jupar jach'añchapjjam.”

Nayajj Tatituruw munasta, mayisitajjar ist'atap laycu;

“¡Tatitur yuspagarapjjam! ¡Sutipa yatiyapjjam! Yatiyapjjam marcanacarojj luratanacapata.

¡Israelan Tatit Diosapajj jach'añchatäpan, jichhasa, wiñayan wiñayapansa! ¡Uqhamäpan!

Tatitojj munasiñaniwa, qhuyapayasiñapajj wiñayawa, cheka cancañapasti jan tucusquiriwa.

Take acapachanquir jakenaca, Tatitur cusisit k'ochupjjam,

Jumaruw yuspagarsma, muspharcañpun nayataquejj lurtajja, ¡ucsti sumpun yatista!

Takpach marcanaca, ampar t'ajjllirasipjjam, cusisiñat art'asiñamp Diosar jach'añchapjjam:

Janchinacamjja jan jucharojj catuyasipjjamti mä cunäcaspas uqhama juch lurañataqui, jan ucasti Diosar catuyasipjjam, cunjämtejj jucharu jiwjjasina jacjjapjjtajja uqhama. Jichhasti Diosar catuyasipjjam take cuerppacha, cunatejj asquïqui uc lurañataqui.

Jutapjjam, orakcam konkort'asipjjañäni; Tatitun nayrakatapar quillt'asipjjañäni, jupaw jiwasanacarojj irnokestu.

Asqui jakenacajj jach'a cancañapar uruyapjjpan, iccasas cusisiñat k'ochupjjpan.

Diosan luratanacap uñjir jutapjjam, jaken asquipatac muspharcay luräwinacap uñjapjjam:

Nayar art'asitan ucapachajja, mayisitaparojj jaysäwa. Jupamp chicaw t'akhesiñancä, llaquisiñat irpsü, jach'aruw aptä;

Tatiturojj qhuyapayasiñapat yuspagarapjjam, jakenacatac muspharcañanac luratapata.

Yatiractanwa Diosajj jupar munirinacarojj take cunsa asquitaquiw waquicharapi qhitinacatejj jupan amtataparjam jawsatäpqui ucanacataquejja.

Tatay, lacajjajj jumar k'ochusajj cusisiniwa, juman khespiyat ajayojjas cusisiraquiniwa.

Sapüruw jach'añchäma, wiñayaw sutim jach'ar aptä.

Take jacäwejjan jach'ar aptäma, jumar art'asisaw amparanacajj aytä.

naya tokeruw jinchup alcatanitu, wiñayapuniw jupar art'asï.

Ch'aman sayt'asipjjañäni, jan pächasisa, iyawsäwisanjja cuntejj suyt'ctan ucanjja, Diosasasti phokhaniwa cuntejj arsuwayquistu ucjja.