Proverbios 3:5 - Qullan Arunaca

⁵ “Tatitur take chuymamampi catuyasim; juman ch'iqhi cancañamaruquejj jan alcatasimti.

Aymar Bibliia 1986

⁵ “Tatitur take chuymamampi catuyasim; juman ch'iqhi cancañamaruquejj jan alcatasimti.

Qullan Arunaka DC

⁵ Tatitur taqi chuymamamp katuyasim; janiy juman ch'ikhi kankañamaruk alkatamti.

Proverbios 3:5 Jak'a apnaqawi uñst'ayäwi

Esdras 8:23

Ucatwa ayunasina Diosar achict'asipjjta take ucanacata, ucatsti jupajj ist'apjjetuwa.

Job 13:15

Jupajj nayaru jiwayirjamacchini ucasa, arsusiscaquïwa, ajanuy ajanuw jupa nayrakatan arsusiraquëjja.

Salmos 125:1

Tatitur takpach chuymamp iyawsirinacajj jan onjjtcayäpjjewa; Sión kollur uñtatäpjjewa, wiñayataquiw sayt'asipjje.

Salmos 37:3

Tatiturojj take chuymamp alcatam, asc luraraquim, oraken jacasim, chekaparac jacam;

Salmos 37:5

Tatitun amparapar sarnakäwim catuyasim, jupar take chuymamp alcatam, jupasti yanapätamwa.

Salmos 37:7

Tatitun nayrakatapan amuct'am; jupan yanapap llamp'u chuymamp suyam, ñankha lurir jaken atipjatapat jan k'apisimti; ñankhanac amtir jakets janirac mayjt'asimti.

Salmos 62:8

Marcajjay, jupar take chuymamp iyawsam, chuymanacam jupar jist'arapjjam, Diosaw jiwasan imantasiñasajja.

Proverbios 22:19

Jichhüruw nayajj jumar yatiysma, Tatitur take iyawsañama uchañamataqui.

Proverbios 23:4

Jan ch'amañchasimti kamiriptañataqui; ucjjat llaquisiñjja apanucum.

Proverbios 28:26

Jan amuyt'an jakewa, jupa pachpan amuyt'aparu alcatasqui ucajja, ucampis qhititejj yatiñ cancañampi cunsa lurqui ucawa khespiyatäni.

Proverbios 3:7

Jan amuyasimti sinti yatiñanïtama; Tatitur ajjsartam, take ñankhatsa jithektam,

Isaías 12:2

Diosaw nayar khespiyirejja, juparuw iyawsta, janiw cunsa ajjsarcäti. Tatituw nayan arjjatirejjajja, nayar ch'amañchirejjasa, jupaw khespiyirejjajja.”

Jeremías 10:23

Tata, nayajj yattwa jakejj janiw alasquiti pachpa jacañapjja, janiraquiw tucuyäwipsa munañapar apnakcaspati.

Jeremías 9:23

Tatitusti siwa: “Yatiñan jakejj jani jach'a jach'a tucpati yatiñapampejja, munañanisa, janiraqui munañanïtap laycojja, ni kamiris jach'a jach'a tucpati yänacap laycojja.

Números 9:20

Kenayatejj Arust'äwi Carpa patjjan juc'a urunacaqui sayt'än ucqhajj Tatitu Diosan arsutaparojj janc'aquiw sarjjarupjjäna, ucatsti Tatitu Diosan arsutaparjamaraquiw sayt'apjjäna.

Números 9:22

Ucampis cunapachatejj kenayajj Arust'äwi Carpa patjjan pä uru, mä phajjsi, mä mara sayt'äna ucqhajj israelitanacajj sayt'apjjaraquïnwa, janiw juc'ampi sarcjjapjjänti. Ucampisa cunapachatejj kenayajj sartawayän ucqhajj jupanacajj sartawayapjjaraquïnwa.

Romanos 12:16

Jumanac taypinjja mä amtaniqui jacasipjjam. Janiraqui jach'a jach'a tucupjjamti, jan ucasti alt'at chuymani tucupjjam. Janiraqui wali yatiñanjamas tucupjjaraquimti.

Efesios 1:12

Ucjj luriwa jiwasanacajj Cristoru nayrakat iyawsapjjtan ucanacajj Diosatac jacañasataqui, jach'a ch'amanïtapat jupar yupaychañasataqui.