Proverbios 3:6 - Qullan Arunaca

⁶ Take luräwinacamanjja Tatitutjja amtasipunim, ucatsti jupajj cheka thaquinjamwa irpascätam.

Aymar Bibliia 1986

⁶ Take luräwinacamanjja Tatitutjja amtasipunim, ucatsti jupajj cheka thaquinjamwa irpascätam.

Qullan Arunaka DC

⁶ Taqi luräwinakaman Tatitut amtasipunim, jupaw chiqa thakhinjam irpaskätam.

Proverbios 3:6 Jak'a apnaqawi uñst'ayäwi

1 Crónicas 28:9

Juma Salomón munat wawajjasti, uñt'ätawa awquimana Diosaparu, ucatsti take chuymaraquiwa jupar sirvïta, uqhamarac suma amtampiraqui, Tatitusti take chuymanacjja sumwa uñji, uqhamarac yatiraqui cuna amtäwinacsa, lup'ïwinacsa. Uqhamasti jumatejj jupar thaktätajja, jupasti jumarojj jicjjatayasïtamwa, ucampis jumatejj jupat sarakäta ucajja, jupasti jumarojj wiñayataquiw jakonucütam.

Esdras 7:27

Ucatsti Esdras chachajj oracionwa luräna: “Bendicitäpan awquinacasan Tatit Diosapajja, reyiru ch'amañchatapata Jerusalenana Tatitun temploparu jach'añchatapata,

Nehemías 1:11

Nayajj mayissmawa Dios Tata, oracionajj ist'añamataqui, uqhamaraqui sirvirinacaman mayisitanacapsa, nanacasti juma sapar jach'achañacwa munapjjta. Uqhamarac mayisiracsmawa nayar atipt'ayañama, reyirusa amuyt'ayaraquim nayar ist'añapataqui” sasa.

Nehemías 2:4

Reyisti jisct'ituwa —¿Cuns jumatac luriristjja? —sasa. Ucapachasti alajjpachanquir Diosaruw mayista,

Nehemías 7:5

Ucatsti Diosaw ch'amañchitäna jilïri jakenacaru tantacht'añataqui, marca apnakerinacarusa, uqhamaraqui take jakenacajj familiacama kellkañataqui, ucatsti jicjjataractwa mä libro qhiti familianacatejj nayra purinipcäna ucan sutinacapan kellkata. Ucansti aquïrinacaw kellkatäna:

Salmos 32:8

Tatitojj situwa: “Nayranacajjajj jumaruw uñch'uquisctam, nayaw yatichascäma, nayaw amuyt'ayascäma, nayaw sarañamäqui uca thac uñachayascäma.

Proverbios 11:5

Cheka cancañajj asqui jaken thaquipjja chekaptayiwa, ucampis jucharar jakejj jupa pachpan jan wali luratap laycuw aynacht'i.

Proverbios 16:3

Take luräwinacamjja Tatitun amparapar jaytam, ucatsti amtäwinacamajj phokhasiniwa.

Proverbios 16:9

Jakejj chuymapanjja sarnakañapatwa lup'isqui, ucampis sarnakäwipjja Tatituw irpasqui.

Proverbios 23:17

Jucharar jakenacat jan envidiasimti, jan ucasti Tatiturupuni ajjsaram;

Isaías 26:7

Asqui jakenacan sarnakäwinacapajj chekapawa; Tata, jumaraquiw jupanacan thaquipsa qhusqhachtajja.

Isaías 30:21

Cupi tokeru, jan ucajj ch'eka tokerus saranucütajja, khepäjjamatsti mä aru ist'äta, saraquïtamwa: “Aca chekaw thaquejja, sarasipcaquim” sasa.

Isaías 45:13

Nayaw Cirorojj uchta atipjañapataqui, take sarnakäwinacapsti sumracwa tucuyä; jupaw marcajj-jja wasitat sayt'ayjje, jaya marcar apayatanacajjarusti khespiyat sarnakasiñ churjjani, jupanacatsti janiraquiw cuna pagsa maycaniti.” Take ch'amani Tatituw uqhamjja arsu.

Isaías 48:17

Aqham siwa khespiyiri Tatitumajja, Israelan Kollan Diosapajja: “Nayätwa Tatitu Diosamajja, nayasti cunatejj jumataquejj asquïqui ucwa yatichsma, cawqui thaquinjamtejj sarañamäqui ucanjam irparacsma.

Jeremías 10:23

Tata, nayajj yattwa jakejj janiw alasquiti pachpa jacañapjja, janiraquiw tucuyäwipsa munañapar apnakcaspati.

Jeremías 42:3

Tatitu Diosamarusti saraquim, cawqui cheksa nanacajj sarapjjä, cunsa lurapjjä ucanac toketjja —sasa.

Números 9:20

Kenayatejj Arust'äwi Carpa patjjan juc'a urunacaqui sayt'än ucqhajj Tatitu Diosan arsutaparojj janc'aquiw sarjjarupjjäna, ucatsti Tatitu Diosan arsutaparjamaraquiw sayt'apjjäna.

1 Corintios 10:31

Uqhamajj mank'apjjamsa, umapjjamsa jan ucajj cunsa lurapjjam, ucampis take cunsa Diosar jach'añchañataquiqui lurapjjam.

2 Corintios 8:16

Ucampis Diosajj yuspagaratäpan, cuna llaquisiñatejj nayan jumanacatac utjcän ucracwa Titon chuymaparojj ucharaqui.

Filipenses 4:6

Jan jumanacajj cunats llaquisipjjamti, take cunsa Diosar sapjjam oracionana, mayipjjam yuspagarapjjaraquim.

Colosenses 3:17

Cuntejj lurapjjäta, uqhamarac arsupjjäta ucanacjja Tatitun sutiparu lurapjjam, Dios Awquir yuspagarasa Jesucristo toke.

Colosenses 3:23

Cuntejj lurapjjät ucjja lurapjjam take chuymampi, Tatitutaquis lurapcasma uqhama, jan jakenacatacjamajja.

Santiago 1:5

Jumanacat maynintejj jan yatiñ cancañapajj utjcchi ucapachajj, Diosat maypan, Diosasti juparojj churaniwa. Jupasti jilarquirwa churi, qhitirus jan cuns sasaw churaraqui.

1 Samuel 30:8

Davidasti Tatituruw jisct'asiraquïna: —¿Uca lunthata jakenacarojj arctañajjati? ¿Jupanacarojj jicjjatiristti? —sasa. Tatitusti saraquïnwa: —Arctascaquim, jicjjatätawa, ucatsti preso apata jakenacsa aparanjjaraquïtawa —sasa.