Proverbios 3:6 - Qullan Arunaka DC

⁶ Taqi luräwinakaman Tatitut amtasipunim, jupaw chiqa thakhinjam irpaskätam.

Aymar Bibliia 1986

⁶ Take luräwinacamanjja Tatitutjja amtasipunim, ucatsti jupajj cheka thaquinjamwa irpascätam.

Qullan Arunaca

⁶ Take luräwinacamanjja Tatitutjja amtasipunim, ucatsti jupajj cheka thaquinjamwa irpascätam.

Proverbios 3:6 Jak'a apnaqawi uñst'ayäwi

1 Crónicas 28:9

Jumasti, Salomón, munat wawaxa, awkiman Diosapar wasitat uñt'xam, ukatsti taqi chuymampi, suma amtampirak luqtam, Tatitusti taqi amuyunakas uñt'i, jiwasan amtäwinakasa, lup'ïwinakas uñt'araki. Ukhamasti jumatix jupar thaqtätaxa, jikxatätawa, ukampis jumatix jupar apanukütaxa, jupax wiñayatakiw apanukütam.

Esdras 7:27

Uka qillqat ullarasinsti Esdrasax akham sänwa: “Awkinakasan Tatit Diosapax yupaychatäpan, reyir ch'amañchatapata, Jerusalenan Tatitun utapar jach'añchatapata,

Nehemías 1:11

Dios Tatay, achikt'assmawa, mayisitax ist'itaya, jumar yupaychañ munir luqtirinakaman achikt'asitanakapsa ist'amaya. Jumakiy reyir suma chuym churam nayar katuqañapataki, ukhamat amtäwixan sum phuqhasiñapataki” sasa.

Nehemías 2:4

Reyisti jiskt'ituwa: —¿Kunsa jumatak luriristxa? —sasa. Alaxpachankir Tatitun yanapap mayisisaw

Nehemías 7:5

Ukatsti Tatituw nayar ch'amañchitäna aytat jilïr jaqinakaru tantachañataki, marka apnaqirinakarusa, markachirinakarusa; ukhamat taqpach wila masinakan sutinakap qillqañataki. Ukatsti mä qillqata jikxatarakta, kawkïr wila masinakatix nayra purinipkäna ukan sutinakapan qillqata. Ukansti akïrinakaw qillqatäna:

Salmos 32:8

Tatitux situwa: “Nayranakaxax jumaruw uñch'ukisktam. Nayaw yatichaskäma, nayaw amuyt'ayaskäma, nayaw sarañamäki uka thakhi uñachayaskäma.

Proverbios 11:5

Chiqa kankañax aski jaqin thakhip chiqaptayi, ñanqha jaqirusti pachpa jan wali luratapaw aynacht'ayi.

Proverbios 16:3

Taqi luräwinakam Tatitun amparapar katuyam, amtäwinakamasti phuqhasiniwa.

Proverbios 16:9

Jaqix chuymapan sarnaqañapat lup'iski, ukampis Tatituw sarnaqäwip irpaski.

Proverbios 23:17

Jucharar jaqinakat jan munapayasimti, ukat sipana, axsartañ chuymamax Tatitutakïpan;

Isaías 26:7

Aski jaqinakan sarnaqäwinakapax chiqapawa; Tatay, jupanakan thakhipsa jumaw khuskhachtaxa.

Isaías 30:21

Kupi tuqiru, jan ukax ch'iqa tuqirus saranukütaxa, qhipäxamatsti mä aru ist'äta, sarakïtamwa: “Aka chiqaw thakhixa, sarasipkakim” sasa.

Isaías 45:13

Nayaw Ciro reyirux atipjañapatak uchta, thakhinakapsti sumaruw tukuyta; jupaw Jerusalén marka wasitat sayt'ayxani, Babilonia markan katuntat israelitanakarusti qullqi jan mayisaw antutxarakini.” Taqi ch'amani Tatituw ukham arsu.

Isaías 48:17

Qhispiyir Tatituma, Israelan Qullan Diosapaxa, akham siwa: “Nayätwa Tatitu Diosamaxa; nayasti kunatix jumatak askïki uk yatichsma, kawki thakhinjamtix sarañamäki ukanjam irparaksma.

Jeremías 10:23

Tatay, nayax yattwa, jaqix janiw jakañap alaskiti, janirakiw kawkir saratapsa yatiskiti.

Jeremías 42:3

Tatitu Diosamaruy achikt'arapipxita, kawki chiqsa nanakax sarapxä, kunsa lurapxä ukanak tuqita —sasa.

Números 9:20

Qinayatix mä qawqha urunakak Arust'äwi Carpa patxan qhiparkän ukkhaxa, israelitanakax Tatitun arsutaparjamaw jank'ak sarxarupxäna, sayt'apxarakïna.

1 Corintios 10:31

Ukhamasti manq'apxamsa, umapxamsa, jan ukax kunsay lurapxam, Diosar jach'achañatak lurapxam.

2 Corintios 8:16

Diosax yuspagaratäpan, kuna llakisiñatix nayan jumanakatak utjkitu ukarak Titon chuymaparux uchi.

Filipenses 4:6

Janipun kunatsa llakisipxamti, taqi kunsa Diosarupun mayisipxam, ukatsti yuspagarapxarakim.

Colosenses 3:17

Kuntix lurapkäta, arsupkäta ukkhasti, Tatit Jesusan sutipar lurapxam, Jesucristo tuqi Dios Awkir yuspagarasa.

Colosenses 3:23

Taqi kuntix lurapkäta ukkhasti, taqi chuymapin lurapxam, jan jaqinakatakjamaxa, jan ukasti, Tatiturus luqtapkasma ukham lurapxam.

Santiago 1:5

Jumanakat maynintix yatiñ kankañapax jan utjkchi ukaxa, Diosat mayispan, jupasti churaniwa; Diosax jilarkiri, jan kun kamsasaw taqinir churi.

1 Samuel 30:8

Davidasti Tatituruw jiskt'asïna: —¿Uka lunthat tama jaqinakarux arktiristti? ¿Arktasin jupanakarux jikxatiristti? —sasa. Tatitusti sänwa: —Arktaskakim, jikxatätawa, uka katuntat jaqinakarus kuttayanxarakïtawa —sasa.