Lucas 18:12 - Qullan Arunaka DC

Nayax semanan pä kutiw ayuno lurta, kuntix jikxatta ukanakat sapa tunkat maya churaraksma’ sasa.

Aymar Bibliia 1986

Nayajj semananjja pä cutiw ayunta, churaracsmawa sapa tuncat maya cuntejj jicjjatta ucanacata” sasa.

Qullan Arunaca

Nayajj semananjja pä cutiw ayunta, churaracsmawa sapa tuncat maya cuntejj jicjjatta ucanacata’ sasa.

Lucas 18:12 Jak'a apnaqawi uñst'ayäwi

2 Reyes 10:16

akham sasa: —Nayamp chik sarañäni, ukatsti Tatitur nayan taqi chuymampi munatax yatïta —sasa. Ukhamaw Jehú reyix carropat Jonadabar irpäna.

Isaías 1:15

Jumanakax wal mayisipxtaxa, amparanakam luqtasaw mayisipxtaxa, ukampis nayax janiw uñjapksmasa, ist'apkaraksmasa. ¡Jaqinak jiwayapxatamatxa, luqtapkta uka amparanakamaxa, wilampi q'añuchjatawa!

Malaquías 3:8

Nayasti jumanakarux jiskt'apxsmawa: ¿Jaqix Diosat lunthataspati? sasa. ¡Jumanakax lunthatapxistawa! ‘¿Kunanarak nanakasti jumar lunthatapxsmasti?’ sasas jiskt'asipkakistawa. ¡Jumanakax sapa tunkat maya churañanaka, waxt'äwinaka nayat lunthatapxista!

Números 18:24

Jupanakarux kuntix israelitanakax achunakapat sapa tunkat maya churapkitani ukanakxa, mä tutïkaspas ukham churta. Ukat nayax jupanakar sista: janiw israelitanak taypin uraqi katuqapkätati” sasa.

Números 23:4

Jupan uka chiqankañapkamasti, Diosaw jupar uñstäna. Ukat Balaamax Tatitur säna: —Jumar jach'añchasaw paqallqu altaranak sayt'ayta, ukatsti sapa altarxan mä vaca qallumpi, mä urqu ovejampi waxt'a luqtta —sasa.

Mateo 5:20

“Nayax sapxsmawa: Janitix sarnaqäwinakamax kamachi yatichirinakata, fariseonakat sipan askïkchi ukaxa, janiw Diosan qhapaq markapar mantapkätati.

Mateo 6:1

“Aski luräwinakamxa, jan jaqin uñjayasiñatakik lurapxamti. Ukham lurapxät ukkhasti, alaxpachankir Awkimax janiw kuna churäwsa waxt'apkätamti.

Mateo 6:16

“Kunapachatix jumanakax ayunapkäta ukkhasti, janiy k'ari chuyman jaqinakjam llakit ajan uñacht'ayapxamti, jupanakax ayunatapa jaqimp uñjayasiñatakikiw llakit ajan uñacht'ayapxi. Qhanak sapxsma, ukham luratapampix churäwip niy katuqxapxiwa.

Mateo 6:5

“Kunapachatix jumanakax Diosat mayisipkäta ukkhasti, jan k'ari chuymaninakjam mayisipxamti, jupanakax sinagoganakansa, thakhi thiyanakansa jaqinakamp uñjayasiñatakikiw sayt'at mayisipxi. Qhanak sapxsma, jupanakax churäwip niy katuqxapxiwa.

Mateo 9:14

Ukatsti Bautisir Juanan arkirinakapaw Jesusar jak'achasisin jiskt'apxäna: —Nanakampi fariseonakampix wal ayunapxta, ¿kunatarak juman yatiqirinakamasti jan ayunapxisti? —sasa.

Lucas 11:42

“¡Ay fariseonaka, kamacht'apkakïta! Jumanakax Diosarux sapa tunkat mayxa akanakat churapxtaxa: menta, ruda, taqi ch'uxñanakata, ukampis Diosan chiqa kankañapampiru, munasiñapampirux janiw yäqapktati. Ukpï lurapxañamaxa, sapa tunkat may churañ jan apanukusa.

Lucas 17:10

Jumanakasti ukhamarakiw kuntix Diosax luram sapktam ukanak tukuyasax sapxañamaxa: ‘Nanakax inamay uywatanakakïpxtwa, kunatix lurañanakaxäkän ukak lurapxta’ sasa.

Romanos 3:27

Ukhamasti, ¿kawkinkarak jaqin jach'a jach'a tukuñapasti? ¡Ukax tukusxiwa! ¿Kunjämata? Janiw kamachirjam phuqhatap laykükiti, jan ukasti iyawsatap laykuwa.

1 Corintios 1:29

Ukhamat jan khitis Diosan nayraqatapan jach'achasiskañapataki.

Gálatas 1:14

Judionakan saraparjam sarnaqañ phuqtwa, naya mita walja judionakat sipan wali chiqaparuw phuqta, nayra awkinakaxat katuqat yatichäwinak jupanakat sipan phuqharakta.

Efesios 2:9

Uksti janiw luräwinakam layku jikxatapktati, ukhamat jan khitis jach'achasiskañapataki.

1 Timoteo 4:8

Janchin jalnaqas ch'amachasiñax janchin k'umaräñapatakix askipuniwa, ukampis Tatitur chuyma katuyañatak ch'amachasiñaw taqi kunat sipan askixa, ukasti akapachan jakañatakiw yanapi, jutir pachan jakañatakisti yanaparakiwa.

1 Samuel 15:13

Ukatsti Samuelux Saúl reyin ukaruw saräna, juparusti sänwa: —Tatitux jumar jach'añchpan. Nayax Tatitun arsutanakaparux phuqxtwa —sasa.