1 Samuel 15:13 - Qullan Arunaka DC

¹³ Ukatsti Samuelux Saúl reyin ukaruw saräna, juparusti sänwa: —Tatitux jumar jach'añchpan. Nayax Tatitun arsutanakaparux phuqxtwa —sasa.

Aymar Bibliia 1986

¹³ Ucat Samuelojj Saúl reyin ucaru saräna, ucat Saúl reyejj saraquïnwa: —Tatitojj jumaru bendispan. Tatitun arsutanacapjja phokjjtwa —sasa.

Qullan Arunaca

¹³ Ucat Samuelojj Saúl reyin ucaru saräna, ucat Saúl reyejj saraquïnwa: —Tatitojj jumaru bendispan. Tatitun arsutanacapjja phokjjtwa —sasa.

1 Samuel 15:13 Jak'a apnaqawi uñst'ayäwi

Génesis 14:19

Ukatsti Abram chacharuw aka arunakampi aski waxt'äwi churäna: “Alaxpachankir Diosaw aski waxt'äwinak churätam, jupasti alaxpacha, akapacha luririwa;

Génesis 3:12

Chachasti sarakïnwa: —Nayamp chika jakañatak churkista uka warmiw uka quqan achup churitu, ukat nayax manq'antta —sasa.

2 Samuel 2:5

ukat Davidax Jabés markankirinakar jaqinak khithäna akham sapxañapataki: “Tatituw jumanakar aski waxt'äwinak churxapxätam, khuyapt'ayasiñ chuymampi Saúl reyin janchip imt'xapxatamata.

Proverbios 27:2

Janiw walïkiti juma pachpa jach'achasiñamaxa, mayninakäpan jumar jach'achirinakaxa.

Proverbios 28:13

Juchap imt'asir jaqix, janiw nayrar sarkaniti, juchap arsusisin jaytanukxani ukasti, pampachatäxaniwa.

Proverbios 30:13

Yaqhip jaqinakax jach'a jach'aw tukupxi, mayninakarusti jisk'achañampiw uñjapxi.

Proverbios 31:31

¡Taqi jaqinak nayraqatan jupar jach'añchapxam! ¡Taqi luratanakapar jach'añchapxarakim!

Lucas 17:10

Jumanakasti ukhamarakiw kuntix Diosax luram sapktam ukanak tukuyasax sapxañamaxa: ‘Nanakax inamay uywatanakakïpxtwa, kunatix lurañanakaxäkän ukak lurapxta’ sasa.

Lucas 18:11

Fariseox sayt'asisin Diosat mayisïna, akham sasa: ‘Diosaxay, yuspagarsmawa, nayax janiw yaqhanakjamäkti, lunthatasiri, jan wali jaqi, wachuq juchan sarnaqiri, janirakiw aka qullqi apthapir jaqjamäktsa.

Jueces 17:2

jupasti mä urux taykaparuw säna: —Waranqa patakan qullqi lunthatktam uka lunthatar ñanqhachir ist'sma. Nayätwa jumaru uka qullqi lunthatirixa; nayaw katuskta, jichhasti kuttayxämawa, Tatitutak yaqhachatam ist'ta, qullqimpi jawikipat mä ídolo lurayañataki. Ukat uka qullqi kuttayxäna. Taykapasti sänwa: —¡Munat wawaxay, Tatituy jumar aski waxt'äwip churpan! —sasa.

Rut 3:10

Booz chachasti sänwa: —¡Tatitux waxt'äwip jumar churpan! Jiwir chachamatakix chiqa chuymanïtam uñacht'ayista. Chacht'asiñ munasax qamirïpasa, jan utjirinïpas nayat juk'amp wayna jaqi thaqhasisamäna; ukampis janiw ukham lurktati.

1 Samuel 13:10

Saúl reyix wilañcha luqta katuyañ tukuyaskän ukapachaw Samuelux purinïna. Saúl reyisti jupar aruntiriw mistuwayäna.

1 Samuel 15:11

—Saúl chachar reyit utt'ayataxat walpun amtasta, jupasti nayat jithiqtituwa, janirakiw arsutanakaxsa phuqkiti —sasa. Uk ist'asasti Samuelux wali mayjt'asïna, uka arum paqarirakiw Tatituru achikt'asïna.

1 Samuel 15:20

Saúl reyix sarakïnwa: —Nayax Tatitun arsutanakaparux jaystwa, kuna lurañtix churkitu uksa phuqharaktwa: Amalec markan Agag reyiparus katuntasin apanirakta, amalecitanakarusti q'al tukjarakta.

1 Samuel 15:9

Ukampisa, Saúl reyimpi ejercitopampix janiw Agag reyirux jiwayapkänti, janirakiw suma ovejanaksa, urqu vacanaksa, lik'i vaca qallunaksa, urqu ovejanakapsa jiwarayapkänti, wali jila alani yänaksa t'unjapkänti, jan ukasti, juk'a alani yänakak t'unjapxäna.

1 Samuel 23:21

Saúl reyisti sarakïnwa: —¡Tatitux jumanakar jach'añchpan nayat khuyapt'ayasipxatamata!

1 Samuel 25:14

Ukampis Nabal jaqin mayni uywatapax Nabal jaqin Abigail warmipar yatiyiriw saräna akham sasa: —Davidax wasaratpach yatiyirinakarux uywirisar aruntañatak khithanïna, ukampisa jupax wal thithïna.