Lucas 18:11 - Qullan Arunaka DC

¹¹ Fariseox sayt'asisin Diosat mayisïna, akham sasa: ‘Diosaxay, yuspagarsmawa, nayax janiw yaqhanakjamäkti, lunthatasiri, jan wali jaqi, wachuq juchan sarnaqiri, janirakiw aka qullqi apthapir jaqjamäktsa.

Aymar Bibliia 1986

¹¹ Fariseojj sayt'asisin Diosat mayisïna, aqham sasa: “Oh Dios, yuspagaransmawa nayajj janiw yakhanacjamäcti, lunthata, jan wali jake, wachoka juchan sarnakeri, janiraquiw aca impuesto apthapir jakjamäctsa.

Qullan Arunaca

¹¹ Fariseojj sayt'asisin Diosat mayisïna, aqham sasa: ‘Oh Dios, yuspagaransmawa nayajj janiw yakhanacjamäcti, lunthata, jan wali jake, wachoka juchan sarnakeri, janiraquiw aca impuesto apthapir jakjamäctsa.

Lucas 18:11 Jak'a apnaqawi uñst'ayäwi

Salmos 134:1

¡Tatitun uywatanakapa! ¡Jupar jach'añchapxam, Tatitun utapan arum paqar suyirinaka, jupar jach'añchapxam!

Salmos 135:2

Tatitun utapankirinaka, Diosasan uta anqäxapankirinaka, jupar yupaychapxam.

Proverbios 20:6

Waljaniw suma aski jaqit uñt'ayasiñ munapxi, ukampis janiw khitis aski jaqix utjkiti.

Proverbios 30:12

Yaqhip jaqinakax wali q'umäpkaspas ukham amuyasipxi, ukampis juchanakan phuqhantatäsipkiwa.

Isaías 1:15

Jumanakax wal mayisipxtaxa, amparanakam luqtasaw mayisipxtaxa, ukampis nayax janiw uñjapksmasa, ist'apkaraksmasa. ¡Jaqinak jiwayapxatamatxa, luqtapkta uka amparanakamaxa, wilampi q'añuchjatawa!

Isaías 58:2

Sapüruw thaqapxitu, sarnaqäwinakax jikxatasasti k'uchikïpxiwa, mä suma askinak lurir markäpkaspas ukhama, kamachinakaxsa sumsa phuqhapkaspa ukhama; chiqa kamachinak mayipxitu, nayar jak'achasisinsti k'uchikïpxarakiwa,

Isaías 65:5

Sapxarakiwa: ‘Ukar qhiparam, jan jak'achasistati, nanakax Diosan qullan ajllit markapäpxtwa’ sasa. Uka jaqinakax uru phuqhat nakhir ninar uñtatäpxiwa; nasatsa jiwq'ipax ch'isintayarakituwa.

Jeremías 2:28

Judá, ¿kawkinkarak juman lurasit diosanakamasti? ¡Uka diosanakamax markanakar uñtat waljapuniwa! ¡Kunapachatix jan walt'añax purinkätam ukkhax jupanakay jumar qhispiyirix jutapxpan!

Jeremías 2:35

Ukampis saskaktawa: ‘Nayax janiw kuna juchanïktsa, Diosax janiw nayatakix phiñasitäkxiti’ sasa. Jichhax walikiwa, niyakixay ‘Janiw juchanïkti’ sistaxa, ukhamax mä taripäwiruw mantañäni.

Ezequiel 33:31

Ukhamaw markaxax jutasin juman nayraqataman qunt'asipxi, kunjämtix arunakam ist'añatakix lurapxirïkäna ukhama. Ukampis janiw uka arunakarjam sarnaqapkiti. Munasiña q'uchunakäkaspas ukhamak q'uchupxi, jupanakan chuymanakapasti qullqin qhipap sarañankiwa.

Miqueas 3:11

Kunatix chiqäki ukanak uñjirinakasa qullqi chilltayasipxi, sacerdotenakas qullqi laykukiw yatichapxi, profetanakasti profecía arunakapxa aljapxarakiwa; taqi akanakatxa Tatitux walikiw siskaspasa ukhama. Ukatsti sapxarakiwa: “Tatituw jiwasampïski, janiw kuna jan walis jiwasxar jutkaniti” sasa.

Mateo 10:3

Felipe, Bartolomé; Tomás, Romatak qullqi apthapir Mateo; Santiago, Alfeon yuqapa; Tadeo;

Mateo 5:20

“Nayax sapxsmawa: Janitix sarnaqäwinakamax kamachi yatichirinakata, fariseonakat sipan askïkchi ukaxa, janiw Diosan qhapaq markapar mantapkätati.

Mateo 6:5

“Kunapachatix jumanakax Diosat mayisipkäta ukkhasti, jan k'ari chuymaninakjam mayisipxamti, jupanakax sinagoganakansa, thakhi thiyanakansa jaqinakamp uñjayasiñatakikiw sayt'at mayisipxi. Qhanak sapxsma, jupanakax churäwip niy katuqxapxiwa.

Marcos 11:25

Diosat mayiskasasti, khitimpitix jan walinkapktas ukarux pampachapxam, ukhamat alaxpachankir Awkimax juchanakam pampachani.

Lucas 20:47

ukatsti ijma warminakat utanakap aparapxi, uka jan wali luratanakap imt'añatakix jach'a mayisïwinak lurapxi. Jupanakaw juk'amp jach'a mutuyäwi katuqapxani.”

Lucas 22:41

Ukat Jesusax mä qala jaqt'arjamaw saräna, ukan Diosat mayisiñatakiw killt'asïna.

Gálatas 3:10

Ukampis kamachin luräwipar alkatirinakax, ñanqhachatäpxiwa. Qillqatansti akham siwa: “Kamachin qillqatäki uka arunakarjam jan phuqhirinakax, ñanqhachatäpan” sasa.

Filipenses 3:6

kamachir phuqhañ laykusti, Diosan iglesiapar uñisiñampi arknaqirïyätwa, janiw khitis kamachi jan phuqhataxat juchañchkitaspati.

Apocalipsis 3:17

Jumax sistawa: Nayax qamirïtwa, taqi kunas sumaruw misturapitu, taqi kunan phuqt'atätwa, janiw kunas pist'kituti, sasa. Ukampis janiw amuyasktati: juman aynacht'ata juykhütama, jan kusisiñani, mich'a, q'alalarakïtama.