1 Timoteo 4:8 - Qullan Arunaka DC

⁸ Janchin jalnaqas ch'amachasiñax janchin k'umaräñapatakix askipuniwa, ukampis Tatitur chuyma katuyañatak ch'amachasiñaw taqi kunat sipan askixa, ukasti akapachan jakañatakiw yanapi, jutir pachan jakañatakisti yanaparakiwa.

Aymar Bibliia 1986

⁸ Janchin ejercicio lurañajj cunataquis asquiwa, ucampis Dios chuymäñawa juc'ampi take cunataquis asquejja, acapachan jacañataquisa uqhamarac jutiri urun jacañataquisa.

Qullan Arunaca

⁸ Janchin ejercicio lurañajj cunataquis asquiwa, ucampis Dios chuymäñawa juc'ampi take cunataquis asquejja, acapachan jacañataquisa uqhamarac jutiri urun jacañataquisa.

1 Timoteo 4:8 Jak'a apnaqawi uñst'ayäwi

Job 36:11

Jupanakatix Diosar ist'apxani, jaysapxarakini, kusisita, askimp phuqt'ataw sapür sarnaqapxani.

Salmos 145:19

Jupar arkirinakan munataparjamaw phuqhi; arnaqasitanakap ist'i, qhispiyaraki.

Salmos 37:11

Llamp'u chuymaninakax suma uraqi katuqapxani, sumankañan jakasipxani.

Salmos 37:29

Aski jaqinakax suma uraqi katuqapxani, wiñayatakiw ukan jakapxarakini.

Salmos 37:9

Ñanqha luririnakax markat jaqunukutäpxaniwa, Tatitur katuyasirinakasti suma uraqi katuqapxani.

Salmos 84:11

11 (12) Diosaw qhan churistu, imarakistu; jan kamskay askin jakirinakarux, jupaw khuyapayasiñampi, aytat kankañampi churi, Tatitux taqi kun churi.

Proverbios 19:23

Tatitur axsartañax jakañaruw irpi; kusisitakiw maynix jakasi, kuna jan walt'añansa jan t'aqhisisa.

Proverbios 22:4

Llamp'u chuymamp Tatitur axsartas sarnaqañaxa, qamir kankañampi, jach'ar aptatäñampi, jakañamp katuqañawa.

Eclesiastés 8:12

Ukhamasti jucharar jaqix walja kuti juchanak lurkasas walja maranakaw jakaski. (Nayax khitinakatix Tatitur jach'añchapki, axsarapki ukanakan sumak jakasipxatap yatiyäta;

Isaías 3:10

Ukampis aski jaqinakax kusisiñanïniwa, jupatakisti taqi kunas walikïskaniwa. Aski luratanakapatsti kusisirakiniwa.

Isaías 33:16

ukakiw chiqpachansa taqi kunat imat jakani, qarqat lurat mä suma utan samart'ani, manq'añapas jan tukuskirïniwa, umas janirakiw jupatak pist'kaniti.

Jeremías 6:20

¿Kunatakis jumanakax Sabá uraqit incienso apanirapipxista? ¿Kunatakirak jaya markanakat q'apkir alinak apanirapipxistasti? Janiw nayatakix uka luqtasitanakamax kuna askïkisa, janiw yaqha waxt'äwinakamas askïkarakiti.”

Mateo 12:32

Khititix jaqin Yuqapatak jan wal arskani ukarux pampachakiniwa; ukampis khititix Qullan Ajayur ñanqhachañatak jan wal parlkani juparux, akapachansa, khäpachansa janiw pampachatäkaniti.

Mateo 19:29

Ukatsti taqi khitinakatix naya layku jaytanukuni: utanakapa, jilanakapa, kullakanakapa, taykapa, awkipa, wawapa, uraqinakapa; jupanakax ukanakat sipan patak ukkhampi katuqapxani, ukatsti wiñay jakañ katuqapxarakini.

Mateo 6:33

Ukhamasti, nayraqatax Diosan qhapaq markap thaqhapxam, kunatix jupan nayraqatapan chiqäki ukarak lurapxam, ukatsti taqi yänakax churatakïsipkätawa.

Marcos 10:30

uka jaqix patakatsa juk'amp jila akapachan katuqxani: utanaka, jilanaka, kullakanaka, tayka, wawanaka, uraqinaka, ukanak katuqkasas uñisitaw sarnaqani; ukampis khä pachan wiñay jakañ katuqxani.

Lucas 5:38

Ukatpï chhuyu vinox machaq lip'ichit lurat wayaqar imañax wakisixa.

Romanos 8:28

Diosan jupar munirinakatak taqi kunsa askïñapatak wakichatap yattan, amtataparjam jawsatäpki ukanakataki.

1 Corintios 3:22

Pablo, Apolo, Pedro, akapacha, jakaña, jiwaña, jichhüru, jutir urunaka; taqi kunaw jumanakanki,

1 Corintios 8:8

Chiqpachansa kuntix manq'ktan ukax janiw Diosat jayarst'aykistuti; janiw manq'asati askïkañänixa, janirakiw jan manq'asas jan askïkañänitixa.

1 Timoteo 4:7

Pisi amuyun luqhi jaqin arunakaparux jan yäqamti. Jan ukasti, Jesucriston chiqpach yatiqiripäñamatak ch'amachasim.

1 Timoteo 6:3

Maynitix k'ari yatichäwinak yatichchixa, ukat janirak Tatit Jesucriston suma yatichäwinakaparusa, jiwasan ajay tuqi saräwisarus yäqkchixa,

1 Timoteo 6:5

sapa kuti jan wali amtan jaqinakamp nuwasiña, khitinakatix chiqa kankañsa jan yatipki ukanakampi, jupanakasti Tatitur iyawsañ chuymax qullqi jikxatañäkaspas ukhamak amuyapxi.

1 Timoteo 6:6

Ukampis taqi kunanïñax Dios chuymäñanak utji, kunatix utjarapkistu ukampik kusisitäsktan ukapacha.

2 Timoteo 3:5

Jupanakax Dios chuymäkaspas ukhamaw tukupxani, ukampis luräwinakapampix Diosar chiqpach arkañ apanukupxani. Uka jaqinakampix janipun chikachasimti.

Tito 3:8

Aka arunakasti chiqawa, nayax juman ch'aman sayt'asiñam munta, khitinakatix Tatitur iyawsapki ukanakan askinak lurapxañapataki. Ukanakax taqitakis sumawa, askirakiwa.

Hebreos 13:9

Jumanakasti janiy yaqha jan uñt'at yatichäwinakampix apayasipxamti. Diosan munasiñapampi chuymar ch'amañchañax juk'amp sumawa, manq'añanakxat kunayman arsutanakar phuqhañat sipana, uka arsutanakax janiw kunapachas askïkänti.

1 Juan 2:25

Chiqpachansa Jesucristox uk churañatakiw arsuwayistu: ukasti wiñay jakañawa.

Apocalipsis 3:12

Jan walt'äwinakar atipjirinakaru, nayar iyawsañ chuyma katxäsirinakarux, Diosaxan utapan katxäsir pirqanakapäkaspas ukham tukuyä, janipuniw mayampsa ukat mistkxapxaniti; ukanakaruw Diosaxan sutipsa qillqä, Diosaxan markapan sutipsa qillqarakï, ukasti alaxpachat saraqanir machaq Jerusalenawa; ukanakarusti machaq sutixsa qillqarakïwa.

Apocalipsis 3:21

Jan walt'añanakar atipjirinakarux, qhapaq qunuñaxan nayamp chik qunt'asiyä, kamisatix nayax atipjasin Awkixampi chik qhapaq qunuñapan qunt'askta ukhama.

1 Samuel 15:22

Ukat Samuelux sarakïna: “Tatitutakix arsutanakapar phuqhañaw juk'ampi sumaxa, wilañchanaka, nakt'at luqtäwinakat sipansa; arsutap phuqhaña, jupar ist'añaw sumaxa, ovej lik'inaka wilañchanak luqtañat sipansa.