Números 18:24 - Qullan Arunaka DC

²⁴ Jupanakarux kuntix israelitanakax achunakapat sapa tunkat maya churapkitani ukanakxa, mä tutïkaspas ukham churta. Ukat nayax jupanakar sista: janiw israelitanak taypin uraqi katuqapkätati” sasa.

Aymar Bibliia 1986

²⁴ Jupanacarusti churtwa cuntejj israelitanacajj achunacapat sapa tuncat maya churapcani ucanaca. Ucatwa sista janiw Israelan orakenacamajj utjcaniti” sasa.

Qullan Arunaca

²⁴ Jupanacarusti churtwa cuntejj israelitanacajj achunacapat sapa tuncat maya churapcani ucanaca. Ucatwa sista janiw Israelan orakenacamajj utjcaniti” sasa.

Números 18:24 Jak'a apnaqawi uñst'ayäwi

Nehemías 10:38

38 (39) Levitanakax sapa tunkat may apthapir sarapkani ukkhasti, Aarón chachat saraqir mä sacerdotew jupanakamp chika sararakini. Ukatsti levitanakax apthapitanakat Tatitusan utapan utjir pirwanakaparuw sapa tunkat mayäki ukan sapa tunkïrip apapxañapa.

Nehemías 13:12

Judänkirinakasti sapa tunkat maya churäwi pirwanakar apanipxäna: trigo, vino, aceite taqi ukanaka.

Levítico 27:30

“Taqi achunakata, jathanakata, quqanakan achuri achunakatsa sapa tunkat mayax Tatitunkapuniwa, jupar katuyatarakiwa.

Números 18:25

Tatitux Moisesar sarakïnwa:

Números 18:26

“Levitanakarux akham sätawa: Israelitanakan achunakapata, sapa tunkat maya katuqapkan ukapachaxa, ukanakat sapa tunkat maya yaqhachapxpan nayar luqtañataki.

Números 26:62

Leví chachat saraqir taqpach yuqall wawanakapax mä phaxsinit amstarux, pä tunka kimsan waranqanïnwa. Jupanakasti janiw israelitanak taypin jakhutäkänti, uraqix jupanakar jan churatätap layku.

Deuteronomio 10:9

ukat Leví ayllunkirinakax jilanakap taypin jan uraqinïpkiti, jupanakan katuqäwipax Tatituwa, kamisatix Tatitux arskäna ukhamarjama.

Deuteronomio 26:12

“Sapa kimsa maraw taqpach achunakamat sapa tunkat maya apaqäta, ukatsti uka achunakat levitanakaruw churäta, jumanak taypin jakir yaqha markat jutir jaqinakaru, wajchanakaru, ijmanakarus churarakïta. Ukhamat markanakaman jan khitis manq'atjam t'aqhiskaniti.

Josué 13:14

Moisesax janiw Leví ayllunkirinakarux uraqinak churkänti, jupanakatakisti kawkïri waxt'äwinakatix Israelan Tatitu Diosan sutipxaru nakt'ayata luqtatäki ukanakäñapänwa, kunjämtix jupa kipka arsuwaykäna ukarjama.