Lucas 11:42 - Qullan Arunaka DC

⁴² “¡Ay fariseonaka, kamacht'apkakïta! Jumanakax Diosarux sapa tunkat mayxa akanakat churapxtaxa: menta, ruda, taqi ch'uxñanakata, ukampis Diosan chiqa kankañapampiru, munasiñapampirux janiw yäqapktati. Ukpï lurapxañamaxa, sapa tunkat may churañ jan apanukusa.

Aymar Bibliia 1986

⁴² “¡Ay, camachapcaquïta fariseonaca! Jumanacajj Diosarojj diezmjja churapjjtawa acanacata: menta, ruda, take ch'ojjñanacata, ucampis Diosan cheka cancañapampi, munasiñapampjja janiw yäkapctati. Acaw lurañanacamajja maya lurañanac jan apanucusa.

Qullan Arunaca

⁴² “¡Ay, camachapcaquïta fariseonaca! Jumanacajj Diosarojj diezmjja churapjjtawa acanacata: menta, ruda, take ch'ojjñanacata, ucampis Diosan cheka cancañapampi, munasiñapampjja janiw yäkapctati. Acaw lurañanacamajja maya lurañanac jan apanucusa.

Lucas 11:42 Jak'a apnaqawi uñst'ayäwi

Nehemías 10:37

37 (38) Tatitusan utapan utjir pirwanakapatakisti nayrïr trigo achut lurat jak'u, taqi quqanakan nayrïr achunakapata, nayrïri vinota, nayrïr aceitet apañatakiw amtasipxarakta, taqi ukanaksti sacerdotenakar churañataki, ukatsti yapunakaxat achur juyranakat sapa tunkat maya, levitanakatak apañataki, jupanakaw taqi yapunakat sapa tunkat mayäki ukanak apthapirixa.

Proverbios 21:3

Wilañchanaka, waxt'äwinak katuqañat sipana, Tatitutakix chiqa kankañamp uñjaña, axsartañ chuymamp sarnaqañaw juk'amp askixa.

Eclesiastés 7:18

Uk katthapiñax askiwa, amparat jan antutjasa. Khititix Tatitur axsarki ukaxa, taqi kunansa askiruw mistsuni.

Miqueas 6:8

Tatitux niyaw sistam, kunsa lurasma askïñatakixa, kunsa jupax jumat suyixa: askïñama, taqinirus chiqap uñjañam muni, Tatit Diosamarus alt'at chuymamampi yupaychañama.

Malaquías 1:6

Taqi ch'aman Tatitux sacerdotenakar akham siwa: “Wawanakax awkinakapar waqaychapxiwa, uywatanakas uywirinakaparux yäqapxarakiwa. Nayatix jumanakan awkimästa ukasti ¿kunatarak nayar jan waqaychapxistasti? Nayatix jumanakan uywirimästa ukasti, ¿kunatarak nayar jan yäqapxistasti? Jumanakax nayar jisk'achapxistawa, yatkasas sasipkakistawa: ‘¿Kun lurasarak nanakasti jumar jisk'achapxsmasti?’ sasa.

Malaquías 2:17

Tatitux jumanakan arunakam isch'ukkäwix qaritäxiwa; jumanakasti jiskhisisipkaktawa: “¿Kunarak jiwasasti parltan jiwasar isch'ukkäwi qarjasiñapatakisti?” sasa. Jumanakasti sapxtawa: “Jan wali lurir jaqinakax Tatitutakix walikïskiwa, ukanakampix kusisikiwa” sasa; ukatsti arusipxaraktawa: “¿kawkinkarak chiqapar uñjir Diosasti?” sasa.

Malaquías 3:8

Nayasti jumanakarux jiskt'apxsmawa: ¿Jaqix Diosat lunthataspati? sasa. ¡Jumanakax lunthatapxistawa! ‘¿Kunanarak nanakasti jumar lunthatapxsmasti?’ sasas jiskt'asipkakistawa. ¡Jumanakax sapa tunkat maya churañanaka, waxt'äwinaka nayat lunthatapxista!

Mateo 23:13

“¡Kamachi yatichirinaka, fariseonaka, k'ari chuymaninaka; kamacht'apkakïta!, jumanakasti yaqhanakan jan mantañapatak alaxpach punku jist'antapxtaxa; janiw jumanakas mantapktati, janirakiw yaqhanakarus mantayapktati.

Mateo 23:23

“¡Kamachi yatichirinaka, fariseonaka, k'ari chuymaninaka; kamacht'apkakïta!, jumanakax menta, anís, comino uka achunakat sapa tunkat maya churapxtaxa, ukampis kamachin yatichäwiparux janiw yäqapktati: chiqapar uñjaña, khuyapayasiña, chiqpach jaqïña. Ukanak lurapxañamaw wakisixa, jan mayanak lurañ jaytanukusa.

Mateo 23:27

“¡Kamachi yatichirinaka, fariseonaka, k'ari chuymaninaka; kamacht'apkakïta!, jumanakax anqäxatxa, janq'u suma k'achachat amay imäwir uñtatäpxtawa; ukampis chuymanakamax jiwatanakan thujsantat ch'akhanakampi phuqhantatäpxtawa.

Lucas 18:12

Nayax semanan pä kutiw ayuno lurta, kuntix jikxatta ukanakat sapa tunkat maya churaraksma’ sasa.

Juan 5:42

Ukhamarus nayax jumanakar uñt'apxsmawa, Diosar jan munatanakamsa yatiraktwa.

1 Juan 4:20

Ukampis maynitix saspa: “Nayax Diosaruw munasta” sasa, ukat jilapar uñisiskarakchi ukax k'ari jaqïskiwa. Maynitix jilapar uñjkasin jan munaskchixa, ¿kunjämarak Diosar jan uñjkas munasispasti?

1 Samuel 15:22

Ukat Samuelux sarakïna: “Tatitutakix arsutanakapar phuqhañaw juk'ampi sumaxa, wilañchanaka, nakt'at luqtäwinakat sipansa; arsutap phuqhaña, jupar ist'añaw sumaxa, ovej lik'inaka wilañchanak luqtañat sipansa.