Lucas 11:41 - Qullan Arunaka DC

⁴¹ Jumanakax chuymanakamatay churäwinakam luqtapxamxa, ukhamat taqpachax q'umäxani.

Aymar Bibliia 1986

⁴¹ Jumanacajj chuymanacamatay limosnanacamjj churapjjamjja, uqhamanwa takpachajj k'omäjjanejja.

Qullan Arunaca

⁴¹ Jumanacajj chuymanacamatay limosnanacamjj churapjjamjja, uqhamanwa takpachajj k'omäjjanejja.

Lucas 11:41 Jak'a apnaqawi uñst'ayäwi

Salmos 112:9

Jan kunan jaqinakaruw churäwinak waxt'i, jaqir khuyapt'ayañapax jan tukuskiriwa, jan khitin kamskañaw p'iqip wayti.

Salmos 41:1

1 (2) Jan kunan jaqimpiru, pisi ch'aman jaqimpir uñjir jaqix kusisiñaniwa; Tatituw jan walt'añ urunakan juparux qhispiyani.

Proverbios 14:31

Jan kunan jaqir t'aqhisiyirix Diosaparuw jisk'achaski, pist'añan sarnaqir jaqit khuyapayasiristi Tatituruw jach'ar aptaski.

Proverbios 16:6

Munasiñampi, chiqa kankañampiw jucha luratarux pampachi; Tatitur axsaratap laykuw jaqix ñanqhat jithiqti.

Proverbios 19:17

Jan kunan jaqir mayt'irix Tatituruw mayt'aski, Tatit pachpaw uka manu phuqxani.

Daniel (hebreo) 4:27

27 (24) Ukhamïpansti, reyixay, kuntix iwxkäma ukarux jaysitaya: taqi kuns chiqaparupun uñjam, janirak juk'amp juchachaskxamti, ñanqha luräwinakam apanukum, jan kunaninakar yanapt'arakim. Inas ukhamat juma reyix sumankañampina, qamir kankañampin jakaskakchisma’ ” sasa.

Mateo 26:11

T'aqhin jakirinakax jumanak taypin utjapuniniwa, ukampis nayax janiw jumanakampipunïkäti.

Mateo 5:42

Mä kunsa maynix mayïtam ukarux churam; jumat mayt'asiñ muniritakisti, jan maysa uñtamti.

Marcos 7:19

Kuntix manq'antki ukax janiw chuymapar mantkiti, jan ukasti purakaparuw manti, ukatsti mistxarakiwa —sasa. Ukham sasin Jesusax taqi manq'an q'umätap yatiyäna.

Lucas 12:33

Kunatix utjapktam uk aljapxam, ukatsti jan kunanïpki ukanakar churxapxam; ukhamat jan mirq'isir wayaqanak lurasipxäta, alaxpachansti jan tukuskir yänak imasipxäta, kawkhantix lunthatas jan apskani, kharus janirak kharuntkani ukkharu.

Lucas 16:9

“Nayasti iwxt'apxsmawa, akapach yänak sum apnaqapxam masinak jikxatañataki, kunapachatix ukham lurañax tukusxanixa, Diosaw jumanakar wiñay jakañ utar katuqxapxätam.

Lucas 18:22

Jesusax uk ist'asin sänwa: —Ukampis may jan phuqktati: taqi kunatix utjktam ukanak aljaram, ukatsti jan kunaninakar churam, ukapachaw qamir kankañamax alaxpachan utjätam, ukatsti nayar arkita —sasa.

Lucas 19:8

Ukatsti Zaqueox sayt'asisin Tatiturux säna: —Tatay, yänakaxat chikatpach jan kunaninakar churxä; maynirutix lunthatsta ukarux, pusi ukkhampi kuttayxä —sasa.

Hechos 10:15

Uka arusti wasitat jupar arxayani, sarakiwa: “Kuntix Diosax q'umachki ukaruxa, jan jumax samti: q'añuwa” sasa.

Hechos 11:29

Ukat Antioquiankir iyawsirinakax Judea uraqin jakir jilatanakar mä yanap apayañ amtapxäna, sapa maynin utjataparjama.

Hechos 24:17

“Mä qawqha maranak yaqha markanakan sarnaqasinsti, markaxaruw kutt'xta, jan kunaninakar qullqi churiri, Tatitur waxt'äwinak luqtiri.

2 Corintios 8:12

Maynitix taqi chuyma churañ munchi ukaxa, Diosax churirin utjiripatjam katuqi. Jupax janiw kunsa maykiti, maynin jan utjkchi ukkhaxa.

Efesios 4:28

Lunthatasirix jan juk'ampi lunthataspati, jan ukasti amparapampi irnaqañar uchaspan, ukhamat jan kunaninakar yanapt'añatakis utjarapini.

Tito 1:15

Khitinakatix Tatit Jesucristor jaysapki ukanakatakix taqi kunas sumawa, ukampis jupar jan jaysapki ukanakatakix taqi kunas janiw walïkiti, jupanakax kunatix jan walïki ukak lup'isipki, amuyunakapana, chuymanakapan q'añütap layku.

Hebreos 13:16

Jumanakasti mayninakar aski lurañsa, kunatix utjapktam uk mayninakampi jaljasiñsa jan armasipxamti; uka luräwinakaw Diosarux kusisiyi.

Hebreos 6:10

Diosax chiqapar uñjiriwa, kuntix jumanakax lurapkta ukat janiw armaskaniti, qullan markankir jilatanakar munasiñ uñacht'ayatamatsa, yanapt'atamatsa, jichhakamas ukham lurasipkaktawa.

Santiago 1:27

Dios Awkir q'uma chuymampi arkañax akanakawa: Wajchanakaru, ijmanakaru, llakitanakar yanapt'aña, ukatsti akapach q'añu lurañanakampix janirak q'añuchasiña ukawa.