Mateo 6:16 - Qullan Arunaka DC

¹⁶ “Kunapachatix jumanakax ayunapkäta ukkhasti, janiy k'ari chuyman jaqinakjam llakit ajan uñacht'ayapxamti, jupanakax ayunatapa jaqimp uñjayasiñatakikiw llakit ajan uñacht'ayapxi. Qhanak sapxsma, ukham luratapampix churäwip niy katuqxapxiwa.

Aymar Bibliia 1986

¹⁶ “Cunapachatejj jumanacajj ayunapcäta ucqhajja, jan llaquit ajanuni sarnakapjjamti, cunjamtï uca c'ari chuymaninacajj lurapqui uqhamjja. Ucjja jupanacajj lurapjjewa jakenacan: “Ayunascataynaw” sayasiñataquiqui. Khanacwa sapjjsma, uca luratapatjja catokjjapjjewa.

Qullan Arunaca

¹⁶ “Cunapachatejj jumanacajj ayunapcäta ucqhajja, jan llaquit ajanuni sarnakapjjamti, cunjamtï uca c'ari chuymaninacajj lurapqui uqhamjja. Ucjja jupanacajj lurapjjewa jakenacan: ‘Ayunascataynaw’ sayasiñataquiqui. Khanacwa sapjjsma, uca luratapatjja catokjjapjjewa.

Mateo 6:16 Jak'a apnaqawi uñst'ayäwi

2 Samuel 12:16

Ukapachaw Davidax wawatak Tatitur achikt'asïna, janiw kuns manq'känti, arumanakasti uraqir jipt'ataw qhantatïna.

2 Samuel 12:21

Jilïr jaqinakapasti jupar jiskt'apxänwa: —¿Jach'a rey, kunatarak ukham lurtasti? Wawax jakkäna ukkhasti, jumax janiw manq'käyätati, uka wawamat jacharakïyätawa; jichhasti wawa jiwxipan ¡sartasin manq'añaruw uchastaxa! —sasa.

1 Reyes 21:27

Ahab reyisti Eliasan taqi uka arunakap ist'asinxa, isip ch'iyanuqasïna, ukatsti chhankha isinak uchasisin ayuno luräna. Uka isimpiw ikïna, wali llakitaw sarnaqarakïna.

Nehemías 1:4

Uka arunak ist'asasti qunt'asisin jachta, mä qawqha urunakaw wali llakt'at jikxatasïyäta, ayuno lurasa, alaxpachankir Tatitut mayisisaraki.

Ester (hebreo) 4:16

“Saram, Susa markankir taqi judionakar tantachthapim, ukatsti, nayatak ayuno lurapxpan, kimsa urumpi, kimsa arumampix jan kuns manq'apxpati, janirak kuns umapxpati. Nayampi, nayar luqtir uywatanakampisti uka kipkarak lurapxä; uka qhipat reyimp parlirix sarä, ukham lurasax kamachi p'akintañaxächin ukasa. Jiwayapxitan ukasti, jiwayasipkakitpan” sasa.

Salmos 109:24

Manq'atjamaw qunqurinakaxax khathati; manq'atjamasti t'ukharnukstaraktwa.

Salmos 35:13

jupanakar usuntir uñjasaxa, walpun jupanakat llakisïyäta, khankha isimpi isthapisisaw ayuno luräyäta, chuyma manqhixansti, Tatituruw mayirapïyäta.

Salmos 69:10

10 (11) Llakisiñat jan manq'kta ukkhaxa, nayat larusipxitu;

Daniel (hebreo) 9:3

Nayasti Tatitu Dios tuqiruw uñtta jupar mayisisa, achikt'asisa, ayuno lurasa, chhankha isinakamp uchasisa, qhillar qunusaraki.

Malaquías 3:14

Jumanakax akanak sapxtaxa: ‘Diosar arkañax inamayakiwa. ¿Kunaraki jiwasasti apsuñäni jupan arunakaparjam sarnaqasasti, taqi ch'aman Tatit nayraqatan llakt'at sarnaqasasa?

Mateo 6:1

“Aski luräwinakamxa, jan jaqin uñjayasiñatakik lurapxamti. Ukham lurapxät ukkhasti, alaxpachankir Awkimax janiw kuna churäwsa waxt'apkätamti.

Mateo 6:2

“Jumatix pist'ayasitanakar yanapt'äta ukaxa, jaqinakarux jan yatiyamti, kunjämtix k'ari chuymaninakax sinagoganakana, thakhinakan lurapki ukhama. Jupanakax jaqinak nayraqatan wali sumat uñt'atäñ munapxi. Nayasti qhanpun sapxsma, ukham luratapat niy katuqxapxiwa.

Mateo 6:5

“Kunapachatix jumanakax Diosat mayisipkäta ukkhasti, jan k'ari chuymaninakjam mayisipxamti, jupanakax sinagoganakansa, thakhi thiyanakansa jaqinakamp uñjayasiñatakikiw sayt'at mayisipxi. Qhanak sapxsma, jupanakax churäwip niy katuqxapxiwa.

Marcos 2:18

Kunapachatix Bautisir Juanan arkirinakapasa, fariseonakan arkirinakapas ayunasipkäna ukkhaxa, yaqhip jaqinakax Jesusar jiskt'iriw jutapxäna: —¿Kunatarak yatiqirinakamasti jan ayunapkisti, kunjämatix Juanampin fariseonakampin yatiqirinakapax ayunapki ukhamsti? —sasa.

Lucas 18:12

Nayax semanan pä kutiw ayuno lurta, kuntix jikxatta ukanakat sapa tunkat maya churaraksma’ sasa.

Lucas 2:37

jichhasti uka ijma Anax, kimsaqallqu tunka pusin maranïxänwa. Jupasti Tatitun utapat janipuniw misturïkänti, jan ukasti uruy arumaw Tatitur luqtasirïna, ayuno lurasa, Diosat mayisisa.

Hechos 10:30

Corneliosti sänwa: —Nayax utaxan niya chika jayp'u tuqiw Tatitur mayisiskäyäta, ukat akarux pusürüxiwa, ukapachasti akatjamat qhankir isin mä chachax nayar uñstitu.

Hechos 14:23

Sapa iglesian jilïr irpirinak utt'ayawayapxäna, ukatsti Tatitur mayisa, ayuno lurasinxa, jupanakarux iyawsapkän uka Tatituruw katuyapxarakïna.

1 Corintios 7:5

Ukalayku, jan jumanak purax “janiw” sasipxamti, wakischi ukax arust'asipxam mä juk'a pacha jan jak'asiñataki, uka urunakan Diosat mayisiñataki. Uka qhipatsti wakisiw mayachasipxañama; inampis maynix janchipar jan atipirjamäsax, Supayax juchar puriychispa.

2 Corintios 11:27

Walja kutiw irnaqäwinakan jan walt'añanakan uñjasta; walja kutiw jan ikin uñjasta; manq'atsa awtjata umatsa pharjataw sarnaqta; walja kutiw jan manq'atäkti; thayansa thayjata, isitsa jalstataw sarnaqta.

2 Corintios 6:5

Jawq'jasin carcelar uskuntapxitu, jaqinakan uxutanakap taypin usuchjapxitu, wali ch'ama tukusaw irnaqapxta, jan ikini, jan manq'atarakiw sarnaqapxta.