Lucas 18:13 - Qullan Arunaka DC

¹³ Ukampis qullqi apthapirix jayarukiw qhiparäna, janirakiw alaxpachar uñtañsa munkänti, jan ukasti jupapachaw chuymap liq'isïna, akham sasa: ‘¡Diosaxay, naya juchararat khuyapayasita!’ sasa.

Aymar Bibliia 1986

¹³ Ucampis impuesto cobrirejj jayaruwa kheparjjäna, janiraquiw alajjpachar uñtañs muncänti, jan ucasti jupapachaquiw chuymap lek'esïna, saraquïnwa: “Oh Dios, naya juchararat qhuyapayasita” sasa.

Qullan Arunaca

¹³ Ucampis impuesto cobrirejj jayaruwa kheparjjäna, janiraquiw alajjpachar uñtañs muncänti, jan ucasti jupapachaquiw chuymap lek'esïna, saraquïnwa: ‘Oh Dios, naya juchararat qhuyapayasita’ sasa.

Lucas 18:13 Jak'a apnaqawi uñst'ayäwi

2 Samuel 12:13

Davidasti Natán nayraqatan juchanïtap uñt'asïna, sarakïnwa: —Nayax Tatit nayraqatan jucha lurta —sasa. Natanasti ukxaruw sarakïna: —Tatitux janiw juchamat mutuykätamti, janiw jiwkarakïtasa.

2 Crónicas 33:19

Jupan mayisitapampi, ist'ayasitapampi, jucha luratanakapasa, jan wali sarnaqatanakapasa, qullu patanakan yaqha diosanakatak yupaychañ utanak lurayatapasa, kawkharutix Astarté diosaru, yaqha diosanaksa uchkäna, Diosapatak janïr jisk'ar tukkasa ukkha, taqi ukanakax profetanakapan sarnaqäwipan qillqatawa.

2 Crónicas 33:23

Ukampis jupax janiw Tatit nayraqatan jisk'ar tukt'känti, kamisatix Manasés awkipax jisk'ar tukt'käna ukhama, jan ukasti juk'ampiw juch luräna.

Esdras 9:6

jupar sarakta: “Tatituxay, Tatituxay, nayax wali p'inqasitätwa, chuymaw chhaqtarakitu, janiw kunjämsa jumamp parlirjamäkti. Nanakan jucha luratanakaxax sintipuniw utjapxitu, juchanakaxas alaxpachkamarakiw puri.

Job 42:6

Ukatpï jichhax laq'a taypina, qhilla taypin qunt'ata taqi arsutanakaxat chuym liq'istxa.

Salmos 106:6

Nayra awkinakaxar uñtataw jucha lurapxta; kunayman ñanqhanaka, juchanak lurapxta.

Salmos 119:41

Tatay, khuyapayasiñamay uñacht'ayita, qhispiyäwimax arsutamarjamay purinitpan.

Salmos 130:7

ukhamay Israel marka, Tatiturux suyt'am, khuyapayasiñasa, qhispiyasiñasa Tatitunak utji.

Salmos 25:11

Tatay, juchanakaxax waljapuniwa; sutiman jach'ätap laykuy pampacht'ita.

Salmos 25:7

janikiy jucha luratanakaxat amtasimti, janirak wayna kankañaxan ñanqha luratanakaxatsa amtasimti. Tatay, khuyapayasiñam laykuy nayat amtasita, munasiñam laykuy amtasita.

Salmos 40:12

12 (13) Walja llakinakaw muyuntitu, jan jakht'kay llakinakaw muyuntitu. Pachpa juchanakaxaw katuntitu; ¡juykhur uñtataw jikxatasta! P'iqi ñik'utaxat sipan juk'amp jilawa, ch'amas pist'xarakituwa.

Salmos 41:4

4 (5) Nayax jupar sistwa: “Tatay, nayat khuyapt'ayasita, juch lurkta ukasa, k'umaracht'asita” sasa.

Éxodo 33:10

Jaqinakasti Carpa mantañar qinayan sayt'ipanxa, sapa mayniw carpanakap punkun killt'asis Diosar yupaychapxäna.

Isaías 1:18

Tatitusti siwa: “Jutapxam, uka jan wali luratanakamat parlapxañäni. Juchanakamax wila samir uñtatäkchinisa, nayax khunjam janq'uruw tukuyä; ch'iyar wila isir uñtatäkchinisa, nayax janq'u t'arwar uñtat tukuyä.

Isaías 6:5

Nayasti sarakïyätwa: “¡Ay, kunakïkan nayatakixa, jichhax jiwapunïwa! Nayraxampiw taqi ch'amani Tatitu Reyirux uñjta, nayasti jucharar jaqïtwa, jucharar jaqinak taypin jakarakta” sasa.

Isaías 66:2

¡Taqi akanak nayaw amparaxamp lurta, taqi kunas nayankiwa! Naya Tatituw uk arsta. “Kawkïr jaqirutix nayax uñtkta ukaxa, jan kunani, llakt'at sarnaqki, arunakaxsa sum phuqkaraki uka jaqiwa.

Ezequiel 16:63

Jumasti amtasisax wal p'inqasïta, jisk'achjataw amuyasïta, janiw arsuskarakïtasa, nayax jumar uka jan wali luratanakam pampachkäma ukapachaxa. Naya, Tatituw uk arsta.’ ”

Daniel (hebreo) 9:5

Nanakax juchachasipxtwa, ñanqhanak lurapxarakta; kunatix jan walïki uk lurapxta; jumar jan yäqasaw jakapxta; kamachi arunakamsa, arsutanakamsa apanukupxaraktwa.

Mateo 10:3

Felipe, Bartolomé; Tomás, Romatak qullqi apthapir Mateo; Santiago, Alfeon yuqapa; Tadeo;

Mateo 6:5

“Kunapachatix jumanakax Diosat mayisipkäta ukkhasti, jan k'ari chuymaninakjam mayisipxamti, jupanakax sinagoganakansa, thakhi thiyanakansa jaqinakamp uñjayasiñatakikiw sayt'at mayisipxi. Qhanak sapxsma, jupanakax churäwip niy katuqxapxiwa.

Mateo 9:13

Sarapxam, ukatsti kuntix aka arsüwix sañ munki uk amuyt'anipxam: ‘Nayax jumanakan khuyapt'ayasirïpxañam munta, janiw luqtanak munkti’. Janiw aski jaqinakar jawsir jutkti, jan ukasti juchararanakar jawsiriw jutta —sasa.

Marcos 11:25

Diosat mayiskasasti, khitimpitix jan walinkapktas ukarux pampachapxam, ukhamat alaxpachankir Awkimax juchanakam pampachani.

Lucas 17:12

Mä jisk'a markar purkipansti, lepra usun tunka jaqinakaw jupar jikxatir mistunipxäna, jupanakasti jaya chiqawjar sayt'asisaw

Lucas 22:41

Ukat Jesusax mä qala jaqt'arjamaw saräna, ukan Diosat mayisiñatakiw killt'asïna.

Lucas 23:48

Taqi khitinakatix ukanak uñjapkän uka jaqinakax chuymap liq'isisaw ukawjat sarxapxäna.

Lucas 5:8

Uk uñjasinsti, Simón Pedrox Jesusan nayraqatapar killt'asisin säna: —¡Tatay, nayat jithiqtita, jucharar jaqïtwa! —sasa.

Hechos 2:37

Uka arunak ist'asinsti, ukawjan tantachat jaqinakax chuymanakapan wali llakt'ataw uñjasipxäna. Ukat Pedrompiru, mayni apostolunakampir jiskt'asipxäna: —Jilatanaka, ¿kuns lurapxiristxa? —sasa.

Romanos 5:8

Ukampis Diosax munasiñap uñacht'ayistu, kunapachatix jucharar uñjaskäyätan ukkhaw Cristox jiwasanak layku jiwawayi.

2 Corintios 7:11

Jumanakan llakisitamax Diosan munañaparjamänwa, ¡kunanaktix utjayki uk uñjapxam! Jumanakarux wal amuytatayapxtam, ukatsti nayar arxatañ chuym churapxtam; q'apisiyapxtamwa, axsarañ chuyma utjayapxaraktam. Ukatsti nayar uñjañ munapxarakïyätaxa, nayat arxatasisasti juchanirux mutuyapxtawa. Taqi ukanakampisti jumanakan jan kuna juchanïpxatam uñacht'ayi.

1 Timoteo 1:15

Ukax chiqäskapuniwa, taqiniw iyawsapxañapa: Cristo Jesusax aka uraqirux juchararanakar qhispiyiriw juti, jupanakatsti nayaw nayrïrïtxa.

Hebreos 4:16

Ukhamasti munasir Dios Awkisarux iyawsañasampi jak'achasiñäni, jiwasat khuyapt'ayasiñapataki, munasiñapan wakisir urun yanapt'añapataki.

Hebreos 8:12

Nayaw ñanqha luratanakap pampachä, janirakiw juchanakapat mayampsa amtaskxäti” sasa.