Lucas 18:14 - Qullan Arunaka DC

¹⁴ Nayax sapxsmawa, aka qullqi apthapiriw utaparux juchapat Diosan pampachat kuttawayxäna; fariseosti janiwa. Jupa pachpa jach'achasirixa, jan yäqataw uñjasini, jan yäqat sarnaqiristi, jach'ar aptatäniwa.”

Aymar Bibliia 1986

¹⁴ Sapjjsmawa, aca impuesto cobririw Diosan perdonata utaparojj cuttawayjjäna; fariseosti janiwa. Qhititejj jach'a jach'a tucqui ucajja, jisc'ar tucuyatäniwa, jisc'ar tucqui ucasti jach'ar aptatäniwa.

Qullan Arunaca

¹⁴ Sapjjsmawa, aca impuesto cobririw Diosan perdonata utaparojj cuttawayjjäna; fariseosti janiwa. Qhititejj jach'a jach'a tucqui ucajja, jisc'ar tucuyatäniwa, jisc'ar tucqui ucasti jach'ar aptatäniwa.”

Lucas 18:14 Jak'a apnaqawi uñst'ayäwi

Job 22:29

Diosax jach'a jach'a tukurirux jisk'achiwa, alt'at chuymanirusti jach'añcharakiwa.

Job 25:4

¡Dios nayraqatanxa, janiw khitis q'umätwa siskaspati!

Job 9:20

Nayax qawqha aski chiqa jaqïkirista ukasa, jupax nayar juchanitakpun mistuyaskitaspa.

Salmos 138:6

Tatitux alaxpachankchi ukasa, llamp'u chuyman jaqirux uñtaniwa, jach'a jach'a tukur jaqirusti jayat uñt'i.

Salmos 143:2

Janikiy uywatamarux juchañchamti, nayraqataman janiw khitis askïkiti.

Éxodo 18:11

Tatitux jumanakar ukataq t'aqhisiñat qhispiyapxtam egipcionakan jach'a jach'a tukuñampi apnaqatäñata. ¡Jichhax yattwa, Israelan Diosapax taqi diosanakat sipansa wali ch'amaniwa! —sasa.

Proverbios 15:33

Tatitur axsartañax yatiñ kankañ utjayi; jach'añchäwinak katuqañatakisti, nayraqatax llamp'u chuymanïñawa.

Proverbios 18:12

Jach'a jach'a tukuñax, aynacht'añawa; llamp'u chuyma tukuñasti, jach'ar aptatäñawa.

Proverbios 25:7

“Akkhar qunt'asim” satäñax juk'amp askiwa, aytat jaqinak nayräxan p'inqachat uñjasiñat sipana. Kuntix nayramamp uñjkäta ukxa,

Proverbios 29:23

Jach'a jach'a tukurix jisk'achataw uñjasini, llamp'u chuymanisti jach'ar aptatäniwa.

Proverbios 3:34

Tatitux sawkasir jaqinakat sawkasiwa, alt'at chuyman jaqinakarusti khuyapayasiñampiw uñji.

Eclesiastés 9:7

T'ant'amsti kusisiñamp manq'asim, vinomsa kusisiñampirak umt'asim, juman luratanakamax Tatiturux kusisiyiwa.

Isaías 45:25

Nayïpan taqi Israel markax atipjani, nayankatapatsti wal kusisirakini.”

Isaías 53:11

Ukham sinti t'aqhisitapatsti, ukapachaw Tatitur jaysañan askïtap yatini; Tatitun chiqa luqtiripasti waljaniruw qhispiyani, jupanakan juchanakapsti juparakiw apxani.

Isaías 57:15

Alaxpachankir Tatitu, khititix wiñayatak jakki, sutipasti qullanäkaraki, ukax akham siwa: “Nayax alay qullan chiqan jakta, ukampis khititix alt'at chuymani, llakt'ata sarnaqki ukarux ch'amañcharaktwa.

Isaías 66:2

¡Taqi akanak nayaw amparaxamp lurta, taqi kunas nayankiwa! Naya Tatituw uk arsta. “Kawkïr jaqirutix nayax uñtkta ukaxa, jan kunani, llakt'at sarnaqki, arunakaxsa sum phuqkaraki uka jaqiwa.

Daniel (hebreo) 4:37

37 (34) “Ukat jichhaxa, naya, Nabucodonosor reyix alaxpachankir Reyiru yupaychta, jach'añchta, waqaycharakta, jupan luräwinakapax chiqapapuniwa, jach'a jach'a tukurinakarusti jisk'achjarakiwa.”

Habacuc 2:4

Kunatix qillqañamäki ukax akawa: ‘Ñanqha jaqinakax jach'a jach'aw tukupxi, ukampis aski jaqinakax Tatitur chiq arkatapampiw jakapxani’ sasa.”

Mateo 23:12

Khititix jach'a jach'a tukkani ukax jisk'achatäniwa, ukampis jisk'achatäki ukasti jach'añchatäniwa.

Mateo 5:3

“Kusisiñanïpxiw Tatitur taqi chuyma alkatirinakaxa, jupanakankiw Diosan qhapaq markapaxa.

Lucas 1:52

munañan reyinakaruw qunuñapat jaqunuku, jan yäqatanakarusti jach'aruw apti.

Lucas 10:29

Ukampis kamachi yatichirix askit uñt'ayasiñ laykux Jesusarux jiskt'askakïnwa: —¿Khitirak jaqi masixasti? —sasa.

Lucas 14:11

Khititix jach'a jach'a tukurïki ukaxa, jisk'ar tukuyatäniwa, ukampis jisk'ar tukurïki ukasti jach'ar tukuyatäniwa.

Lucas 16:15

Jesusasti jupanakarux sarakïnwa: “Jumanakasti jaqinak nayraqatan askit uñt'ayasipxtaxa, ukampis Diosax chuymanakam sum uñt'apxtam; kunatix jaqinakatak askïki ukax, Diosatakix janiw kuna askïkisa.

Romanos 3:20

ukampix janiw khitis siskaspati kamachirjamaw phuqhi, ukat Diosax jan juchanjam katuqañapa sasaxa, uka kamachisti jiwasan juchanïtas uñt'asiñasatakikiwa.

Romanos 4:5

Ukatsipana, maynitix Diosan juchanir aski jaqir tukuyatap iyawschixa, Diosax iyawsäwip laykuw aski jaqit katuqi, janisay katuqatäñatakix kunsa lurkpan.

Romanos 5:1

Ukhamasti, Diosax iyawsäwi laykuw aski jaqit katuqxistu, Diosampi sumankañax Jesucristo Tatitus tuqiw utjistu.

Romanos 8:33

¿Khitirak Diosan ajllitanakapar kuna jan walitsa irkataspasti? Diosaw jupanakarux aski jaqinakar tukuyi.

Gálatas 2:16

Ukampis jiwasanakax yatipxtanwa, janiw khitis Diosan nayraqatapan Moisesan kamachip phuqhatap layku askit katuqatäkiti, jan ukasti, Jesucristor iyawsatap laykukiw katuqatäni. Ukatarak jiwasanakax Jesucristor iyawsapxtan, Diosan jiwasanakar askit uñt'añapataki, aka iyawsañ tuqi katuqatäñataki, janiw kamachi phuqhatas layku. Janiw khitis kamachinak phuqhatap laykux Diosan nayraqatapan askit katuqatäkaniti.

Santiago 4:10

Dios nayraqatan jisk'ar tukt'apxam, jupasti jach'aruw aptapxätam.

Santiago 4:6

Ukampis Diosax khuyapayasiñapampiw yanapistu, Qillqatasti siwa: “Diosax jach'a jach'a tukur jaqinakarux janiw munkiti, ukampis llamp'u chuymaninakarux khuyapt'ayiwa” sasa.

1 Samuel 1:18

Anasti sänwa: —Walikiw tatay, yuspagarsmawa —sasa. Ukham sasinsti, Anax kawkhattix jutkän ukkharuw kuttawayxäna, manq'asiriw sarxäna, janirakiw llakitäkxänti.