1 Juan 3:2 - Qullan Arunaka DC

Munat jilatanaka, jichhax Diosan wawanakapäxtanwa. Ukampis tukuy urunakan kunäkañänitix ukax janïraw qhanstkiti, kunapachatix Jesucristox uñstankan ukapachax jupjam tukkañän uk yattanwa, kunjämäkitix jupax ukhampach uñkatatas layku.

Aymar Bibliia 1986

Munat jilatanaca, jichhajj Diosan wawanacapäjjtanwa, ucampis janïraw khanañchquistuti cunäcañänitejj tucuy urunacan ucjja. Ucampis yattanwa cunapachatejj Tatit Jesucristojj uñstancani ucqhajja, jupjamaw tucuñäni, cunjämäquitejj jupajj uqhampacha uñcatatas laycu.

Qullan Arunaca

Munat jilatanaca, jichhajj Diosan wawanacapäjjtanwa, ucampis janïraw khanañchquistuti cunäcañänitejj tucuy urunacan ucjja. Ucampis yattanwa cunapachatejj Tatit Jesucristojj uñstancani ucqhajja, jupjamaw tucuñäni, cunjämäquitejj jupajj uqhampacha uñcatatas laycu.

1 Juan 3:2 Jak'a apnaqawi uñst'ayäwi

Job 19:26

Janchixas jisk'a jisk'a willirtaskpan, nayasti Tatiturux uñkatapunïwa.

Salmos 16:11

Jumaw jakañ thakhi uñacht'ayitäta. Nayraqataman jach'a kusisiñaw utji; jak'amansti wiñay kusisiñaw utjaraki.

Salmos 17:15

Nayasti kusisitaw jikxatasï; ajanuy ajanu jumar uñkatasina, ¡uñatatkä ukkhax nayraqataman jikxatasisina!

Salmos 31:19

19 (20) ¡Tatay, kunja jach'as munasiñamax jumar waqaychirinakatakixa! Mä qurïkaspas ukham imtaxa, jumar katuyasirinakarusti, taqin uñjkañaw munasiñam lakirpaytaxa.

Isaías 56:5

nayaw jupanakarux wawanakat sipansa juk'ampi sumanak churä, jupanakan sutinakapasti wiñayataki qillqatäniwa, nayan utaxana, pirqanakax taypinsa; wiñay suti juparux churarakï, janipuniw kunapachas uka sutix chhaqtayatäkaniti.

Malaquías 3:2

Ukampis, ¿khitirak jutañap urumpi q'iwtasispasti? ¿Khitirak jupa nayraqatan sayt'asispasti? Ninar uñtataw jupax purinini, jiwasar q'umachañataki, jabonar uñtataw q'añunak jiwasan chuymasat apaqani.

Mateo 5:8

“Kusisiñanïpxiw q'uma chuymaninakaxa, jupanakax Diosaruw uñjapxani.

Lucas 17:30

Jaqin Yuqapax uñstankan ukürux ukhamäniwa.

Lucas 20:36

janiw juk'amp jiwkxapxaniti uka layku. Jupanakasti angelanakjamäpxaniwa, jiwatanak taypit jaktatap laykux Diosan wawanakapäxarakiniwa.

Juan 1:12

Ukampis jupar katuqasin iyawsirinakax Diosan wawanakapäxiwa.

Juan 11:52

janiw judionak laykukit jiwañapäkänxa, jan ukasti Diosan wawanakapax yaqha markanakan ananukutäpkän ukanakar mayar jawsthapiñatakiw jiwañaparakïna.

Juan 17:24

“Awkixay, nayar katuykista ukanakax kawkintix nayax utjaskä ukan nayampi chikäpxapunpan, kawkïr ch'amtix jumax churkista uka ch'am uñjapxañapataki; jumasti akapachan janïr utjkipan munasista.

Romanos 8:16

Uka pachpa Ajayuw jiwasan ajayusampi mayachasisax Diosan wawanakapätas qhanañchi.

Romanos 8:18

Jichhür t'aqhisiñanakax janiw kunäkisa, Diosan qhapaq kankañap uñjkañän ukampi kikipaysna ukaxa.

Romanos 8:19

Akapachan taqpach jakirinakaw suyt'aski, kunürutix Diosan wawanakapätasax qhanañchatäkani uka.

Romanos 8:29

Khitinakarutix Diosax nayratpach uñt'kän jupanakarux qalltatpach yaqhachawayi, Wawapan walja jilanak taypin jilïrïñapataki.

1 Corintios 13:12

Jichhasti Diosarux chhayphuk uñjtan; ukampis mä uruw ajanuy ajanu uñkatapxañäni. Jichhasti nayan yatiñaxax janiw phuqhatpachäkiti, ukampis mä uruw Diosarux uñt'ä, kunjämtix jupax nayar uñt'kitu ukhama.

1 Corintios 15:49

Kunjämtix uka laq'at lurat jaqir uñtasitätanxa, ukhamarakiw mä urux alaxpachankirir uñtasitäñäni.

1 Corintios 2:9

Kunjämtix Qillqatan siski: “Jupar munirinakatakixa, Diosax jan khitin uñjata, jan khitin ist'ata, jan khitin amtat yänak wakichi” sasa.

2 Corintios 3:18

Ukatpï taqi jiwasanakax, ajanunakasan uka velompi jan imantatäxatap laykux, mä lirphur uñtatjamaw Tatitun qhapaq kankañapat k'ajtanxa, ukatsti jupar uñtataw tukupxaraktan, jupan qhanapax jiwasankatap layku, uksti Ajayükis uka Tatituw jiwasanakatak luri.

2 Corintios 4:17

Aka uraqin t'aqhisitasax janiw kunäkisa, tukusirikiwa; ukampis mä jach'a aski jilarkir wiñay kusisiñ apani.

Gálatas 3:26

Jumanakax Tatit Jesucristor iyawsatanakam laykux Diosan wawanakapäpxtawa.

Gálatas 4:6

Ukhamax jupan wawapa tukutas laykusti, Diosax Yuqapan Ajayup chuymanakasar khithani; uka Ajayuw art'asi: “¡Awkixay!” sasa.

Filipenses 3:21

Jiwasanakan jan wali janchis jupaw k'ajkir janchipar uñtat tukuyani. Uksti kawkïr ch'amapampitix taqi kun apnaqki uka ch'amapampiw tukuyani.

Colosenses 3:4

Pachpa Cristow jumanakan jakañamaxa. Kunapachatix jupax uñstankan ukkhasti, jumanakax jupamp chikaw qhapaq kankañapan phuqt'at uñstapxarakïta.

Hebreos 9:28

Ukhamarakiw Cristox mä kutik taqinin juchap pampachañatak t'aqhisis luqtasïna. Uka qhipatsti wasitat uñstanini, janiw juchanak pampachiriti, jan ukasti, jupar suyt'irinakar qhispiyiriw uñstanini.

2 Pedro 1:4

Ukanak tuqiw arsüwinakapsa churistu, uka arsüwinakapasti wali jach'anakawa, wali askirakiwa, ukhamat jumanakax Tatitun arsüwinakap tuqi, akapach q'añu luräwinakat jaltxasin Diosan aski kankañap katuqapxañamataki.

1 Juan 2:28

Jichhasti wawanaka, Cristompix mayak jakapxam, ukhamat kunapachatix uñstankan ukkhax iyawsañasax utjañapataki, ukatsti kunapachatix jutkan ukkhax, jupan nayraqatapan jan mä p'inqa tukuskañasataki.

1 Juan 2:7

Munat Jilatanaka, janiw jumanakarux machaq kamachi qillqanipksmati: jan ukasti, qalltatpach katuqapkta uka pachpawa. Aka nayra kamachisti ist'apkäyät uka arunakawa.

1 Juan 3:1

Uñjapxam, Dios Awkix walpun munasistu, Diosan wawanakapaw satäñasatakixa, jïsa, wawanakapapunïsktanwa. Ukatpï Diosar jan iyawsirinakax jan uñt'kistutixa, jupanakan Diosar jan uñt'apxatap layku.

1 Juan 3:10

Ukhamat yatisi khitinakas Diosan wawanakapaxa, khitinakarakis supayan wawanakapaxa. Kawkïritix jan aski lurki, janiraki jilaparus munaski ukaxa, janiw Diosankkiti.

1 Juan 3:21

Munat jilatanaka, chuymasatix jan juchañchkistan ukaxa, Diosan nayraqatapan iyawsañaw utjistu;

1 Juan 5:1

Taqi khititix Jesusan Cristötap iyawski ukaxa, Diosan wawapawa; khititix awkir munaski ukax uka awkin wawanakaparux munasirakiwa.

Apocalipsis 22:4

Taqiniw ajanuy ajanu Diosar uñkatapxani, paranakaparusti Diosan sutip qillqantat apapxani.