1 Corintios 13:12 - Qullan Arunaka DC

¹² Jichhasti Diosarux chhayphuk uñjtan; ukampis mä uruw ajanuy ajanu uñkatapxañäni. Jichhasti nayan yatiñaxax janiw phuqhatpachäkiti, ukampis mä uruw Diosarux uñt'ä, kunjämtix jupax nayar uñt'kitu ukhama.

Aymar Bibliia 1986

¹² Jichhajj take cunas jayphucjamaqui mä espejotjam uñjasctanjja, ucampis mä urojj take cuns khanwa uñj-jjañäni. Jichhajj yatiñajjajj janiw phokhatpachäquiti, ucampis uca uruw takpach uñt'jjäjja cunjämtï Diosajj nayar uñt'quitu uqhama.

Qullan Arunaca

¹² Jichhajj take cunas jayphucjamaqui mä espejotjam uñjasctanjja, ucampis mä urojj take cuns khanwa uñj-jjañäni. Jichhajj yatiñajjajj janiw phokhatpachäquiti, ucampis uca uruw takpach uñt'jjäjja cunjämtï Diosajj nayar uñt'quitu uqhama.

1 Corintios 13:12 Jak'a apnaqawi uñst'ayäwi

Génesis 32:30

30 (31) Jacobusti uka chiqarux Penuel sasaw sutichäna, sarakïnwa: “Diosarux ajanuy ajanuw uñkatta, ukampis jakaskaktwa” sasa.

Job 19:26

Janchixas jisk'a jisk'a willirtaskpan, nayasti Tatiturux uñkatapunïwa.

Job 36:26

Diosax jach'a kankañaniwa, janiw amuyt'irjamäktanti, janirakiw qawqha maranïtapsa yatksnati.

Éxodo 33:11

Diosasti Moisesampix ajanuy ajanuw parläna, kamisatix mä jaqix jila masipamp parlaski ukhama, ukatsti Moisesax campamentoruw kutt'anxäna. Ukampis jupan yanapiripa, Nun chachan yuqapa Josué waynaxa, Tatitump Jikisiñ Carpat janipuniw mistunirïkänti.

Ezequiel 17:2

“Ezequiel, Israel markarux mä uñtasïwi tuqi amuyt'ayam.

Números 12:8

jupampisti ajanuy ajanuw parlta, qhana arunakampiraki. Jupatix ajanuy ajanu uñjchitu ukasti, ¿kunatarak jumanakasti jupar k'umipxtasti?” sasa.

Mateo 18:10

“Ukhamasti janipun aka jisk'alalanakat maynirus jisk'achapxamti. Nayasti sapxsmawa, jupanakan angelanakapax alaxpachan sapürupuniw Awkixan nayraqatapankasipki.

Mateo 5:8

“Kusisiñanïpxiw q'uma chuymaninakaxa, jupanakax Diosaruw uñjapxani.

Romanos 8:18

Jichhür t'aqhisiñanakax janiw kunäkisa, Diosan qhapaq kankañap uñjkañän ukampi kikipaysna ukaxa.

1 Corintios 13:11

Nayax wawäkasax wawjamaw parläyäta, lup'ïyäta, amuyt'äyäta; ukampis kunapachatix jach'a jaqïxta ukkhasti, wawa kankañ qhiparuw apanukxta.

1 Corintios 8:3

Ukampis maynitix Diosar munchixa, Diosax juparux uñt'iwa.

2 Corintios 3:18

Ukatpï taqi jiwasanakax, ajanunakasan uka velompi jan imantatäxatap laykux, mä lirphur uñtatjamaw Tatitun qhapaq kankañapat k'ajtanxa, ukatsti jupar uñtataw tukupxaraktan, jupan qhanapax jiwasankatap layku, uksti Ajayükis uka Tatituw jiwasanakatak luri.

2 Corintios 5:7

Janiw jichhax jupar uñjktanti, jan ukasti, iyawsañampi ch'amañchataw jakasipktan;

Filipenses 3:12

Akampix janiw: “Taqi akanak jikxatxtwa” siskti, janirakiw “Wali q'umätwa” sañsa munkaraktti; jan ukasti kunatix askïki uk jikxatañkamaw nayraqatar jalaskta, kunjämatix Cristo Jesusax nayar nayraqat jikxatkitu ukhama.

Santiago 1:23

Khititix aliqak uka arunak isch'ukki, ukat janirak lurkit ukaxa, kunjämtix mä jaqix ajanup espejot uñkataski ukhamakiwa:

1 Juan 3:2

Munat jilatanaka, jichhax Diosan wawanakapäxtanwa. Ukampis tukuy urunakan kunäkañänitix ukax janïraw qhanstkiti, kunapachatix Jesucristox uñstankan ukapachax jupjam tukkañän uk yattanwa, kunjämäkitix jupax ukhampach uñkatatas layku.

Apocalipsis 22:4

Taqiniw ajanuy ajanu Diosar uñkatapxani, paranakaparusti Diosan sutip qillqantat apapxani.