Mateo 5:8 - Qullan Arunaka DC

⁸ “Kusisiñanïpxiw q'uma chuymaninakaxa, jupanakax Diosaruw uñjapxani.

Aymar Bibliia 1986

⁸ “Cusisiñanïpjjew k'oma chuymaninacajja, jupanacaraquiw Diosarojj uñjapjjani.

Qullan Arunaca

⁸ “Cusisiñanïpjjew k'oma chuymaninacajja, jupanacaraquiw Diosarojj uñjapjjani.

Mateo 5:8 Jak'a apnaqawi uñst'ayäwi

Génesis 32:30

30 (31) Jacobusti uka chiqarux Penuel sasaw sutichäna, sarakïnwa: “Diosarux ajanuy ajanuw uñkatta, ukampis jakaskaktwa” sasa.

2 Samuel 22:27

Qhana chuyman jaqitakix qhana chuymanirakïtawa, sallqa chuyman jaqitakisti ch'ikhi chuymanïtawa.

Salmos 15:2

Khititix juch jan luras jakki uka, khititix aski lurasapun sarnaqki uka, khititix taqi chuymamp chiqap arski uka;

Salmos 18:26

26 (27) qhana chuymanitakix qhana chuymanirakïtawa, sallqa chuymanitakisti ch'ikhi chuymanïtawa.

Salmos 24:4

Jan juch lurir jaqiw ukankaspa, q'uma chuyman jaqiw ukankaspa, yaqha diosanakar jan yupaychir jaqiw ukankaspa, k'ari juramento jan lurir jaqiw ukankarakispa.

Salmos 51:10

10 (12) Dios Tatay, ¡q'uma chuymay churita!, ¡machaq aski ajayuy churita!

Salmos 51:6

6 (8) Jumax q'uma chuymaniruw munastaxa, chuymaxarusti yatiñ kankañ uchtaxa.

Salmos 73:1

¡Diosax Israel markatakix munasiñaniwa, q'uma chuyman jaqinakatakis munasiñanirakiwa!

Proverbios 22:11

Reyix qhana chuyman jaqiruw muni, quña arumpi parlir jaqimpiw suman sarnaqasiraki.

Hechos 15:9

Diosax janiw jupanakarusa, jiwasanakarus yaqha yaqha uñjkistuti. Jupax jupanakan chuymanakap iyawsäwi tuqiw q'umacharaki.

1 Corintios 13:12

Jichhasti Diosarux chhayphuk uñjtan; ukampis mä uruw ajanuy ajanu uñkatapxañäni. Jichhasti nayan yatiñaxax janiw phuqhatpachäkiti, ukampis mä uruw Diosarux uñt'ä, kunjämtix jupax nayar uñt'kitu ukhama.

2 Corintios 7:1

Ukhamasti munat jilatanaka, Diosan taqi aka arsutanakapax jiwasatakiwa. Ukatpï taqi kunatix q'añuchkistaspa ukat jithiqtañasaxa, ukatsti janchisana, ajayusansa q'uma sarnaqañasaw wakisi; Diosar axsart'asasti q'uma jakäwi jikxatañatak ch'amachasiñäni.

Tito 1:15

Khitinakatix Tatit Jesucristor jaysapki ukanakatakix taqi kunas sumawa, ukampis jupar jan jaysapki ukanakatakix taqi kunas janiw walïkiti, jupanakax kunatix jan walïki ukak lup'isipki, amuyunakapana, chuymanakapan q'añütap layku.

Hebreos 10:22

Ukat Diosarux chiqpach chuymampi, taqpach iyawsañampi, jan walinakat q'umachat chuymampi, janchinakasas q'uma umampi jariqat jak'achasipxañäni.

Hebreos 12:14

Taqinimpis sumankañan jakasipxam, q'uma jakañan sarnaqasa; jan ukampisti janiw khitis Tatiturux uñjkaspati.

Hebreos 9:14

Ukampis ukatix ukhamächi ukax, ¡qawqha ch'amanïpachas Criston wilapaxa! Cristosti wiñay jakir Ajayu tuqiw Diosarux jupa pachpa jan q'añucht'at luqtasiwayi, uka wilapaw jiwañar apki uka luräwinakasat q'umachistu, ukhamat jakkir Diosar yupaychañasataki.

Santiago 3:17

Ukampis khitinakatix Diosat jutir yatiñanïpki ukanakax q'uma jakawinïpxiwa; ukhamarus sumankayirinaka, munasirinaka, llamp'u chuymaninakäpxiwa. Jupanakax khuyapt'ayasirïpxiwa, chiqap uñjirinaka, chiq parlirinaka, sum luririnaka.

Santiago 4:8

Diosar jak'achasipxam, jupasti jumanakarux jak'achasiniwa. ¡Jucharar jaqinaka, amparanakam q'umachasipxam! ¡Jumanaka, Diosar munkasin juch luririnakax chuymanakam q'umachasipxam!

1 Pedro 1:22

Jumanakasti, Tatitun arunakapar jaysasinxa, jilatanakar chiqpach munañatakiw q'umachasxapxtaxa. Ukhamax maynit maynikamax taqi chuymampi, taqi ch'amamp munasipxañamawa.

Apocalipsis 22:4

Taqiniw ajanuy ajanu Diosar uñkatapxani, paranakaparusti Diosan sutip qillqantat apapxani.