Juan 11:52 - Qullan Arunaka DC

⁵² janiw judionak laykukit jiwañapäkänxa, jan ukasti Diosan wawanakapax yaqha markanakan ananukutäpkän ukanakar mayar jawsthapiñatakiw jiwañaparakïna.

Aymar Bibliia 1986

⁵² Janiw aca marcatacti, jan ucasti Diosan wawanacapajj yakha marcanacancquis ucanac mayar jawsthapiñapataqui.

Qullan Arunaca

⁵² Janiw aca marcatacti, jan ucasti Diosan wawanacapajj yakha marcanacancquis ucanac mayar jawsthapiñapataqui.

Juan 11:52 Jak'a apnaqawi uñst'ayäwi

Génesis 49:10

Janiw khitis Judá markarux ch'amanïñ kankañap apaqkaniti, janirakiw khitis jilïr kankañ thujrupsa amparapat apaqkaniti, aka uraqpachar apnaqkani uka chiqpach reyin jutañapkama.

Salmos 22:15

15 (16) mallq'axax q'ala wañkatatawa, laxraxas laka manqhan lip'katatawa, ¡jiwañ laq'ar puriyañkamaw jumax jaquntista!

Salmos 22:27

27 (28) Taqpach jaqinaka, taqpach markanaka, aka uraqpachan jakir jaqinaka: Tatitut amtasipxam, jupar makhatxapxam; ¡nayraqatapar killt'asipxam!

Salmos 72:19

qullan sutipax wiñayatak jach'añchatäpan. ¡Qhapaq kankañapasti uraqir phuqhantpan! ¡Ukhamäpan!

Isaías 49:18

Sartasim ukatsti taqi tuqi uñatatasim, uñtam, kunjämsa taqini tantachasipxi, ukatsti juman ukar kuttanipxaraki. “Naya, Tatituw jakañax layku ukham lurta, taqi jupanakasti jumatakix mä suma qurir uñtatäniwa, jaqichasir tawaqun k'achachanakapjama.

Isaías 49:6

“Nayax Israel markan ayllunakapar tantacht'iriw khitsma, markapar kuttayanxiriw khitsma. Ukampis uka luräwix juk'akïspawa. Ukatpï jumarux markanakan qhanapar tukuyämaxa, qhispiyasiñaxsa aka uraqi tukusin utjkis uka markanakar apañamataki.”

Isaías 55:5

Jan uñt'at markanakaruw jumax jawsäta; kawkïri markanakatix jan uñt'apkäyätam ukanakaw juman ukarux jalanipxani, naya, juman Tatituma, Israelan Qullana Diosapaw jumarux jach'añchsma.

Isaías 56:8

Kawkïri israelitanakatix jayan apanukutäsipki ukanakaruxa, nayaw kuttayanisin markapar tantachthapxä.” Uk Tatitux arsu.

Isaías 60:4

Taqi tuqi uñatatasim, juman ukar jutañatakix taqiniw tantacht'asipxi. Yuqall wawanakamax jayatpach jutxapxani; imill wawanakamas amparar ichunitäpxaniwa.

Ezequiel 34:12

Kunjämtix mä suma awatirix chhaqhat ovejanakap thaqhir sarkixa, ukhamarakiw nayax chhaqhat markaxar thaqhir sarä, mä ch'amak urun jupanakax maysar saranukupkatayna uka chiqanakat kuttayanxarakï.

Oseas 1:10

10 (1) Mä urux israelita jaqinakax jach'a quta iramankir ch'alljamäpxaniwa, jan jakt'kayäpxarakiniwa: “Jumanakax janiw nayan markaxäxapxtati” sapxäyätamwa, jichhasti Tatitux jupanakarux saniwa: “Jumanakax jakkir Diosan wawanakapäpxtawa” sasa.

Lucas 15:8

“Jan ukax, ¿khiti warmisa tunka qullqinïsax may chhaqhayasispa ukaxa, janit micha qhantayasisax utap sum pichskaspa uka qullqi jikxatañkam thaqkarakispaxa?

Lucas 2:32

Jupäniw taqi markanakar qhantir qhanaxa, Israel markamar jach'ar aptirisa” sasa.

Juan 1:12

Ukampis jupar katuqasin iyawsirinakax Diosan wawanakapäxiwa.

Juan 1:29

Qhipürusti Juanax Jesusaruw uñjäna, jupar jak'achasisinkiri, ukat säna: “¡Uñtapxam, jupaw akapachan juchap q'umachir Diosan Corderopaxa!

Juan 10:16

Yaqha ovejanakax utjarakituwa; ukanakasti janiw aka tamankirïkiti; ukanakarux anakiniñaxarakiwa. Jupanakax ist'apxitaniwa, ukatsti mä sapa tamakïniwa, mä sapa awatirinikiraki.

Juan 12:32

Kunapachatix cruzar ch'akkatasin aptapkitani ukkhasti, taqiniw nayarux iyawsapxitani —sasa.

Hechos 18:10

Nayaw jumampïskta, janiw khitis kuna ñanqhsa lurkätamti, nayankirinakax aka markan waljaniwa” sasa.

Romanos 3:29

¿Diosasti judionakan Diosapakiti? ¿Janit taqi markanakan Diosapäkarakisti? ¡Qhanäskiwa, taqi markanakan Diosapawa,

Romanos 4:17

kamisatix Qillqatan siski: “Nayax walja markanakan awkiparuw tukuyäma” sasa. Abrahamax uka Diosaruw iyawsäna, jiwatanakar jakañ churir Diosaru, kunatix jan utjki uk utjayir Diosaru.

Efesios 1:5

jupax nayratpach ajllisiwayistu, Jesucristo tuqi wawanakapat katuqatäñasataki, kunjämäkitix amtäwipax ukhamarjama.

Efesios 3:11

Diosasti taqi akanak wiñay amtäwiparjamaw Jesucristo Tatitus tuqi luri.

Santiago 1:1

Naya Santiago, Jesucristo Tatitu Diosan luqtiripa, Israelan tunka payan ayllunakaparu, aka uraqpachan ch'iqitatatäpki ukanakaruw aruntanipxsma.

1 Pedro 1:1

Naya Pedrox Jesucriston apostolupätwa, khitinakatix markamat jayan utjasipkta, Ponto, Galacia, Capadocia, Asia, Bitinia uka suyunakana, taqi jumanakaruw aruntanipxsma.

1 Juan 2:2

Jesucristox juchanakas qhispiyañ laykuw jakañap luqtasiwayi, janiw jiwasan juchas laykukiti, jan ukasti taqi akapachankir jaqinakan juchanakap laykuwa.

1 Juan 3:1

Uñjapxam, Dios Awkix walpun munasistu, Diosan wawanakapaw satäñasatakixa, jïsa, wawanakapapunïsktanwa. Ukatpï Diosar jan iyawsirinakax jan uñt'kistutixa, jupanakan Diosar jan uñt'apxatap layku.

1 Juan 3:10

Ukhamat yatisi khitinakas Diosan wawanakapaxa, khitinakarakis supayan wawanakapaxa. Kawkïritix jan aski lurki, janiraki jilaparus munaski ukaxa, janiw Diosankkiti.

1 Juan 3:2

Munat jilatanaka, jichhax Diosan wawanakapäxtanwa. Ukampis tukuy urunakan kunäkañänitix ukax janïraw qhanstkiti, kunapachatix Jesucristox uñstankan ukapachax jupjam tukkañän uk yattanwa, kunjämäkitix jupax ukhampach uñkatatas layku.

Apocalipsis 5:9

Jupanakasti taqpachaniw aka machaq q'uchu q'uchupxäna: “Jumakiw uka qillqat katuñatak askïtaxa, sellonakap ch'iyaqañatakis askirakïtaxa, jiwayat uñjasitam layku; wilam wartasaw Diosatak alawayta, taqi jaqinaka, kunayman parlan jaqinaka, jisk'a markanaka, jach'a markanaka.