Juan 11:51 - Qullan Arunaka DC

⁵¹ Ukampis Caifasax janiw amuyupatjam uk arskänti, jan ukasti, uka maran sacerdotenakan jilïripätap laykuw Diosax ukham arsuyäna: “Jesusax judionak layku jiwañapawa” sasa;

Aymar Bibliia 1986

⁵¹ Ucampis Caifasajj janiw amuyupatacti acjja siscäna, jan ucajj jupajj uca marajj sacerdotenacan jilïripätap laycojja, Diosaw uqham arsuyäna: “Jesusaw jiwañapa Judea marcpachatjja” sasa.

Qullan Arunaca

⁵¹ Ucampis Caifasajj janiw amuyupatacti acjja siscäna, jan ucajj jupajj uca marajj sacerdotenacan jilïripätap laycojja, Diosaw uqham arsuyäna: “Jesusaw jiwañapa Judea marcpachatjja” sasa.

Juan 11:51 Jak'a apnaqawi uñst'ayäwi

Éxodo 28:30

Ukatsti pectoral isi patxarux Urim, Tumim sat chiqa aski uñjañ qalanak uchäta, Aaronax chuymapar warkuntat apañapataki, kunapachatix Tatitun nayraqapatar uñstkani ukapacha. Ukhamwa Aaronax chuyma patapar uka chiqa aski uñjañ qalanak Tatitun nayraqatapan apapunini.

Daniel (hebreo) 9:26

Suxta tunka payani semanatsti, Tatitur katuyat uka jach'a jilïriruw jiwayapxani. Jerusalén markampi Tatitun utapampisti t'unjataw uñjasini, kawkïri reyitix jutkani ukan jaqinakapaw t'unjarakini. Tukuy urux uma jithir uñtataw akatjamat purinini, nuwasiñanakasa, t'unjañanakasa tukuykamäniwa, ukanakasti ukhamäñapatak yatiyatarakïnwa.

Números 22:28

Ukapachaw Tatitux qachu asnor parlayäna, asnosti Balaamarux sänwa: —¿Kunarak jumar kamächsmasti? Akampix kimsa kutiw nayar jawq'jista —sasa.

Números 24:2

Balaamax Israel markarux ayllunakapatkam utjnuqtat uñjäna, ukhamaruw Tatitun ajayupax jupxar jutäna,

Mateo 20:28

Jaqin Yuqapax janiw luqtayasir jutkiti, jan ukasti, taqinir luqtiriw juti, jakañapsa jaqinakar qhispiyañatak luqtasiriw juti —sasa.

Juan 11:49

Jupanakat mayniw utjäna, Caifás sutini, jupasti uka marax sacerdotenakan jilïripänwa, ukat jupanakarux säna: —Jumanakax janiw kuns yatipktati,

Juan 18:13

Ukatsti Anasan utaparuw nayraqat irpapxäna, jupax Caifasan awkch'ipänwa; Caifasasti uka marax jilïr sacerdotënwa.

1 Corintios 13:2

Jutir urut yatiyañatix utjitaspa, Diosan imantat amtäwiptix amuyt'irista, taqi kun yatirista, qullunak unxtayañatakis iyawsañanïrista, ukat janitix munasiñax utjkitaspaxa, janiw nayax kunäkiristsa.

2 Corintios 5:21

Cristox janiw kuna juchsa lurkänti; ukampis Diosax jiwasanak laykuw juchan jaqirjam uñjäna, ukhamat jiwasanakan Cristonkasin askit katuqatäñasataki.

Gálatas 3:13

Cristow kamachin ñanqhachäwipat qhispiyistu, jupax juchanakas laykuw ñanqhachäwi katuqi, Qillqatan akham siwa: “Taqi khititix mä lawaru warkkatat jiwki ukax, ñanqhachatäpan” sasa.

1 Pedro 2:24

Jesucristo pachpaw cruzan jiwasin juchanakas janchipxar apawayxi, ukhamat jiwasanakax jucha jan luras jakxañasataki, jan ukasti askinak luras jakañasataki. Jupax jumanak k'umaräpxañamatakiw chhuxriñchjatänxa.

1 Pedro 3:18

Cristox mä kutikiw juchanakas pampachañatak jiwawayi. Jupax aski jaqïnwa, ukampis juchararanak laykuw t'aqhisiwayi, ukhamat jiwasanakar Diosan ukar irpkatañataki. Jupax janchin jiwawayi; ukampis ajayun jakxañatakiw jaktaniwayi,

1 Juan 2:2

Jesucristox juchanakas qhispiyañ laykuw jakañap luqtasiwayi, janiw jiwasan juchas laykukiti, jan ukasti taqi akapachankir jaqinakan juchanakap laykuwa.

1 Samuel 23:9

Ukampisa, Davidax Saúl reyin ukham nuwantañ amtatap yatisax Abiatar sacerdoteruw mayïna efod isi aptaniñapataki, ukat Tatitur jiskt'añataki.

1 Samuel 28:6

Ukatsti Tatituruw jiskt'asïna, ukampis Tatitux janiw juparux samkanak tuqisa, Urim tuqisa, profetanaka tuqis jayskänti.