1 Juan 3:2 - Aymar Bibliia 1986

² Munat jilatanaca, jichhajj Diosan wawanacapäjjtanwa, ucampis janïraw khanañchquistuti cunäcañänitejj tucuy urunacan ucjja. Ucampis yattanwa cunapachatejj Tatit Jesucristojj uñstancani ucqhajja, jupjamaw tucuñäni, cunjämäquitejj jupajj uqhampacha uñcatatas laycu.

Qullan Arunaca

² Munat jilatanaca, jichhajj Diosan wawanacapäjjtanwa, ucampis janïraw khanañchquistuti cunäcañänitejj tucuy urunacan ucjja. Ucampis yattanwa cunapachatejj Tatit Jesucristojj uñstancani ucqhajja, jupjamaw tucuñäni, cunjämäquitejj jupajj uqhampacha uñcatatas laycu.

Qullan Arunaka DC

² Munat jilatanaka, jichhax Diosan wawanakapäxtanwa. Ukampis tukuy urunakan kunäkañänitix ukax janïraw qhanstkiti, kunapachatix Jesucristox uñstankan ukapachax jupjam tukkañän uk yattanwa, kunjämäkitix jupax ukhampach uñkatatas layku.

1 Juan 3:2 Jak'a apnaqawi uñst'ayäwi

Job 19:26

Janchejjasa jisc'a jisc'a willisisquitanejja, nayasti Diosarojj uñcatapunïwa.

Salmos 16:11

Jumaw jacañ thac uñacht'ayitäta, nayrakataman jach'a cusisiñaw utji; jac'amansti wiñay cusisiñaw utjaraqui.

Salmos 17:15

Nayasti cusisitaw jicjjatasï; ajanuy ajanu jumar uñcatasina, uñatatcä ucapach nayrakataman jicjjatasisina.

Salmos 31:19

Tatay, jumar wakaychirinacataquejj jach'a munasiñ imaraptajja, jumar maqhatirinacarusti taken uñjcañaw qhuyapayasiñam uñachaytajja;

Isaías 56:5

nayaw jupanacarojj wawanacat sipansa juc'ampi sumanac churäjja, jupanacan sutinacapasti wiñayataqui kellkatäniwa, nayan templojjana, perkanacajj taypinsa; wiñay suti juparojj churaraquëjja, janipuniw cunapachas uca sutejj chhaktayatäcaniti.

Malaquías 3:2

Ucampis ¿qhitis uca jutäwip urupanjja take ch'amampi sayt'aspa? ¿Qhitiraqui pachpa cayupampi sayt'asispa? Mä ninjamaw jupajj jutani suma k'omachañataqui, uqhamaraqui mä jabonar uñtata k'añunac jiwasan chuymasata jarekañataqui.

Mateo 5:8

“Cusisiñanïpjjew k'oma chuymaninacajja, jupanacaraquiw Diosarojj uñjapjjani.

Lucas 17:30

Uqhamäniwa Jaken Yokapajj uñstancani ucürunjja.

Lucas 20:36

Janiw juc'amp jiwcjjapjjaniti uca laycu. Angelanacjamäjjapjjewa, uqhamarac Diosan wawanacapäjjapjjewa jacatatapjjatap laycu.

Juan 1:12

Ucampis juparu catokapqui iyawsapcaraqui ucanacarusti munañanïñwa churi Diosan wawanacapa tucupjjañapataqui.

Juan 11:52

Janiw aca marcatacti, jan ucasti Diosan wawanacapajj yakha marcanacancquis ucanac mayar jawsthapiñapataqui.

Juan 17:24

“Awquiy, jumaw jupanac churista. Jichhajj muntwa nayajj cawquinccätejja, jupanacajj ucancapjjañaparaqui, jumajj jach'a cancañwa churista uc uñjapjjañapataqui, jumasti janïra acapachajj utjquipanwa munasista.

Romanos 8:16

Uca quipca Ajayuraquiw jiwasan ajayusamp chica Diosan wawanacapätas khanañchi.

Romanos 8:18

Jichhajj waliquiwa, amuyasctwa cunjämtejj jiwasanacajj acapachan t'akhesisctan ucjja, janiw mayachcsnati Diosan jach'a cancañapa uñjcañäni ucampejja.

Romanos 8:19

Wali suyt'añampiwa take acapachajj suyt'asqui cunürutejj Diosajj khespiyat jakenaca uñstaycani uca.

Romanos 8:29

Qhitinacarutejj Diosajj nayratpach uñt'cäna ucanacarojja, kalltatpachwa jupataqui yakhachasiwayjje jupan wawapjamäñapataqui, uqhamat jupan Wawapajj jilïrïñapataqui walja jilatanac taypina.

1 Corintios 13:12

Jichhajj take cunas jayphucjamaqui mä espejotjam uñjasctanjja, ucampis mä urojj take cuns khanwa uñj-jjañäni. Jichhajj yatiñajjajj janiw phokhatpachäquiti, ucampis uca uruw takpach uñt'jjäjja cunjämtï Diosajj nayar uñt'quitu uqhama.

1 Corintios 15:49

Cunjämtejj uca lak'at lurat jaker uñtasitätanjja, uqhamaraquiw mä urojj uca alajjpach jaker uñtasitäñäni.

1 Corintios 2:9

Ucampis uca Diosan amtäwipajja Kellkatanacarjamäscaraquiwa: “Jupar munirinacataquejja Diosajj jan qhitin uñjata, jan qhitin ist'ata, jan qhitin amtat yänacwa waquichi.”

2 Corintios 3:18

Ucatpï jiwasanacajja, ajanunacasajj jan uca velompi imantatäjjatap laycojj mä espejor uñtatjamaw Tatitun jach'a cancañapatjja c'ajtanjja. Uqhamaraquiw jiwasajj juc'ampi juc'ampi Cristjama tucusctan juc'ampi khanapajj jiwasancatap laycu. Ucwa Ajayüquis uca Tatitojj jiwasanacataquejj luri.

2 Corintios 4:17

Cuntejj aca oraken t'akhesipctan ucanacajj janiw cunäquisa, tucusiriquiwa. Ucat sipan mä jach'a asqui jilarquirir wiñay cusisiñwa apaniraquejja.

Gálatas 3:26

Jumanacajj iyawsañ token takeniw Diosan wawanacapäjjapjjta, Cristo Jesusamp mayachatäpjjatanacam laycu.

Gálatas 4:6

Uqhamajj jupan wawapätasa uñacht'ayañataquejja, Diosajj Yokapan Ajayupwa chuymanacasar qhitaniraqui, uca Ajayusti arsuwa: “¡Awquejja!” sasa.

Filipenses 3:21

Jiwasanacan jan wali janchisjja jupaw trocani, jupancquis uqham c'ajquir janchipar uñtata. Uqhamsti cawquïr ch'amapampitejj take cunsa apnakqui uca ch'amapampiw uqham tucuyani.

Colosenses 3:4

Pachpa Cristow jiwasan jacañasajja. Cunapachatejj jupajj uñstancani ucqhajja, jupa chicaraquiw uñstapjjäta, khapak marcapansti jupampïpjjaraquïtawa.

Hebreos 9:28

Uqhamaraquiw Cristojj mä cutiqui sacrificionjj loktasïna waljanin juchapa apakañataqui. Ucatsti khepïrinjja uñstaniraquiniwa, janiw juchanac apakeriti, jan ucasti jupar suyt'irinacar khespiyañataqui.

2 Pedro 1:4

Ucanac toketaracwa, arsüwinacapsa churistojja, uca arsüwinacapasti wali jach'anacawa, wali asquiraquiwa. Uqhamata jumanacajj uca Diosan arsüwinacap toke cunatejj Diosan utjqui uca catokapjjañamataqui, acapach k'añu yänacatsti jaltjjapjjañamaraqui.

1 Juan 2:28

Jichhasti wawanaca, mayac Cristompi sayt'apjjam, uqhamat juparu iyawsañampi catokañäni cunapachatejj wastat uñstancani ucqhajja, jupan nayrakatapan jan p'enkachat uñjasipjjañasataqui.

1 Juan 2:7

Jilatanaca, janiw jumanacaru machak camachi kellkanipcsmati, jan ucasti cawquïr camachinacatejj kalltäwitpacha utjapcäyätamjja uca pachpawa. Aca nayra camachejj cuntejj ist'apcäyätajja kalltäwitpacha uca pachpa arunacaraquiwa.

1 Juan 3:1

Yatipjjam Dios Awquejj kawksa munasistu wawanacapat uñt'atäñasataqui, jïsa wawanacapapunïsctanwa. Ucatpï Diosar jan iyawsirinacajj jan uñt'quistutejja, Diosar jan uñt'apjjatap laycu.

1 Juan 3:10

Uqhamatwa yatisi qhitinacas Diosan wawanacapajja, qhitinacaraquis Supayan wawanacapäcaraquis ucajja. Cawquïritejj jan asqui lurquejja, uqhamarac jan jilaparus munasqui ucajja, janiw Diosancquiti.

1 Juan 3:21

Uqhamasti munat jilatanaca, chuymasatejj jan juchañchcchistu ucajja, iyawsañasaw utjistu Diosan nayrakatapana;

1 Juan 5:1

Take qhititejj iyawsañampi Jesusarojj: “Tatit Cristowa” sisqui ucajj chekpach Diosan wawapawa; maynitejj awquir munchejja, aca awquin wawanacaparojj munañaparaquiwa.

Apocalipsis 2:28

Khantati warawararacwa jupanacarojj churäjja.

Apocalipsis 22:4

Ajanuy ajanuwa uñcatapjjani, paranacaparusti sutipwa apapjjaraquini.