Lucas 20:36 - Qullan Arunaka DC

³⁶ janiw juk'amp jiwkxapxaniti uka layku. Jupanakasti angelanakjamäpxaniwa, jiwatanak taypit jaktatap laykux Diosan wawanakapäxarakiniwa.

Aymar Bibliia 1986

³⁶ Janiw juc'amp jiwcjjapjjaniti uca laycu. Angelanacjamäjjapjjewa, uqhamarac Diosan wawanacapäjjapjjewa jacatatapjjatap laycu.

Qullan Arunaca

³⁶ Janiw juc'amp jiwcjjapjjaniti uca laycu. Angelanacjamäjjapjjewa, uqhamarac Diosan wawanacapäjjapjjewa jacatatapjjatap laycu.

Lucas 20:36 Jak'a apnaqawi uñst'ayäwi

Isaías 25:8

Tatitux wiñayatakiw jiwañarux t'unjani, taqi jaqinakan jachanakapsa picharaniwa, markapan aynacht'atapsti taqi aka uraqpachat chhaqtayxani. Tatituw ukham arsu.

Oseas 13:14

¿Ukatti jichhasti jiwañat qhispiyapxämasti? ¡Ukampis janiw khuyapayasiñ uñacht'aykxämati! Jiwa, ¡Jach'a ch'amamampi aka markar t'unjir jutam!”

Zacarías 3:7

“Taqi ch'aman Tatitux akham siwa: ‘Thakhinakaxanjam sarnaqam, jumar churat luräwinak taq phuqharakim. Ukhamtix lurätaxa, nayan utax apnaqäta. Utaxsti, uta anqanakamppach uñjarakïta, nayasti, nayar luqtir angelanak taypin mä luräwi churäma.

Mateo 22:30

Kunapachatix jiwatanakax jaktkan ukkhaxa, janiw chachanakampi warminakampix jaqichaskxaniti, jupanakasti alaxpachankir Diosan angelanakapjamäxaniwa.

Marcos 12:25

Kunapachatix jiwatat jaktapxani ukkhaxa, chachanakasa, warminakas janiw jaqichasipkaniti, jan ukasti jupanakax alaxpachankir angelanakjamaw jakasipxani.

Romanos 8:16

Uka pachpa Ajayuw jiwasan ajayusampi mayachasisax Diosan wawanakapätas qhanañchi.

1 Corintios 15:26

qhipïr uñisiristi jiwawa, ukas q'ala t'unjatarakïniwa.

1 Corintios 15:42

Ukhamarakiw jiwatanakat jaktañampix lurasi. P'amp'antatäki uka janchix ñusantirikiwa; jaktki uka janchisti jan ñusantiriwa.

1 Corintios 15:49

Kunjämtix uka laq'at lurat jaqir uñtasitätanxa, ukhamarakiw mä urux alaxpachankirir uñtasitäñäni.

Filipenses 3:21

Jiwasanakan jan wali janchis jupaw k'ajkir janchipar uñtat tukuyani. Uksti kawkïr ch'amapampitix taqi kun apnaqki uka ch'amapampiw tukuyani.

Apocalipsis 20:6

¡Nayrïr jaktäwin jaktirinakax kusisiñanïpxiwa, ajllita qullan markankirïxapxiwa! Payïr jiwasti janiw jupanakxarux kuna ch'amanïkisa, jan ukasti, jupanakax Diosampin, Cristompin sacerdotepäpxaniwa, waranqa maraw jupampi reyit qunt'asipxani.

Apocalipsis 21:4

Jupaw taqi jachanakap nayranakapat picharani, janirakiw jiwañasa, jachañasa, warariñasa, usuyasiñas utjkxaniti, taqi kunanakatix nayrax utjkän ukanakax tukusxiwa” sasa.

Apocalipsis 22:9

Ukampis jupax situwa: “Jan uk luramti. Diosaruy yupaycham, taqpach jiwasanakax jupan luqtiripätanwa, nayasa, jumasa, profetanakasa, Diosan arunakapar jaysirinakasa” sasa.