2 Pedro 1:4 - Qullan Arunaka DC

⁴ Ukanak tuqiw arsüwinakapsa churistu, uka arsüwinakapasti wali jach'anakawa, wali askirakiwa, ukhamat jumanakax Tatitun arsüwinakap tuqi, akapach q'añu luräwinakat jaltxasin Diosan aski kankañap katuqapxañamataki.

Aymar Bibliia 1986

⁴ Ucanac toketaracwa, arsüwinacapsa churistojja, uca arsüwinacapasti wali jach'anacawa, wali asquiraquiwa. Uqhamata jumanacajj uca Diosan arsüwinacap toke cunatejj Diosan utjqui uca catokapjjañamataqui, acapach k'añu yänacatsti jaltjjapjjañamaraqui.

Qullan Arunaca

⁴ Ucanac toketaracwa, arsüwinacapsa churistojja, uca arsüwinacapasti wali jach'anacawa, wali asquiraquiwa. Uqhamata jumanacajj uca Diosan arsüwinacap toke cunatejj Diosan utjqui uca catokapjjañamataqui, acapach k'añu yänacatsti jaltjjapjjañamaraqui.

2 Pedro 1:4 Jak'a apnaqawi uñst'ayäwi

Romanos 9:4

Jupanakax Israelat saraqir wawanakawa, Diosasti jupanakarux wawanakapat uñt'asïna, wali ch'aman kankañapampiw jupanak taypinkäna, jupanakarusti arust'äwi arunakapa, Moisesan kamachipa, jupar yupaychaña, arsutanakamp kun churäna.

2 Corintios 1:20

jupanarak Diosan arsutanakapax phuqhasi. Ukatpï Diosar yupaychktan ukkhax “Ukhamäpan” sistanxa, Cristo Jesús tuqi.

2 Corintios 3:18

Ukatpï taqi jiwasanakax, ajanunakasan uka velompi jan imantatäxatap laykux, mä lirphur uñtatjamaw Tatitun qhapaq kankañapat k'ajtanxa, ukatsti jupar uñtataw tukupxaraktan, jupan qhanapax jiwasankatap layku, uksti Ajayükis uka Tatituw jiwasanakatak luri.

2 Corintios 6:17

Ukat Tatitux sarakiwa: “Jupanak taypit mistupxam, jithiqtapxarakim; kunatix q'añüki uk jan llamkt'apxamti. Nayasti jumanakar katuqxapxämawa,

Gálatas 3:16

Diosax Abrahamar arsuwaykän ukanakax, Abrahamampitaki, jupat saraqirimpitakïnwa. Qillqatan janiw “Saraqirinakat” parlkiti, walja jaqïkaspas ukhama, jan ukasti mayni sapatak parli: “Juman saraqirimaru” sasa, ukasti Cristowa.

Gálatas 6:8

Janchin munañaparjamatix arkaskakiñänixa, wiñayatakiw jiwañäni; ukampis Ajayun munañaparjamatix jaysañänixa, wiñay jakañ katuqañäni.

Efesios 4:13

taqinis iyawsäwina, ukhamarak Diosan Yuqapar uñt'añansa mayakïñasataki, ukhamat aski jaqir tukuñasataki, kunjämäkitix Cristox ukhamar puriñataki.

Colosenses 3:10

jichhasti machaqar tukutäxapxtawa, uka machaqar tukuñasti, sapürunjamaw irnuqt'ir Diosan munañapat machaqar juk'amp tukuski, ukhamat jupar sum uñt'añaskama.

Hebreos 12:10

Janchi awkinakasax juk'a pachatakikiw chiqachawayistu, kunjämtix amuyupan walïki ukhamaru; ukampis Diosax jiwasan askisatakiw chiqachistu, jupjam qullan tukuñasataki.

Hebreos 9:15

Ukat Jesucristox machaq arust'äwin sumankthapiyiripaxa, jupan jiwatapampiw nayrïr arust'äwirjamax jaqinakan jucha luratanakapat qhispiyi, khitinakarutix Diosax jawski jupanakar churañatak arskatayna uka wiñay jakañ katuqapxañapataki.

Santiago 1:27

Dios Awkir q'uma chuymampi arkañax akanakawa: Wajchanakaru, ijmanakaru, llakitanakar yanapt'aña, ukatsti akapach q'añu lurañanakampix janirak q'añuchasiña ukawa.

2 Pedro 1:1

Nayax Simón Pedro, Jesucriston luqtiripätwa, apostoluparakïtwa. Aka qillqatsti, khitinakatix nanakjam mä suma iyawsañ jikxatapktas ukanakaruw qillqanipxsma, Qhispiyiri Jesucristo Tatitusan chiqätap layku.

2 Pedro 3:13

ukampis jiwasax arsutaparjamaw mä machaq uraqimpi, mä machaq alaxpachampi suyt'asktan, kuntix Diosax: “Churapxämaw” siskistu uka, ukansti taqi kunas askïniwa, chiqapapunïniwa.

2 Pedro 3:9

Tatitux janiw arunakapar phuqhañ armt'askiti, kunjämtix mayninakax jan phuqhasitap amuyapki ukhama, jan ukasti, jupax llamp'u chuymampiw suyt'asipktam; Diosax janiw khitin jiwañapsa munkiti, jan ukasti, taqinin jupan ukar kutkatxañap muni.

1 Juan 2:25

Chiqpachansa Jesucristox uk churañatakiw arsuwayistu: ukasti wiñay jakañawa.

1 Juan 3:2

Munat jilatanaka, jichhax Diosan wawanakapäxtanwa. Ukampis tukuy urunakan kunäkañänitix ukax janïraw qhanstkiti, kunapachatix Jesucristox uñstankan ukapachax jupjam tukkañän uk yattanwa, kunjämäkitix jupax ukhampach uñkatatas layku.