1 Juan 1:9 - Qullan Arunaka DC ukampis jiwasatix juchanakas arsusiñän ukkhaxa, jupax chiqawa, juchanakas pampachañataki, taqi jan walinakat q'umachañatakis askirakiwa. Aymar Bibliia 1986 Jiwasatejj juchanacas arsusiñänejja, jupajj chekawa, asquiraquiwa juchanacas perdonañataqui, uqhamarac take jan walinacata k'omachañataquisa. Qullan Arunaca Jiwasatejj juchanacas arsusiñänejja, jupajj chekawa, asquiraquiwa juchanacas perdonañataqui, uqhamarac take jan walinacata k'omachañataquisa. |
Kunapachatix Jerusalén markat jayan jikxatasipkä, ukatsti utam tuqi uñtat mayisipkä ukapachax, nayan achikt'asitanakaxsa, Israel markaman achikt'asitanakapsa ist'akimaya. Jumax alaxpachatpach ist'am, kawkhantix jaktaxa ukkhatpacha, ukatsti pampachapxarakita.
ukatsti kawkha jaya markarutix apanukut uñjaskani ukkhatpach jumar makhatxapxätam, achikt'asipxarakïtam jucha luratanakap uñt'asisa,
jichhasti israelita luqtirinakamatak arumay uru mayisitaxar ist'itaya. Nanak israelitanakax juma tuq juchachasitanakax uñt'asipxtwa; ¡wila masinakaxasa, nayasa juch lurapxta!
12 (13) Janiw khitis pantjasitap amuyaskasamachiti. ¡Tatay, jan amuyaskasin juchanak lurataxat q'umacht'asita!
Jucha lurataxatsti, jan akch'as imaqasaw arsusta; juchanakax jumar arsusiñatakiw amtta, Tatay, jumasti juchanakaxat pampachistawa.
Waranqa wawanakan wawanakapatakis pachpa chiqa aski munasiriwa, ñanqha luratanaksa, jan wali amtäwinaksa, juchanaksa pampachiwa; ukampis juchanirux mutuyapuniwa, awkinakan ñanqha luratanakapatxa, wawanakaparu, allchhinakaparu, allchhinakapan wawanakaparu, allchhinakapan allchhinakaparuw mutuyi —sasa.
Juchap imt'asir jaqix, janiw nayrar sarkaniti, juchap arsusisin jaytanukxani ukasti, pampachatäxaniwa.
Parlapxam, arsusipxarakim, munapxsta ukapachax jumanakpura jiskt'asipxam: ¿Khitis nayratpacha taqi akanak arsünxa? ¿Khitis nayra urunakatpach yatiyänxa? ¿Janit naya Tatitu ukanak lurktxa? Janiw yaqha Diosax nayat sipan utjkiti. Nayat sipan yaqha atipjiri, qhispiyiri Diosax janiw utjkiti.
Jucha luratamaki uñt'asim, Dios Tatitur saykatatam uñt'asirakim; yaqha diosanakan qhipap jalatama, jach'a quqanak k'uchunakan, uka diosanakarux yupaycharaktaxa, arunakaxarus janirakiw ist'ktati. Naya, Tatituw uk arsta.’ ”
Kuna juchanaktix nayar ñanqhachañatak lurapkäna, ukhamarak nayatak sayt'asipkäna taqi ukanakat q'umachxarakïwa.
Q'uma umampiw jariqt'xapxäma, yaqha diosanakar yupaychas q'añuchasitanakamatsa q'umachxapxarakïmawa;
Janirakiw wasitat uka axtaskañ diosanakar yupaychasaxa, kunayman juchanak lurasas q'añuchaskxapxaniti. Nayaw jupanakarux jan chiqapar sarnaqatanakapat qhispiyxä, juchanakapatsa q'umachxarakï. Jupanakax nayan markaxäniwa, nayasti jupanakan Diosaparakïyäwa.
¡Sión marka, walpun kusisim! ¡Jerusalén marka, kusisiñat q'uchum! Reyimaw juman ukar jutaski, chiqa kankañani, taqi atipt'añ churiri, mä jisk'a asno qallur qunxatata.
Jupanakasti juchanakap arsusipxäna, ukat Juanax Jordán jawiran jupanakar bautisäna.
Taqi Judeankiri, Jerusalén markankirinakas jupar ist'iriw mistunipxäna. Juanasti jupanakan juchanakap arsusipanxa, Jordán jawiran jupanakarux bautisäna.
Chiqpach suma Awkixay, akapachankirinakax janiw uñt'apktamti; ukampis nayax uñt'smawa, jupanakasti juman nayar khithanitam yatipxaraki.
jupan llamp'u chuymanïtap layku. Diosax jichha pachan kamisatix aski jaqir tukuykistaspa uk uñacht'ayañ munäna; ukampix jupax kunjäm askïkitix ukham askirak Jesusar iyawsirinakarux tukt'ayi.
Diosax arsutanakap phuqhapuniwa, jupaw jumanakarux jawsapxtam, Jesucristo Tatitusa Yuqapampi mayachat jakañataki.
Jumanakat yaqhipanakax ukhamäpxarakïyätawa; ukampis jichhax q'umachatäxapxtawa, jumanakax Tatit Jesucriston sutipxaru, Diosasan Qullan Ajayup tuqiw qullana, aski jaqinakarus tukuyatäpxarakta.
Yatipxam, Tatit Diosax chiqa Diosawa, jupakirakiw arust'äwipsa munasiñampi wawanakapana, wawanakapamp phuqharaki, jupar taqi chuymampi munasirinakaru, kamachi arunakapsa phuqhirinakaru.
Ukax chiqäskapuniwa, taqiniw iyawsapxañapa: Cristo Jesusax aka uraqirux juchararanakar qhispiyiriw juti, jupanakatsti nayaw nayrïrïtxa.
Jupaw jiwas layku jiwawayi jan walinakat jiwasar qhispiyañataki, q'umachañataki, ukhamat jiwasanakan jupan markapäñasataki, askinak lurañasatakiraki.
Ch'aman sayt'asipxañäni, jan pächasisa, kuntix suyktan uk iyawsasina, Diosasti kuntix arsuwaykistu uk phuqhaniwa.
Sara warmix iyawsäwi laykuw jan wawachasirïkasina, Abrahamas wali chuymanïkasin wawanïñatak ch'am katuqäna; wawachasiñapatak Diosax arskatayna ukan arupar iyawsatap layku.
Diosax chiqapar uñjiriwa, kuntix jumanakax lurapkta ukat janiw armaskaniti, qullan markankir jilatanakar munasiñ uñacht'ayatamatsa, yanapt'atamatsa, jichhakamas ukham lurasipkaktawa.
Ukampis jiwasatix qhanan jakañäni, kunjämatix Diosax qhanankki ukhamxa, maynit maynikamax mayakïtanwa, Jesucristo Yuqapan wilapasti taqi juchanakasat q'umachistu.
Ukatsti Diosan luqtiripa Moisesan q'uchupampi, ukhamarak Corderon q'uchupampi q'uchupxäna, akham sasa: “Taqi ch'aman Tatit Diosay, luratanakamax jach'awa, muspharkayarakiwa. Markanakan Reyipa, sarnaqäwinakamax chiqapawa, askirakiwa.