Apocalipsis 15:3 - Qullan Arunaka DC

³ Ukatsti Diosan luqtiripa Moisesan q'uchupampi, ukhamarak Corderon q'uchupampi q'uchupxäna, akham sasa: “Taqi ch'aman Tatit Diosay, luratanakamax jach'awa, muspharkayarakiwa. Markanakan Reyipa, sarnaqäwinakamax chiqapawa, askirakiwa.

Aymar Bibliia 1986

³ Diosan sirviripa Moisesan k'ochunacapwa k'ochupjjaraquïna, uqhamarac Corderon k'ochupsa, aqham sasa: “Jach'ätawa, muspharcañaraquïtawa. Jumaraquïtaw take cun luriri jach'a Diosajja. Sarnakäwinacamas chekaparaquiwa, marcanacan Reyipa.

Qullan Arunaca

³ Diosan sirviripa Moisesan k'ochunacapwa k'ochupjjaraquïna, uqhamarac Corderon k'ochupsa, aqham sasa: “Jach'ätawa, muspharcañaraquïtawa. Jumaraquïtaw take cun luriri jach'a Diosajja. Sarnakäwinacamas chekaparaquiwa, marcanacan Reyipa.

Apocalipsis 15:3 Jak'a apnaqawi uñst'ayäwi

Génesis 17:1

Kunapachatix Abram chachax llätunk tunka llätunkani maranïxän ukkhaw Tatitux jupar uñstäna, ukatsti sarakïnwa: —Taqi ch'amani Diosax nayätwa; jumasti nayan nayraqataxan askipun sarnaqam,

1 Crónicas 6:49

49 (34) Aarón chachampi, jupat saraqir wawanakampiw wilañcha luqtañ altarxarux waxt'äwinak nakt'ayapxirïna, ukhamaraki incienso luqtañ altärxaru. Jupanakarakiw Qullanan Qullanap chiqawjan uka luräwinak phuqhapxirïna, Israel markatak juchanakat pampachäwi mayisa, kunjämtix Diosan Moisés luqtiripax siskän ukhamarjama.

2 Crónicas 24:6

Ukat Joás reyix Joiadá jach'a jilïr sacerdoter jawsayanïna, juparusti sänwa: —¿Kunatarak levitanakar Judá, Jerusalén muytayiri jan khitktasti, kunjämtix Tatitun Moisés luqtiripasa, Israel markasa Tatitun utapatak churañ amtapkän uka yanapanak markanakat apthapipxañapatakisti? —sasa.

Nehemías 9:14

Jupanakarux yaticharaktawa sábado uru jumatak imapxañapataki; ukatsti Moisés luqtirim tuqiw kamachi arunaka, chiqpach yatichäwinak jupanakar churaraktaxa.

Job 36:24

Taqi jaqiw jupan luräwinakap jach'añchi; jumasa luräwinakap jach'añchañat amtasirakim.

Job 5:9

¡jupax muspharkañ jach'a luräwinak luri, uka luräwinaksti janiw khitis amuyt'irjamäkiti!

Salmos 100:5

Tatitux khuyapayasiriwa, munasiñapax wiñayatakiwa, chiqa kankañapasti jan tukuskiriwa.

Salmos 105:5

Muspharkañ jach'a luratanakapat amtasipxam, kamachi arsutanakap amthapipxam;

Salmos 111:2

Tatitun luratanakapax muspharkañawa, luratanakapar munirinakax sum yatxatapxi.

Salmos 111:7

Luratanakapax askiwa, chiqaparakiwa; kamachinakapax taqi chuymamp iyawskayawa,

Salmos 139:14

Muspharkañ nayatak luratamat jumaruw yuspagarsma. ¡Uksti sumpun yatista!

Salmos 145:17

Tatitux taqi sarnaqäwipan chiqap uñjiriwa, taqi luräwinakapan munasiñaniwa.

Salmos 145:6

Axsarkay ch'aman luratanakamat yatiyasini, nayasti jach'a luräwinakamat parlarakï.

Salmos 18:30

30 (31) Tatitun thakhipax chiqapawa, jupan arsutanakapax taqi chuymamp iyawskayawa, ¡Tatitux jupar taqi chuymamp alkatirinakarux imaskapuniwa!

Salmos 78:12

Diosax Egiptonkir Soan uraqinxa, awkinakapan uñjkañaw muspharkañanak luräna:

Salmos 92:5

5 (6) Tatay, ¡luratanakamax sinti muspharkayawa!, ¡amtatanakamax jan amuyt'kayawa!

Salmos 99:4

Jumax ch'aman reyïtawa; aski kankañar munasirïtawa; jumaw chiqap sarnaqañ uñstaytaxa. Jumaw Jacobun wawanakaparux sum uñjtaxa, chiqaparuw taqi kuns tariptaxa.

Isaías 33:22

Asiria barcon phalanakapasti janiw suma jiyantatäkiti, velop uskuñ lawapasti uksar aksaruw liwinki. Uka qamir kankañanakap q'al aparañäni, juykhus kunatix jupar wakt'ki uk katuqani, suchunakasti aparañaruw uskusipxani. Tatituw chiqapar uñjirisaxa, jiwasan reyisasa, jupaw qhispiyistani.

Isaías 45:21

Parlapxam, arsusipxarakim, munapxsta ukapachax jumanakpura jiskt'asipxam: ¿Khitis nayratpacha taqi akanak arsünxa? ¿Khitis nayra urunakatpach yatiyänxa? ¿Janit naya Tatitu ukanak lurktxa? Janiw yaqha Diosax nayat sipan utjkiti. Nayat sipan yaqha atipjiri, qhispiyiri Diosax janiw utjkiti.

Daniel (hebreo) 6:20

20 (21) uka putur jak'achasisasti llakt'at arumpiw Danielar jawsäna: —Daniel, jakkiri Diosan luqtiripa, ¿taqi chuymamamp yupaychkta uka Diosamax leonanakan lakapat qhispiytamti? —sasa.

Daniel (hebreo) 9:11

Israelankirinakax taqiniw yatichäwinakam jan yäqapkiti, juman arsutanakamarus janiw jaysapkarakiti; ukat nanakxaru wakt'apxitu, Moisés luqtiriman kamachipan qillqatäki uka juramentompi, taqi ñanqhachäwi arunakampisa, nanakan juma nayraqatan juchachasipxatax layku.

Oseas 14:9

9 (10) Yatiñani, ch'ikhi jaqinakas aka arunak amuyt'apxpan: Tatitun thakhipax chiqapawa, chiqa jaqinakakiw ukanjam sarapxi; ukampis ñanqha jaqinakax uka thakhin liwisipxiwa.

Miqueas 7:20

¡Tatay, munasiñamampita, chiqa kankañamampit janikiy armasimti, kunjämtix jumax Abraham, Jacob uka nayra awkinakaxaru arskäyätas ukanakxa!

Sofonías 3:5

Ukampis Tatituw uka markankaski; luräwinakapax taqinitakis askipuniwa. Sapa qhantatiw jan armt'asis chiqa arunakap arsuraki. Ukampis juchan phuqhantat jaqixa, luratanakapat janiw p'inqasipkarakisa.

Zacarías 9:9

¡Sión marka, walpun kusisim! ¡Jerusalén marka, kusisiñat q'uchum! Reyimaw juman ukar jutaski, chiqa kankañani, taqi atipt'añ churiri, mä jisk'a asno qallur qunxatata.

Juan 1:17

kamachix Moisés tuqiw churasïna, ukampis munasiñampi, chiqa kankañampix Jesucristo tuqiw juti.

Deuteronomio 31:30

Ukatsti Moisesax tantachat israelita jaqinak nayraqatan aka q'uchu arsüna, qalltat tukuykama:

Deuteronomio 32:3

“Diosan sutip qhanañchä: ¡Diosasan jach'a kankañap uñt'apxam!

Deuteronomio 34:5

Ukhamaw Tatitun luqtiripa Moisesax, Moab uraqin jiwxäna, kamisatix Tatitux siskatayna ukhamarjama.

1 Timoteo 1:17

¡Jichhasti, wiñay jach'a Reyiru, jan jiwiriru, jan uñjkay sapa Diosar jach'añchas yupaychañäni! Ukhamäpan.

Hebreos 3:5

Ukhamaw Moisesax Diosan utapan lurañanakampi phuqhäna; jupan lurañapax kuntix Diosax siskän ukanak qhanañchañänwa.

Josué 22:5

Ukampis jan armasipxamti, jumanakax taqi iyawsañ chuymampipuni Tatitun kamachiparusa, arsutanakaparusa phuqhapxam, kunjämtix Diosan luqtiripa Moisesax sapktam ukhamarjama, jumanakax Tatit Diosamarux taqi chuymamp munapxam, jupan chiqa thakhipanjam sarnaqapxam, arunakaparus jaysapxam, taqi munasiñ chuymampi, taqi amuyumpi arkasa jupar luqtapxam” sasa.

Apocalipsis 1:8

Tatitux siwa: “Nayätwa qalltasa tukuyasa, khitïkitix uka, khitïkäntix uka, khititix jutkani uka; jupasti Taqi Munañaniwa.

Apocalipsis 11:17

akham sasa: “Taqi ch'aman Dios Tatay, yuspagarapxsmawa, jumax jakasktawa, utjaskapunïyätawa, utjaskaktawa, jichhas utjaskakipunïtawa. Jichhax jach'a ch'amam katxartaxa, aka uraqi apnaqañ qalltaraktaxa.

Apocalipsis 14:3

Jupanakasti mä machaq q'uchu q'uchupxäna qhapaq qunuñ nayräxana, uka pusi jakaskirinakan nayraqatapana, ukhamarak uka pä tunka pusin jilïrinakan nayraqatapana. Janiw maynis uka q'uchu yatiqirjamäkänti, jan ukasti patak pusi tunka pusin waranqa jaqinakakiw yatiqapxäna, ukanakasti uraqit irpsuta qhispiyatanakänwa.

Apocalipsis 14:8

Uka angelarusti yaqha angelarakiw arkäna, akham sasa: “¡Aynacht'xiwa, aynacht'xiwa, jach'a Babiloniaw aynacht'xi, taqpach markanakar jucha lurañanak yatichiri, k'ari diosanakar jaysañ yatichir markax t'unjataw uñjasxi!” sasa.

Apocalipsis 17:14

Ukatsti, uka jach'a axsarkañ animalampi, uka tunka reyinakampix Corderompiw nuwasipxani, ukampis Corderompi jupar arkirinakampix ukanakar atipjaniwa, Corderox munañaninakansa Munañanipa, reyinakansa Reyipätap layku. Jupar arkirinakax jupampïniwa. Diosan jawsata ajllitanakapawa, suma arkirinakäpxatap layku” sasa.

Apocalipsis 19:16

Isipansa, charapansa mä suti qillqt'atarakïnwa: “reyinakansa Reyipa, munañaninakansa Munañanipa” sasa.

Apocalipsis 19:2

jupax chiqapar uñjasaw markanakar taripi; jach'a q'añusirirusti juchañchiwa, uka q'añusitapampiw taqi jaqinakar jan walir apaskäna; Diosan luqtirinakapar jiwarayatapat juchañcharaki” sasa.

Apocalipsis 4:8

Uka pusi jakaskirinakat sapa maynix suxta chhiqhankamänwa, patatsa manqhatsa nayranakampi phuqsutänwa. Arumay ururakiw jan samaras sapxäna: “¡Qullana, qullana, taqi ch'aman Tatit Diosax qullanawa Jupax utjaskapunïnwa, utjaskakiwa, jichhas utjaskakiniwa!” sasa.