Apocalipsis 15:2 - Qullan Arunaka DC

² Ukatsti uñjaraktwa qhispir uñtat mä jach'a quta, ninampi kituntatjama; uka quta thiyansti khitinakatix jach'a axsarkañ animalar atipjapkatayna ukhamaraki uka animalan sutipan jakhupampi chimpuntayasiñ jan munapkatayna, janirak uka animalar uñtasit lursutapar yupaychapkatayna ukanakaw sayt'atäsipkäna. Diosax jupanakar churkatayna uka arpanak apt'atkamaki.

Aymar Bibliia 1986

² Ucatsti uñjaractwa mä jach'a kotar uñtata, ucasti vidriompit ninampit luratjamänwa. Qhitinacatejj jach'a ajjsarcañ animalarusa, uñtasitaparusa, uqhamarac uca animalan sutipäquis uca numeroparus atipjapcäna ucanacajja, uca kota thiyan sayt'atäpjjänwa, cuntejj Diosajj jupanacar churcataynas uca arpa apt'atcamaqui.

Qullan Arunaca

² Ucatsti uñjaractwa mä jach'a kotar uñtata, ucasti vidriompit ninampit luratjamänwa. Qhitinacatejj jach'a ajjsarcañ animalarusa, uñtasitaparusa, uqhamarac uca animalan sutipäquis uca numeroparus atipjapcäna ucanacajja, uca kota thiyan sayt'atäpjjänwa, cuntejj Diosajj jupanacar churcataynas uca arpa apt'atcamaqui.

Apocalipsis 15:2 Jak'a apnaqawi uñst'ayäwi

Mateo 3:11

Nayasti, chiqpachansa umampiw bautisapxsma, ukhamat jumanakax Tatitur kutikipstapxatam uñacht'ayañataki; ukampis khititix nayat qhipa jutki ukax Qullan Ajayumpi, ninampiw bautisapxätam. Jupasti nayat sipan juk'amp ch'amaniwa, nayasti janirakiw jupan wiskhup apañatakis askïkti.

1 Pedro 1:7

Jumanakan iyawsañamasti kunjämtix qurix ninampi yant'atäki ukham yant'atäñaparakiwa. Yant'ampi q'iwtasir iyawsäwix, tukusir qurit sipansa, juk'amp jila alaniwa. Ukhamat jumanakan iyawsañamax yant'atäsinxa, Jesucristox jutkani ukapachaxa, sumat uñt'atänixa, jach'arus aptatarakïnixa.

1 Pedro 4:12

Munat jilatanaka, uka jach'a yant'anak jumanakxar jutatapatxa, jan mayjt'asipxamti, mä kuna jan walis jutkaspa ukhama.

Apocalipsis 12:11

Jilanakasax atipjapxiwa, Corderon wartat wilapampi, chiqa arunak qhanañchapxatapampi; janirakiw jiwañsa axsarapkänti, jiwañatakis jank'akïpxarakïnwa.

Apocalipsis 13:1

Ukatsti axsarkañ mä jach'a animalar qutat mistur uñjta, ukasti paqallqu p'iqinïnwa tunka waxran kuna. Sapa waxrarusti mä pillunïnwa, p'iqinakapansti Diosar ñanqhachir jan wali sutinak qillqataw utjäna.

Apocalipsis 13:14

Nayrïr axsarkañ animalan churata munañanïñ kankañampiw aka axsarkañ jach'a animalax muspharkañanak luratap tuqi uraqin jakir jaqinakar sallqantäna. Ukatsti nayrïr jach'a axsarkañ animalar uñtat lursuyarakïna, kawkïritix espadampi chhuxriñchjatäsin jakaskatayna ukar uñtata.

Apocalipsis 13:17

Janirakiw khitis kun alasiñapäkänti, aljasiñapäkänsa, janitix uka chimpunïkäna, jan ukax, uka jach'a axsarkañ animalan sutipampi chimpt'atäkäna, jan ukax, uka axsarkañ animalan sutipan jakhupanïkän ukaxa.

Apocalipsis 21:18

Markan pirqapasti diamante qalat luratänwa, markax quritkamakïnwa, llijsuyat qhispir uñtata.

Apocalipsis 4:6

Uka qhapaq qunuña nayraqatansti suma ch'uwa umani qutar uñtataw utjarakïna, mä qhispir uñtatjama. Taypinsti, uka qhapaq qunuñar muyuntki ukawjansti, pusi jakaskirinakaw utjarakïna, ukanakasti nayräxarusa qhipäxarusa walja nayranakanïnwa.

Apocalipsis 5:8

ukatsti ukspachaw, uka pusi jakaskirinakasa, uka pä tunka pusin jilïrinakas Cordero nayraqatan killt'asipxäna. Sapa maynin arpax utjäna, inciensompi phuqt'ata qurit lurat qiru ast'atkamarakïnwa, uka inciensosti Diosan markapan mayisitanakapänwa.